عملت حادثه بعربيتي بس ربنا ستر

[hamaad]

قدر الله و وخير ما فعلت

[ahmed el gendy]

المشاركة الأصلية كتبت بواسطة f3lix حمد الله على السلامة وكويس انك بخير وبصراحة انت طيب قوي قوي انك معملتلوش حاجة انا لو مكانك والراجل ده اتسبب في خربوش في عربيتي كنت نزل كلته مابالك باللي حصل في عربيتك بقى

الله يخليك يا باشا الفكره مش طيبه الموضوع بس هو ثبات انفعالي ماهو اللي حصل حصل وبعدين دول حبت عالم بلطجيه ولا يهمهم حاجه فلازم ما تتهورش معاه وتحاول تلعب علي اماكن الضعف بتاعته وهي انه مجرد ما يشوف البوكس هيحترم نفسه وهو ده اللي حصل بالضبط دي كفايه وقفته قدام الضابط ف المركز وهو عمال يلف ويدور عشان يتحجج بانه مشي مخالف باي كلام فاضي

[فادي مكرم]

حمد الله ع السلامة
وانت مش غلطان
لو كنت سيبت بتاع التوك توك كان زمانه راح حاكي لصحابه وبعد كدة تلاقى سواقين التكاتك
يمشوا عكس و اوتوماتيك يخبط وينام ع الارض

المشاركة الأصلية كتبت بواسطة luaai أول حاجة ألف مليون حمد الله على السلامة وفداك مليون توك توك ماشيين بالعكس بسواقينهم كمان إللي أنا مغلطك فيه إنك لسه مارفعتش قضية على سواق التوكتوك وتتهمه فيه بالشروع في قتلك بمشيه المخالف لأنظمة وقواعد المرور... ده أنا لو مكانك كان وهو عامل نفسه ميت عالأرض كنت جبت أجله بحجر ولا حاجة!!!!!!!!وطالما مش واخد منها حاجة أولع في التوكتوك وأسيبه يلبسه هو صاحب التوكتوك أو لو كان بتاعه يبقى أحسن.. بلطجة ببلطجة بأه!!!! مش عارف في ناس كده مالهاش لازمة ولازم تاخد بالجزمة عشان تخرس وماتتكلمش في اللي ماتفهمش فيه "من أتلف شيئا فعليه إصلاحه" دي قاعدة شرعية معروفة أما اللي بيتنازل ويقولك أنا ما باخدش عوض فده بيبقى تنازل عن الحق بشكل أعمى وبيبقى منساق ورا كل اللي بيقولوها زي البغبغانات " أنا ما باخدش عوض" ياسلااااااااااااااام؟؟؟؟؟ ؟؟؟ وولا هو فاهم أي حاجة في البتنجان طب واحد من اللي بيقولك اتنازل وسيبه ياكل عيش!!!!! مايعرفش ان الحدود في الاسلام شرعت عشان الواحد لما يغلط يلاقي العقاب الرادع (المساوي لفعلته) وإلا هيتمادى في الغلط طبعا!!!!! وحضرتك لو ماكنتش عملت اللي عملته (وده طبعا عين العقل اللي عملته واستحالة أسيطر على نفسي ساعتها) كان كل واحد اتضرر من سواق التوكتوك ده أواللي قلده كمان، ذنبه في رقبتك!!!!!! الحمد لله إنها جت على أد كده والله يعوض عليك أتمنى ما تتضايقش من كلامي أنا عارف إني حاد شوية لكن والله لو كل الناس ماسابتش حقها الدنيا هتنصلح حالها إن شاء الله

كلام صح وتمام التمام

المشاركة الأصلية كتبت بواسطة mar mar حمدلله علي سلامتك لو صاحب التوكتوك ده غلبان وانت عارف ده يعني باين عليه بيقي حرام عليك اما لو شكلوا بلطجي يبقي يستحق اللي يجرالوا

ازاي غلبان يا انسة مرمر دا عايز ضرب البلغ ماشي بالعكس وعرض حياة انسان للخطر بل والموت وتقولي انه غلبان...دا عايز الحرق صاحي

المشاركة الأصلية كتبت بواسطة احمد بدر1978 قدر الله وما شاء فعل حمد لله على سلامتك

كنت هاقولها بالضبط

[amro0000]

ياريتة اتعدم مش دفع الفين وبس