مليونيه 18-11-2011 الجمعه ( الخاصه بمبادئ الدستور ) هل انت معها أو ضدها

[mar mar]

[mf]

المشاركة الأصلية كتبت بواسطة MmFFoR المجلس العسكري بكل صراحة هو مجلس الفلول و طنطاوي ياما شفناه بينحني امام مبارك احترام و تقديرا و ابن طنطاوي لا يزال حتى الان شغال السمسار المالي لابناء مبارك و اعضاء المجلس العسكري كلهم كانوا بياخدوا بدل ولاء للرئيس مبالغ 300 الف الى مليون جنيه شهريا للحفاظ على نظام الحكم و الولاء لمبارك و نتكلم اكترر؟ الانتشار للاجيش في بداية الثورة لم يكن لحماية الثورة و لكن لحماية نظام الحكم الحالي و ذلك عن طريق تامين ماسبيرو و قصور الرئاسة و مجلس الوزراء و جميع الهيئات السيادية خوفا من اقتحام الثوار لها و اعلانهم سقوط نظام الحكم الحالي و ذلك بعد اسقاط قوات الشرطة. تأمين الجيش لجميع مراكز امن الدولة حتى اتمام اتلاف المستندات الدالة على فساد قيادات الدولة و الجيش!! للمتابع بدأ الجيش يأخذ منحنى متوافق مع الثورة بعد اصدار تعليمات لقادة الجيش الميداني من شباب الجيش بالتعامل مع ثوار ميدان التحرير و ذلك بعد فشل موقعة الجمل التي تسبب فيها الجيش و قام بتأمين بلطجيتها حتى وصولهم للميدان بكامل سلاحهم و عتادهم !! و التي تسببت بمقتل مئات من شباب مصر الشرفاء!!! صدرت تعليمات لقادة الجيش الميداني في التحرير باخلاء الميدان و التعامل بالرصاص الحي و رفض شباب الجيش تنفيذ الاوامر و قاموا بغلق اجهزة الارسال!!! من اصدر هذه التعليمات؟ المجلس العسكري و كبار ضباط الجيش الموالون لمبارك!! فور استيعاب المجلس العسكري خطورة الموقف و ان الانشقاقات في صفوف الجيش بدأت منذ اليوم الاول للثورة - ادرك ان الذئب وجب عليه ارتداء ثوب الحمل للمرور عبر العاصفة و اللا فان النتيجة الوحيدة هي مثول جميع افراد المجلس العسكري امام محاكم الثورة هم و اسرهم من الفاسدين و اللصوص و الخونة و المفسدين... لذلك اعلن المجلس حيادية الجيش و نهاية بتمثيلية التنحي السخيفة هربا من عاصفة الانشقاقات و الثورة جميع بيانات المجلس ثبت زيفها و كذبها الواضح.. اتمنى ان يدرك الاخوان اخيرا ان جميع وعود المجلس كاذبة و ان الوحيدين الذين يتملكون زمام السلطة في حالة بقاء المجلس هم فلول النظام السابق لانهم هم الوحيدون الاصدقاء الحقيقيين للمجلس. ملحوظة : تعامل المجلس مع ثورة شباب الظباط و حالات الانشقاقات بالعنف تارة كما حدث مع ضباط 4 ابريل و بسياسة مسح المخ كما حدث مع البقية بالاعلام العسكري و بادلة زائفة و وضيعة ان الثورة قام بها عملاء و خونة و ان امريكا و اسرائيل و ايران و قطر هم مموليها!!! و بأن 6 ابريل خونة و عملاء و شواذ و ان الاخوان متسلقين و منتفعين و بان النصارى انفصاليين و همج و حاقدين و بان السلفيين رجعيين و متخلفين و دمويين في دعاية داخلية بين افراد الجيش ان جميع عناصر الثورة هم ضد الوطن!!! فانا اتوقع في حالة نجاح ثورة 18 نوفمبر انها ستكون اشد من ثورة 25 يناير لاننا سنتعامل مع افراد جيش مشحونين و مبعبئين بشحنة حقد و غضب و طاقة سلبية ضدنا و ضد اي رافض للمجلس و مسلحين بالعتاد و الاسلحة الثقيلة! اللي حينزل ينوي النية لوجه الله و يتشاهد و ربنا هو الناصر اولا و اخيرا و ما علينا اللا اخلاص النية ..

هو حضرتك نازل ميدان التحرير اللي في كابول يتشاهد ايه بس وكلام فاضي ايه

ولا اقولك ولعها ولعها مانتوا اللي هتتحرقوا بيها اول ناس

[abu_ruqayyah]

المشاركة الأصلية كتبت بواسطة mar mar انا عايزه اعرف حاجه واحده هو كلمه يسلمو السلطه معانها انهم يعملوا انتخابات برلمانيه طيب انا عندي سؤال لما يبقي الجيش فوق الدستور وان مش من حق اي حد يحاسبه صرف فين ولابيعمل ايه علشان المبدا اللي فوق الدستوريه عوده الحزب المنحل الوطني للحياه السياسيه علشان قل ايه نستفيد من خبرتهم في الحياه السياسيه وده علي لسان المجلس العسكري نفسه اللي قال بعد الثوره انه لا يمكن ان الحزب الوطني انه يدخل الحياه السياسيه لاه خرب الحياه السياسيه في مصر يبقي اسمه ايه طيب بلاش كل ده انت عارف ايه من اخبار مبارك او ولاده وايه اخره المحاكم اللي شغاله بذمتك مش في تكتيم رهيب علي الحوارات دي كمل ده والناس بتقول انتم عايزين ايه ما هو الجيش عامل ايه انتخابات وبيعمل ووعود بيدي ومان وموجود ويطلع الشعب ابن تيت مش راضي ولا قابل باللواقع وهو اساس المشكله انا هنزل لاني ضد المبادء اللي فوق دستوريه للجيش انا هنزل اقول لا للحزب الوطني والتعامل معاه وانه يدخل الحياه السياسيه تاني انا هنزل اقول لا انت عجبك الحال والبلد متنزلش مش هي دي الحريه ولا ايه

طبعا دي حريتك الشخصية انك تتظاهرى وتقولى رأيك منغير ما تضري بمصالح حد
ويا استاة مرمر الانتخابات البرلمانية ووضع الدستور و الانتخابات الرئاسية تعتبر تسليم السلطة وهما بالفعل بدأ فى تسليم السلطة مع بداية انتخاب البرلمان وانا ما قولتش انهم بكدا يبقوا سلموها بالكامل
اما بقي المباديء الفوق دستوريه دي اللى عاملة قلق فنقدر نعترض عليها والمجلس الاعلى فاتح بابه ومستعد يقابل اى حد - ولما واحد يجي يقولك لو احتاجتي اى حاجة او ليكي اعتراض او طلب تعليلي المكتب وانتى تقفى فى الشارع تتظاهرى فدا يبقي اسمه ايه !!! - اعتقد ان المظاهرة دي بتكون اخر حل لما المسؤل ما يرضاش يسمع للمواطن ( مش عمال على بطال اول ما تحب تقوله حاجة تعمله مظاهرة )
واما بقي عن اعضاء الحزب الوطنى السابق واننا نعملهم عملية عزل سياسى او نحجر عليهم منغير ما يكون فى سبب وجيه للحجر دا فدا يعتبر دكتاتورية وممارسة للعنف السياسى - انا لا احب الحزب الوطنى او شيء - لكن كلنا مواطنين ولنا نفس الحقوق وان كان فى عضو من الحزب الوطنى كان عمل خطأ او جريمة فدا اه من حقك تقولى لا دا ما ينفعش انما مش كله كله ظالم او مظلوم ما ينفعش يرشح نفسه


على فكرة فى اعضاء فى الوطنى كانوا كويسين وكويسين جدا واهالى دايرتهم بيشيلوهم على الاعناااااااااااااااااااا اق وفخورين بيهم كمان


يبقي نسيب الحكم دا للناس مش نمشي كلام 20 ملون فى مليونية الجمعه - ودا طبعا مستحيل يكون عدد المتظاهرين - على باقي 80 مليون مصري ولا اييييييييييييييييييييه

[mf]

المشاركة الأصلية كتبت بواسطة MmFFoR اخر الكلام: غدا ان لم يستطع الشعب ان يغير - فلن تقوم للثورة و الحرية و الديموقراطية و العدالة و التطوير و النمو و الرقي و التحضر في مصر قائمة و حيبقى الوحيدين اللي استفادوا هم المهاجرين من مصر .. لان كل اللي في مصر حيشوفوا ايام اسود من قرن الخروب و الناس حتصل لدرجة انهم حياكلوا بعض من الفقر و الظلم و الجور و انعدام الامن و العدالة و المساواه يا رب.. وفق مصر لما تحبه و ترضاه

غدا ان لم يقتل الشعب الجيش ويقتل الجيش في الشعب فلن تقوم للبلاد قائمة

اقتلوا واحرقوا وسيطروا علي المنشئات

تقدموا للامام ثورة ثورة ثورة

ياااخي ارحمنا بقي واللي زيك كمان يرحمونا ويرحموا البلد


اللهم احفظ لمصر جيشها وابنائها

اللهم عليك برواد الفتنة وناشروها فانهم لايريدون الا خرابا ودمارا

اللهم عليك بالفجرة والمنافقين واحفظ لمصر وحدتها

ياارحم الراحمين

[mf]

المشاركة الأصلية كتبت بواسطة mar mar انا بقول كفايه علي الجيش كده ويسلموا السلطه براحه احسن

وان مسلمش السلطه بالراحه ايه اللي هيحصل يعني


هتستخبولنا في الدره ولا ايه؟؟