حد عندة تفسير للفديو دة

اللي ايده في النار مش زي اللي ايده في الميه الساقعة

[تامين سيارات]

السلام عليكم اخوانى الكرام

الحقيقة من الفيديو كدة انهم مهربين سلاح و همة شكلهم حرمية بلاش فى واحد فين من الناس الى مش مبرشمة يستحمل الصاعق فى اذنة

و من التحقيق كدة انهم كانو عاوزين يعرفو مين صاحب السلاح يا جماعة الناس دى لو وقع راجل من بنت فى اديهم كانو هايتعاملو بالقانون دول ناس متبلدين

دول كالو ضرب لو انسان عادى كان مات ومع ذلك واقفين من غير اى حاجنة باين انهم مبرشمين بجد

عاوزين نساعد الجيش و الشرطة فى لم الناس دى

اما لو اعتقدنا خطاء فيهم لابد من محاسبة الظباط غير كدة يبقى تهريج البلطجية لازم يتهانو و ينضربو بالقديمة

[AbOnOrA]

المشاركة الأصلية كتبت بواسطة walidelwahsh اللي ايده في النار مش زي اللي ايده في الميه الساقعة

مفهوم طبعا ان اللى ايدة فى النار غير اللى ايده فى الحاجة الساقعة
انا شخصيا بيتى اتعرض للسرقة قبل كده ولو كان الحرامى وقع تحت ايدى كنت يمكن اعمل فيه زى كده
بس لو انا مواطن عادى بدافع غضبى عملت كده المفروض اللى اتربى على الانضباط والعسكرية واللى درس القانون 4 سنين ميعملش كده ابداً والا يبقى مفيش فرق بينى وبينة والا تبقى شريعة الغابة هى الحاكمة
وزى ما قولت قبل كده يبقى بلاها اقسام ولا محاكم والعيل من دول نضربة فى النار فى ساعتها بدل ما بنصرف عليه من فلوس الدولة فى السجن اكل وشرب وترفيه (لزوم حقوق الانسان)

[AbOnOrA]

المشاركة الأصلية كتبت بواسطة تامين سيارات و همة شكلهم حرمية باين انهم مبرشمين بجد

يعنى يا استاذ عمرو احنا خلاص هنلغى البحث الجنائى والطب الشرعى والنيابة والقانون والمحاكم والمحاميين ونحكم على الناس بالشكل وهاتك يا ضرب واهانة فى اللى شكله يدى على بلطجى او شمام ؟؟

اتفضل يا استاذ ايمن aymanlaw ادى واحد كمان مؤمن معاك بنظرية لمبروزو

[young..pharaoh]

حضرتك دى كانت مادة فى دستور 71 19 الباب الثالث:فى الحقوق والحريات والواجبات.مادة(42): كل مواطن يقبض عليه أو يحبس أو تقيد حريته بأى قيد تجب معاملته بما يحفظ عليه كرامة الأنسان، ولا يجوز إيذائه بدنيا أو معنويا، كما لا يجوز حجزه أو حبسه فى غير الأماكن الخاضعة للقوانين الصادرة بتنظيم السجون. وكل قول يثبت أنه صدر من مواطن تحت وطئة شىء مما تقدم أو التهديد بشئ منه يهدر ولا يعود عليه.

اتقوا الله وبلاش كلام كله جهل بالدين وبالقانون وبالاعراف الاخلاقية حتى ده اللى بيبقى اسير حرب ميصحش يتعامل كده واللى عليه حكم الاعدام لا يصح انه يهان او ينكل به ونهينا على المثلى او التمثيل بالجثث ده حتى لطم او ضرب الوجهه منهى عنه تماما لان ربنا كرم بنى ادم وده الاسلام وديه الاعراف وده القانون الدولى والمحلى ايه الفتاوى والاحكام اللى عمال اقراها ديه ولما البهايم اللى المفروض تمثل القانون هم نفسهم اول ناس تخرقة وتنكل بمتهم (مازال برى الى ان تثبت ادانتة) وواحد تانى يقولك اضربهم بالنار ،، بالذمة يبقى ناقص ايه فى الجهل مش فينا طب وايه لازمتة التعب والاقسام والمحاضر والقواضى والمصاريف ما احنا ندى للشرطة طبنجات وراشاشات واللى يلاقوه مش عاجبهم يضربو بالنار على طول فى ساعتها حتى يبقى اكثر ادمية من التعذيب

ياراجل ده حتى فى الافلام العربى كان يجيبلك الظابط اللى بيعذب كده ليه هيبة ويقعد يعذب فى المسجون بنفسه لكن 4 ولا خمس ظباط جيش وشرطة قاعدين يضربو فى اتنين بالقفا ويكرهبوهم فى ودانهم بالزمة ديه رجولة ولا ديه ديه فروسية فعلا الاحرار يبكون شهدائهم والعبيد يبكون جلاديهم

كدا جبتوا الخلاصة

يعني ولا القانون يسمح

ولا الدين يسمح

ولا حتي المروءة تسمح