ايه راى الناس فى 6 ابريل وفى البرادعى

[attef1]

باختصار شديد البرادعى اكبر حرامى الان فى مصر لان السرقة مش بس فلوس وهو بالفعل بلا اخلاق
هو يحاول سرقة السلطة ويبيع اى شئ للوصول لكرسى الحكم
مثال بسيط هو يدعى العلمانيه ثم يتحالف مع الاخوان !!
عموما عادى الطيور على اشكالها تقع هو كذاب كبير و هم كذلك والاثنان فى نظرى لا عهد لهم

[attef1]

المشاركة الأصلية كتبت بواسطة فادى فى النهاية فان قوى الثورة مثل جبهة البرادعى و 6 ابريل و غيرهم يديرون المعركة السياسية بغباء لا مثيل له, الثورة كل يوم تكتسب اعداء جدد, و السبب هو اصرار ما يسمى بالقوى الثورية على استبعاد و اقصاء قسم كبير من الشعب المصرى بدعوى انهم فلول او مؤيدين للنظام السابق, ليتهم يتعلمون من الثورة الليبية و الشيخ عبد الجليل الرجل المحترم الذى وقف بعد دخول الثوار الى طرابلس ليعلن ان الثورة الليبية لن تتجه الى الثأر او الانتقام بل الى المصالحة و الى احتواء جميع الليبيين سواء كانوا من المؤيدين ام من قوات المعارضة, ساعتها حزنت على مصر فالليبيين الذين لم يخوضوا ربع تجربة مصر السياسية الطويلة كانوا اكثر رقيا و فهما و ذكاء سياسى من المصريين.

و ربما تكون تعليمات جيوش الغرب الفاتحه ذات الدهاء هى سبب تسامح ليبيا السياسى الماكر... للتذكير : " نحن نتحدث عن ليبيا القبلية "
الخارجية الامريكية لم تتحدث عن التسامح فى مصر ... وتحدثت مستخدمة كل العبارات المملوءة بالثقه عن التسامح فى ليبيا ..
لذلك وعلى غير عادة مصر فى سياستها الخارجيه عبر العصور اعترفت مصر بالمجلس الليبى على الرغم من تاريخ مصر الطويل فى تدعيم الحركات الوطنيه الغير مرتبطة بجيوش اجنبيه ... مصر تفتح احضانها لليبيا ليجد الليبيون اذرعا عربيه بدلا من اذرع الغرب
واتفقت مصر العربيه والمصالح الغربيه على الا تكون ليبيا عراقا جديدا

[MmFFoR]

الموضوع واخد منحنى سخيف من التخوين و الاهانات بغير دليل
اللي عنده دليل يتفضل
لكن اهانة او تخوين الاخر بدون دليل ده لعب عيال
و طلبت قبل كده من زميل عرض ادلة عنده كان عمل موضوع كامل يقول خيانة 6 ابريل بالدليل و طلبت منه دليل واحد فقط - و مظهرش ولا ورقة بفرة عليها رقم تليفون

اللي بيهاجموا 6 ابريل هما اللي هاجموا السلفيين بعد الثورة مباشرة و قالوا بيقطعوا الودان و بيخطفوا الغير محجبات و هما اللي هاجموا الاخوان المسلمين بعد السلفيين وقالوا عنهم تسلقوا على كتف الثوار و تحالفوا مع المجلس و عايزين يستولوا على الحكم و هما برضه اللي هاجموا النصارى وقالوا بيهربوا سلاح و بيخزنوه في الكنايس و بيخطفوا بنات المسلمين من امام ماسبيرو و يعذبوهم و ينصروهم
و هما اللي كانوا بيهاجموا البرادعي بعد تكريمه بوسام النيل بسبب ترشحه للرئاسه منذ 3 اعوام

و هما اللي كانوا بيهاجموا وائل غنيم من يام الثورة

و هما اللي بيهاجموا اي مطالب بالديموقراطية او العدالة الاجتماعية

او احتكار مجموعه من العسكر مفتقدين للحد الادنى من الثقافة الاجتماعية او السياسية او العلمية انهم ينفردوا اتخاذ القرارات


3 اسئلة و ردوا عليا يا مهاجمي 6 ابريل او غيرهم من الفصائل الشريفة في مصر
1- ما هو رد فعل المجلس العسكري على قتل قوات الكوماندوز و القناصة الاسرائيليه ل 4 ضباط و جنود مصريين؟

2- ما هو رد فعل المجلس العسكري على مقتل 3 معتمرين على يد قوات الشرطة السعودية و اهانة الوف المصريين لمدة 4 ايام بلياليهم!!!

3- ما هو موعد فتح باب الترشيح لمجلس الشعب و موعد الانتخابات؟ و موعد فتح باب الترشيح لانتخابات الرئاسة و موعد يوم الانتخاب؟؟

اللي عنده رد على ما سبق ليه عندي جايزة

[MmFFoR]

كل يوم اهانة جديدة لمصر

كل يوم فضيحة جديدة

كل يوم انتهاك جديد لحقوق الانسان و المواطن

كل يوم البلطجية داخلين خارجين اقسام الشرطة على مستوى جميع المحافضات يهينوا الضباط و يهربوا المحبوسين

كل يوم مصيبة و ازمة مفتعلة

رفض تام لاستقلال القضاء

رفض تام لانتخاب اساتذة الجامعات

رفض تام لتأييد اي ثورة عربية يتم ابادة اخواننا العرب و المسلمين فيها ( برغم مشاركة العالم كله )

اغلاق حدود غزة تلبية لاوامر اسرائيل و اغلاق حدود ليبيا تلبية لاوامر القردافي

احنا بقينا مسخرة و كرامتنا في الحضيض

و وعدونا بانتخابات مجلس شعب في اخر شهر سبتمبر ( حد يقوللي احنا في شهر ايه؟ )

وعدونا بانتخابات رئاسية في اخر ديسمبر !!! باقي 3 اشهر و لسة باب الترشيح حتى لم يفتح!!!

عايزين نتكلم عن 6 ابريل؟

اقولكوا كلمة؟ لو المجلس نكانش كل حوائطه من زجاج مكانتش 6 ابريل قعدت تحدف عليه طوب

كل اتهامات 6 ابريل صحيحة و للاسف يقوموا بالكشف عن فضايح و عورات و سوءات المجلس و قراراته

لو المجلس خايف على نفسه يوقف اعتقال و حبس النشطاء و يصلح اخطاءه بدل ما يقبض على اللي بيفضحها!!!

انا اعك الدنيا و بعدين اضرب اللي يقوللي انت غلطان؟ و اللا اشوف غلطان في ايه و اصلحه؟

الجهة الحكومية الوحيدة اللي انتفعت من الثورة هي الشرطة!!! الوحيدين اللي مرتباتهم زادت 100%!!!

و افراد الجيش طبعا!!!! و كلنا عارفين عن مكافئات شهر رمضان و العيد اللي اتوزعت و الحوافز و الدعم المادي اللي بيتفرق بسخاء لشراء ذمم و ضمائر ضغار الضباط و العسكر!!! من مال الشعب

[مادا]

الى mmffor فى الاول براحه علينا شويه انت شكلك من بتوع 6 ابريل وبتكلم زيهم وبتهاجم برضوا فى المجلس العسكرى اولا انا كاتب الموضوع ده عن حاجه حصلت ليه شخصيآ مع بتوع 6 ابريل بعض ما قربت ليهم وتعاملت معامهم وعرفتهم على حقيقتهم وانا مرضتش اقول فضايح ليهم اكثر من كده انا حبيت انبه الشعب المصرى هما مين دول بالضبط بتوع 6 ابريل وانا قلت ان فى ناس مشتركه فى 6 ابريل وهى متعرفش حقيقتهم وحضرتك سالت اسئله عاوز تخون ببيها الجيش ماشى طب تسمحلى أسئلك انت اسئله ..بتوع 6 ابريل متدربوش فى صربيا .. بتوع 6 ابريل مرحوش الى مركز قيادة المجلس العسكرى علشان يطلعوا على الاسرار العسكرية 6.. ابريل مرحوش الى مقرات امن الدوله علشان يعرفوا اسرار البلد .. مش كان مايكل نبيل سند من اعضاء 6 ابريل كان بيكلم اسرائيل ايام الثورة وبيعرفهم اول باول اخبار الثورة وبضمانهم انها مش ثورة اسلاميه وان 6 ابريل متحكمه فى الثورة لغاية دلوقتى .. 6 ابريل مش ماجرين شقق بيبادوا فيها ويعلموا فيها اللى هما عاوزينوا .. 6ابريل ملهمش علاقه بالمخابرات الامريكيه .. 6 ابريل مش جتلهم اوامر بتسخين الشعب على المجلس العسكرى علشان يسقط المجلس العسكرى علشان يعرفوا يوصلوا الى السلطه بمرشحهم البرادعى .. لو انت عضو فى 6 ابريل اكيد اتعرف ان كل ده صح ولو مش عارف ان الكلام ده صح فياريت تسكت احسن