الحمد لله بعد أن استخرت الله ... هدانى إلى الكارينز
إشتريت الكارينز هاى لاين وكيل ... اللون لؤلؤى .... 2011 بسعر 129.500 جم ومعاها الدواسات والغطاء وإستلمتها أول أمس
العربية حلوة ما شاء الله .... سحبها مفيش فيه مشكلة بعد الستين ... العربية بتجرى وبتديك السرعة اللى انت عايزها .... طبعا أنا مقدرتش أجيب بيها أكتر من 140 كم/ساعة لأن الزراعى كان زحمة جداً .
طبعا الملحوظة المهمة إن العربية فعلا تقيله فى وزنها ... مما يؤثر على قوة وعزم الطلعة ، لكن بتجربتى لها لقيت أنها بتستجيب لما أأرص عليها فى الطلعة وبتطلع بسرعة وطبعا زى ما قولتلكم إن بعد الستين مفيش مشكلة ... تانى حاجة جربتها فى المطبات الصناعية ولما أكون محتاج عزم من غير أرص على العربية ... إن بحول على الغيار المانيوال وفى الحالة دى مبيكونش فى مشكلة نهائى لا قبل الستين ولا بعدها ...
الخلاصة العربية حلوة ... وإدعولى ان ربنا يباركلى فيه ويرزقنى خيرها ويكفينى شرها ...
الف مبروك ربنا يكفيك شرها ويعطيك خيرها - بس لية سؤال السيارة وهية كاملة الحمولة بتعمل معاك اية في المطبات العالية - وسحب السيارة مع التكييف والحمولة هل بيتاثر ام لا وشكرا
MasrMotors غير مسؤول عن أي
اتفاق تجاري أو تعاوني بين الأعضاء التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر