جميع المواتير الى تركب على كورولا من 1992-2001

[mostafa_elkholy]

المشاركة الأصلية كتبت بواسطة abozezo معلومات هامة وياعم كتر الله خيرك ازاي اعرف نوع الموتور او كود الموتور خصوصا اني اشتريت عربية تويوتا 1994 مغيرة ماكينة الماكيتة الاصلية 1300 وياباشا ربنا يبارك فيك

ياباشا انا قولت ان الموتور ده اخره 1.8 ممكن همه فى الترخيص بيحسبوه 2000 cc

[broadband]

مشكور و انا ناوى اشترى تويوتا انشاء الله و اعدلها

[drmagola]

تسلم ايدك موضوع تمام
بس لو تقولينا متوسط الاسعار يبقى عداك العيب

[altayb]

السلام عليكم ورحمة الله وبركاته
انا معايا كورولا 98 العيون اوتوماتيك ومحتاج موتور جديد استيراد
المشكلة عندى انى نسيت الميه فترة فالموتور سخن جداا لدرجة انو كسر أحد البساتم والميكانيكى قاللى عايز كده عمره أو نغير الموتور ........ المهم قررت اجيب موتور بس المشكلة انى فى أسيوط والموضوع ده صعب هنا المواتير لازم من بور سعيد او الحرفيين وكل تاجر هنا عايزنى اجين عن طريقه وبقالى 10 ايام تايه ما بينهم المهم
أولا : انا عايز اغير الموتور من 1300 سى سى ل1500 او 1600 بالمرة طالما حغير فعايز اعرف ايه الافضل وانا عارف ان ال1600 انجكشن وانا عربيتى 1300 كاربراتير فده حيحتاج انى اغير ضفيرة وكنترول اما ال1500 بيكون كاربراتير ومش حغير ضفيرة ولا حاجة
ثانيا : سمعت انى فيه استيراد اليابان وفيه اوروبى ايطاليا وقرص وكده وان طبعا اليابان افضل . ياريت لو حد يفيدنى فى ده .
ثالثا : محتاج حد اشترى منه الموتور وانا مطمن من الحرفيين لانى معرفش حد هناك فياريت حد يساعدنى من اهل الخبرة فى ده .... أنا ممكا احمل العربية على ونش واوديها او اروح واشترى الموتور
لو حد ممكن يكتبلى رقم تليونه وأنا اكلمه عشان لو محتاج تفاصيل اكتر
ياريت اللى عنده معلومة يفيدنى بيها بسرعة وربنا يجازيه خير ...... ورمضان كريم عليكم جميعا

[*mErO*]

المشاركة الأصلية كتبت بواسطة mostafa_elkholy الف شكر على الرد الموتير ده موجوده بس المنتشر 1.5 سى سى 5A-FE و 1.6 سى سى 4A-FE و 1.8 سى سى 7A-FE الثلاثه دول نفس قطع الغيار اما 1.6 20 صباب فهو موجود بس مش كتير على فكره المواتير ده بتنرل مع سيارات الموعاقين موجوده فى المنطقه الحره القاهره جنب شركه بيبسى اسم الشركه فوجى

بجد الف الف الف شكر انت مش متخيل كم الافادة
اول مرة اعرف ان عربيتي ممكن اسقطلها موتور