البطارية اتسرقت !!!!!!!

[Devill Blood]

المشاركة الأصلية كتبت بواسطة ريهام صبرى انا طبعا بشكر كل واحد رد فى التوبك لكن حضرتكوا فهمتوا غلط خالص انا اللى عايزة اعرف الكابوات ازاى اتفتح من برة ؟؟؟؟؟؟؟؟؟؟؟ من الخارج يعنى

يا أختى الموضوع مش محتاج الكبوت أتفتح من جوه يعنى من زرار التابلوه لأن مش يخيل ليكى أن ال128 دى أمان دى مفاتيحها كل بتفتح بعض , قولى الحمد لله لأن العربية كانت ممكن تتشاال كلها,نصيحتى ركبى أنزار كويس ودايما غطى العربية وغيرى الكالون بتاع العربية العربية الأتنين طبعا

[احمد على 1999]

لكن مش هيبقى اغرب من عربية اتسرقت منها الكرونا بتاعتها وهيا راكنه

!!!!!!!!!!!!!!!!!!!
صراحة حرامى شهم خد الى هو عايزه بس
لأ و كمان اكيد محدش من المارة شكو فيه
الراجل يا عينى مرمى تحت العربية و معاه العدة و شغال و طالع عينه

[mahranahm]

الحل جراج
الحرامى خلع الانذار يبقى لقى وقت كبير ومحدش شايف حاجة
اظن يبقى عندة حل لكل حاجة تانية

[typhoon_gr9]

ال127 بتاعتي برضة اتسرقت بطاريتها قبل كدة , بس كان حرامي واطي قوي , دة حاول يفتح غطاء التانك علشان ياخد البنزين كمان لكن معرفش
انا ركبت بعدها انذار بس الكهربائي شاطر بجد لأن اسلاك الانذار كلها مستخبية و ركبلي زرار كهربا عند الكبوت ناحية الكبل اللي بيفتح الكبوت و بيبقي شبة السينسور للانذار علشان لو الحرامي حاول يشد الكبوت لفوق و يشد الكبل الانذار يشتغل و غيرت الطبلة علشان اهم حاجة مسوجر الدركسيون يكون شغال و ركبت خوصة حديد حوالين البطارية و فوق كل دة كمان ركبت الدراع اللي بيقفل الدركسيون
طبعا اللي عايز يسرق حيسرق برضة بس المهم ان الواحد يعمل اللي علية و يصعب الموضوع علي الحرامي علي اد مايقدر.

[sad-bird]

المشاركة الأصلية كتبت بواسطة احمد على 1999 !!!!!!!!!!!!!!!!!!! صراحة حرامى شهم خد الى هو عايزه بس لأ و كمان اكيد محدش من المارة شكو فيه الراجل يا عينى مرمى تحت العربية و معاه العدة و شغال و طالع عينه

طيب والله كان فيه موضوع هنا في المنتدي معمول على الموقف ده

وبالمنطق
الحرامي مش لوحده
ده قاعد بيشتغل وفيه واحد واقف جنب العربية
يبقى كأنه بيصلح فيها
مين هيقوله لأ