سوال اعجز المكيانكيه على الرد عليه

[ايمن عبدالحميد]

المشاركة الأصلية كتبت بواسطة مهند سالم كلامك منطقي جدا ، والفكرة بتاعتك ممتازة. لكن المشكلة إنه بيقول إنها بتبطل لما بيشيل رجله من على البنزين، وأعتقد لو المشكلة في طرمبة البنزين العربية هتبطل منه حتى لو دايس بنزين؟؟؟؟؟؟؟؟

لا يا باشا مش شرط لأنة بيدوس بنزين بيوصل البنزين عادى بالشفط للكربارتير ومجرد ما يشيل رجلة يرتجع البنزين تانى نتيجة ان السكس بلف مش شغال، وبالتالى بيفضى الكربراتير من البنزين .....صح؟

[كنتوش]

السلام عليكم ورحمة الله وبركاته
كلام الناس بتاع الكاربراتير والبنزين والكهربا مظبوط ولكن لو انت عملت كل ده وكان كله تمام وما فيهومش حاجه يبقى العيب فى طاقية سيرفو الفرامل وده تلاحظه انك وهى العربيه على السلانسيه تدوس فرامل ولو صوت الماتور اتغير سواء يعلى او يوطى وتحس انها هتبطل منك يبقى العيب فى الطاقيه وتروح لواحد بتاع سيرفو لان واضح من كلامك انها بتبطل لما بتدوس فرامل علشان تهدى وربنا يسترها علينا وعليك

[mainz]

حضرتك بتقول ان العربيه عند المطب او الملف بتبطل ؟
وبعدين حضرتك بتقول فى بعض الاحيان بتحس انها هبطل وبتلحقها بزياده البنزين شويه .
طيب الى انا اعرفه ان لو حضرتك ماشى على الرابع وهديت السرعه علشان المطب بدون تغير الغيار الى غيار اقل فى الحاله ديه العربيه بتبطل منك بالظبط ده الى بيحصل ايضا فى الملف حضرتك بتهدى فى الملف بدون ما تنقل الى غيار اقل ولما تيجى تزود بنزين تانى بتبطل العربيه ممكن يكون ده السبب لو مافيش سبب تانى يعنى . لان العمليه معروفه بتبطل عند الملف او المطب زى ما حضرتك قولت .
يعنى المشكله مشكله الغيارات عند المطب او الملف .

[Komy]

انا مع الرأى اللى بيقول شوف طرمبة البنزين أو سكة البنزين عموما , والرأى اللى قال شوف طاقية السيرفو ,
فى رأيى هما دول من الاخر.

ويا ريت بس تعرفنا لما إن شاء الله تتصلح المشكلة كانت فين.

[emad560]

لما بتيجى تدور ايه الاخبار لان ممكن العربيه عايزه تظبط كهربا
تانى حاجه العمه او نسبه الهواؤ اللى داخل الكربراتير مش مظبوط
المهم ابتدى بالسهل
ومؤقتا هى عمرها ما هطبطل الا وهى مموره يعنى لو انت على سرعه دوس فرامل وانت مدى الغيار مش هتبطل ابدا