نعم ... كلُّنا مبارك

[محمد عبد الفتاح الكومى]

مبسوط كده يعنى خليتنى أعيط ... عموما أنا مش هقولك إنى مثالى فى شغلى وبراعى ربنا فى الأمانه إللى أنا مؤتمن عليها حيث أعمل أخصائى مكتبات فى مدرسه للتعليم الأساسى أبنى وأشكل فكر و وجدان الطلبه والطالبات مستقبل مصر بلدنا ولكننى أحاول قدر إستطاعتى ومن خلال موقعى ... وكنت بحس معظم الوقت إنى غريب فى وسط إللى حواليه ومش كتير بيفهمو إللى بحاول أرسخه فى حصصى وفى تعاملاتى وأكاد أسمع همسات زملائى ( عبيط بكره يعقل ) وده بيخلينى أصمم أكتر و أكتر على إنى ماضعفشى وأكمل زى مانا ماشى يمكن غيرى يعمل زيى ونبدأ نكتر برغم محاولات الحكومه الجاهده لتغييرى عن مسارى وتحويلى لمجرد موظف روتينى متكاسل.. ماتستغربش ماهو لما يكون مرتبى 105 جنيه فى الشهر ( مائه وخمسه جنيهات فقط لا غير ) ومواصلاتى من وإلى المدرسه 6 مواصلات يوميا رايح وجاى بصرف فيهم حوالى خمسة جنيهات ونصف فى كل يوم يعنى حوالى 165 جنيه فى الشهر بالزمه مش دى حاجه تضحك ؟ يعنى بكمل من جيبى الخاص علشان بس أعرف أروح شغلى وأنا متزوج وأعول وأسكن فى شقه إيجار وطبعا مطلوب منى إنى أروح شغلى كل يوم وأنا يملأنى الأمل فى الغد المشرق البسام و ذهنى صافى من أى مشاكل ماديه حتى أستطيع القيام بوظيفتى على أكمل وجه ولا يتأثر التلاميذ بحالتى المزاجيه والتى ليس لهم فيها ذنب طبعا ده بعد ما أكون رجعت من شغلى التانى إللى بشتغله من العصر لقرابة الصباح حتى استطيع الوفاء بمتطلبات بيتى الضروريه ... متأسف للإطاله بس لما يكون دا موقف الحكومه من شاب بيحب شغله وعايز يشتغل وكل طموحه إنه يعيش ده يبقى إسمه إيه ؟؟؟ وغيره كتيييييييييييير بس كفايه كده .... إللى عايز أقوله إن ومع وجود العذر بل الأعذار الكافيه لضميرى حتى لا يشعر بالوخز إذا لم أعمل إلا أننى أبدا لم أتقاعس عن أداء مهام وظيفتى التى أحبها و أعلم جيدا مدى خطورتها و أهميتها فى إعداد جيل أحمله أنا وليا الشرف بما أريده أن يكون فى مصر مستقبلا من قيم واداب وسلوكيات وعادات لطالما إفتقدناها ... معذرة مره أخرى للإطاله إنما قصدت شيئين من سردى هذا أولهما تدعيم مبدأ ( إبدأ بنفسك والبقيه تأتى ) وثانيهما توصيل رسالة لمن يهمه الأمر مضمونها إن مصر جايه وإن مش كلنا مبارك وأعرف أن الشرفاء فى مصر كثيرون سيدفعون مصرنا الحبيبه إلى مراتب العظماء ما دام القلب ينبض .. وختاما أقول ( تحيا مصر بس والنبى خلوها تحيا )

[ahmed1981]

لن نكون كلنا مبارك

مبارك السفاح
صانع إمبراطورية الفساد في مصر
مبارك القاتل
مبارك محارب وطارد كل وزير شريف
مبارك من حمى وقرب كل وزير حرامي

لسنا كلنا مبارك

عليه من الله مايستحق
اللهم اجعله عبرة للعالمين هو وجنوده وأهله ورفاقه ممن شاركوه في الظلم والعدوان

[kohana]

انت راجل محترم ولو إن أول الكلام العنوان فرس الواحد بس براوه عليك
بسم الله الرحمن الرحيم

إن الله لا يغير ما بقوم حتى يغيروا ما بأنفسهم

[MmFFoR]

راتب المدرس لازم و لازم يبدأ من 1200 جنيه على الاقل و يزداد بالخبرة
لازم لا يقل عن 1200 جنيه
نفترض ان المدرس عنده شقة ايجار قديم ب 250 جنيه (بلاش 500 جنيه) و فواتير ب 100 يبقى باقي 850 جنيه نشيل منهم 150 مواصلات و 100 تليفونات يبقى باقي 600 جنيه يادوب ياكل و يشرب بيهم غير مصاريف الاولاد و الادوية و الذي منه بس يادوب
منجيش نستهبل و نستعبط و نقول للمجرس خد 600 جنيه و بلاش دروس خصوصية يبقى انتوا يا اما بتستهبلوا يا اما بتستعبطوا