|
#21
14-02-2011, 02:24 AM
|
||||
|
||||
رد: انا من شباب التحرير
حمدلله على سلامتك يا بطل مصر ...
مستنيين موضوع متكامل عن تجربتك فى التحرير والاحداث اللى حصلت هناك بالتفصيل وخصوصا الخبايا اللى مكنش التليفزيون بيذيعها ... رحم الله شهداء الثورة واسكنهم فسيح جناته وعجل بشفاء جميع المصابين ......
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ  
|
|
#22
14-02-2011, 02:48 AM
|
||||
|
||||
|
رد: انا من شباب التحرير
اكمل معاكوا حريق الحزب الواطي
بدأ الشباب في التكاثر علي مجموعة الامن المركزي الموجودة قدام المبني وبدأ التحرش الشديد بيهم وكنت انا وكتير من الشباب بيدافعوا عنهم وكنا بنطالبهم يمشوا علشان محدش فيهم يحصلوا حاجة ولكن كانوا بلا قيادة فقائدهم هرب وسابهم فمكانوش عارفين يعملوا ايه ومع زيادة اعداد الشباب بدأو حرق العربية وبعض الامن فيها واجبروهم علي ترك العصيان والخوذ والسترات وانهم يقلعوا البدل بتاعتهم ويرموها ويجروا ينفدوا بجلدهم ووصل الموضوع لبكاء بعضهم من شدة الضرب وكنت انا وبعض الشباب بنحاول ندافع عنهم ونبوس دماغهم ونقول للشباب دول اخواتنا ونطيب خاطرهم لغاية ما انسحبوا كلهم وبعدين بدأ الشباب في تكسير البوابة وللاسف انا كنت واحد منهم وللاسف لاننا كنا بنفكر ندخل نكسر اليافطة بتاعته وخلاص لكن اللي حصل خلاني زي ماكنت من اوائل الناس في الدخول كنت اول واحد خرجت لما لقيت الناس دخله تكسر وتحرق كل حاجة معرفش دول كانوا من المتظاهرين ولا جهم من اين كان في مخيم في مدخل الحزب اول حاجة اتحرقت وبعدين بدأوا يكسروا كل حاجة وكان في ناس دخله تسرق لكن كان في شباب لما يلاقوا حد واخد حاجة وخارج يأخذوها منه يكسروها ويقولوا احنا مش حرامية واحنا واقفين بنتفرج علي شباب بيكسر يافطة الحزب فجأة لاقينا الحزب بيتحرق والنار بتزيد بشكل بشع منعرفش كان فيه انابيب ولا غاز طبيعي ولا ايه الا خلا النار بتزيد بالشكل ده لدرجة ان كل الشباب خرج يجري وكنا خايفين يكون حد مات اعتقد الموضوع كان بفعل فاعل مكنش شباب بيحرق وخلاص لأ كان في معانا حد داخل يحرق وهو عارف بيعمل ايه وانا بصراحة اضايقت جدا وسيبتهم وقلت اروح التحرير وفي الطريق صلينا العشاء ورحت لقيت القنابل والرصاص الحي والمطاطي بشكل غير طبيعي الجيش لف في الميدان وسابه وراح قدام السفارة الامريكية وكان مركب الشباب علي المدرعات وكانت مدرعات شرطة عسكرية وحرس جمهوري وساب الشرطة قدام مجلس الشعب والشوري ومجلس الوزراء ووزارة الداخلية شغالة طحن حالة حرب حقيقية من كتر القنابل والرصاص قعدنا علي جنب بعيد جدا وسيبناهم وبعدين سمعنا عن الشرطة اللي كانت بتحاول تسرق المتحف والشباب مسكهم وفضل الشباب قدام المتحف لغاية لما جه الجيش بعد كام ساعة وسلمهم العيال بتوع الشرطة الحرامية انا بصراحة كنت تعبت ومش عارف اكلم مراتي ولا اهلي اطمنهم قلت اروح وكنت للاسف لازم اروح مشي وانا ماشي قابلت المهندس ممدوح حمزة مش عارف عارفينه ولا لأ وكان ماشي زيي التاية عايز يحتل مجلس الشعب قلتله هناك مجزرة قالي نحتل التلفزيون قلتله انا هأرووح هناك اشوف الوضع ايه اهو في طريقي وانا مروح ان شاء الله هاقلكوا ايه اللي حصل وانا راجع علي التلفزيون وازاي اتنهب اركاديا وكازينوا الشجرة والنايل سيتي بتاع ساويرس
|
|
#24
14-02-2011, 03:50 PM
|
|||
|
|||
|
رد: انا من شباب التحرير
الله عليك وعلى الحواليك من شهدائنا
رحمهم الله واسكنهم وانزلهم منازل النبين والصحابة يارب العالمين والف الف حمد الله على السلامة يا رافعين اسم مصر عاليا
__________________
 My car
|
|
#25
14-02-2011, 05:55 PM
|
|||
|
|||
|
رد: انا من شباب التحرير
انت واللي زيك باختصار بليغ
أبطال البلد وربنا يجازي كل واحد على نيته ، وخصوصا خصوصا الناس اللي جم في النص وقالو هم الناس اللي قاعدين في التحرير قاعدين ليه !! ما خلاص الريس في خطابه قال انه حيعمل تعديلات دستورية ما يروحو بقا !!! وفضلو يهاجمو الناس اللي في التحرير كانهم واقفين حال ومصالح البلد ، قال يعني ماكنش حالها واقف بقاله سنين !!! ربنا يسامحهم وخصوصا المنافقين منهم اللي كانو كتير اوي في الاعلام بالذات ،،، هم هم نفسهم اللي كانو بيطلعو في التلفزيون يهاجمو الناس دي ،،،، هم اول ناس نزلو يرقصو ويهيصو على خطاب التنحي واللهجة اتقلبت 180 درجة ،، أيوه ميه وتمانين درجة وبوش مكشوف كمان !!! عن نفسي ما نزلتش التحرير غير في الاواخر قبل قرار التنحي وكنت ندمان اني ماكنتش موجود من أول يوم ، ربنا يبارك فيكو ويحميكو واللي يقول يقول يا باشا ، بتهيقلي بدى واضح للجميع النصر اللي اتحقق والعالم كله مش احنا بس اللي فرح ، وقريبا نجنى ثمار التغيير ان شاء الله قولو امين ربنا يجزاكم عن الامه كلها خير الجزاء ،، التغيير اللي حملتوه على اكتافكم والبلد حتعيش علي حسه سنين (( ان شاء الله )) تقبل مروري وتحياتي ليك يا بطل
|
 |
|
|
