فرحت ولا

[MmFFoR]

ارجو يا جماعة عدم الهجوم على زملاءنا
كل له اجندته و توجهاته
و شكرا لعمر سليمان انه علمنا كلمة اجنده و حفظهالنا

[maka]

المشاركة الأصلية كتبت بواسطة فادى حزنت جدا, و مصر مقبلة على ايام سوداء و لنا فى تونس و العراق عبرة و عظة, شوية العيال بتوع التحرير بيطبقوا نظرية الفوضى اللاخلاقة الأمريكية البغيضة بكل غباء و تخلف. هؤلاء اغتالوا اختيار الشعب المصرى الحر الذى اختار مبارك و انقلبوا على الدستور و الشرعية, لا اقول ان النظام كان صالحا, كان فيه فساد, لكنه كان يصلح نفسه, و كان ينهض بمصر, مصر كانت تحقق معدلات اقتصادية مدهشة مع حكومة احمد نظيف.

سيدي الفاضل اذا اردت من الاشخاص ان يحترموك فابدلهم الاحترام

العيل اللي مش عاجبينك جابلوك حقك و انت قاعد في بيتك

المعدلات الاقتصادية كانت تشمل قلة قليل من المجتمع

من الاخر ممكن تكون انت مرتاح و معاك واسطة تحميك من بطش الداخلية و تسهلك امورك و مستفيد من بقاء النظام لكن لو كنت بتجيب اللقمة بالذل و متمرمط او وقعت في ايد امين شرطة يبهدلك او مش لاقي شغل كنت غيرت رايك

العيال اللي مزعلينك فيه منهم شهداء ضحوا بدمهم و راحة اهاليهم علشان الشعب يعيش

[اسما]

انا كمان حزينة وخايفة جدا من الى الجاى وربنا يسترها علينا جميعا انهاردة فرحنين لكن بكرة هنفضل فرحنين لسانى عاجز والفكرخايف ومحتار من انتظار احنا ريحين على فين يارب استرها

[خالدصالح]

الناس اللى زعلانه على مبارك

هما مكانوش عايشيين فى مصر ولا ايه

الظلم والفساد والرشوة والمحسوبية
المليارات اللى خرجت واللى بنسمع عنها ومبارك لوحده 70 مليار دولار
الشرطة اللى بتقتل وتعذب وتسجن وبدون عقاب
الااف المعتقلين فى السجون بدون احكام
كام واحد اتعذب ومات فى اقسام الشرطة زى خالد سعيد وغيره
حبيب العادلى اللى طلق كلابه على الناس واداهم سلاح علشان يخربوا البلد
وده سلاح مكناش نعرفه اسمه سلاح البلطجية
الأمراض اللى انتشرت من فيرس سى وغيرها
دا حتى الملاريا اللى انقرضت من 200 سنة اتولدت فى عهد مبارك
يا اخى والله حرام
ادخل قسم الجمارك فى منتدانا واتفرج عى المهازل
العربية اللى تساوى خمسة وعشرين الف جنيه فى السعودية هنا بتتباع بسبعين الف جنية
مع ان السعودية بتاخد جمارك

ناهيك عن شباب مصر اللى بيتكسف انه يقول انه مصرى لانه لا كرامة له لا جوة بلده ولا بره

اللى يصعب عليه مبارك

يفتكر ال 1400 مصرى اللى ماتو فى العبارة ولم يعاقب صاحبها لانه من المقربين

يا راجل الجرح كبير جدا بلاش نفتحه ونبتدى من جديد

وعلى فكرة مصر لا زى لبنان ولا تونس ولا العراق

احنا لا عندنا طوائف ولا شيع ولا احزاب مسلحة ولا غيره

والمصرى اثبت انه متحضر جدا برغم المأساة

الناس فى الميدان كانت بتكنسه كل يوم ومفيهوش ورقة على الارض

بكرة حيكون بكل تأكيد احسن من النهارده بأذن الله ونقول يارب

[mesho70]

فرحت لرحيل نظام فاسد
حزنت لطريقة الرحيل