انا اسف

[maka]

المشاركة الأصلية كتبت بواسطة mmffor الموضوع ده بيفكرني بحاجه ظريفة! انتوا كلكوا عندكوا عربيات و بتسوقوا ردوا على السؤال ده لو سواق لوري او نقل لبس في العربيه بتاعتك من ورا ( يعني هوا غلطان غلطان ) و راح نازل بعين بجحة و قالك مش تفتح يا اعمى!!! ولا اعتذر و لا حتى انه سكت! ايه الرد من الناس اللي حواليكوا؟ يا عم حصل خير... خلاص بقى انت حتكبر الموضوع ليه... المسامح كريم.. الراجل قد والدك... اللي يجي في الريش بقشيش... انت تحمد ربنا انها جت في الصاج! انت يعني حتقبل العوض! ما تمشي بقى و تفتح السكة.. ورانا مصالح و اشغال... خللي الناس تشوف مصلحتها... و رانا اكل عيش! الخ اتحدى ان 90% من الموجودين في منتدانا العزيز مر بالتجربة السعيده دي! واللا ايه؟ ده اللي بيحضرني حاليا مع كل واحد يقول بعد تفكير عميق! برضه نديله فرصه! سواق النقل ده بعد ما بهدلك و بهدل عربيتك و مشي بدون عقاب تتوقع بعد ما مشي في طريقة عادي جدا! هل حياخد باله او حيهتم انه ميخبطش حد بعدك؟ فكر و رد عليا!

الله يفتح عليك يا شيخ

[MmFFoR]

المشاركة الأصلية كتبت بواسطة mmffor والله العظيم انا صوتي اتبح فعلا في الموضوع ده! اغلب اللي بيقول كفاية مش حاطط في دماغه النقطه دي! والله دي حقيقة! ايه يعني لو 200 الف واحد اختفوا بصورة تدريجية! كلنا فاكرين قصة العجوز و اولاده لما جمعهم و اداهم حزمة عصيان قالهم اكسروها كلهم معرفوش راح فرط الحزمة و ادا كل واحد عصاية و قالة اكسرها راح كسرها بكل سهولة! و الحرية و الديموقراطية اللي احنا شايفينها بكل بساطه هي نتاج اتحادنا كشعب ضد العصابة زي الافلام الهندي لما العصابة تدخل بيت ورا التاني يضربوا و يغتصبوا و يقتلوا و ينهبوا و كل واحد في بيته خايف و مرعوب لحد ما ييجي الدور عليه و في اخر الفيلم لما البطل بييجي مش بيضرب العصابة لوحده ولكنه بيوحد اهل البلد كلهم و لما تيجي العصابة تهاجم على البلد يلاقوا اهل البلد واقفين في وشهم يقوموا يجروا و ياخدوا على دماغهم! و يطلع رئيس العصابة يقولك! دا انا راجل كبير! طب سيبوني انا و العصابة بتاعتي و احنا حنصلح اللي عملناه! طب بصوا ادي دراعي اليمين اهه (و يقوم طاخخ الراجل اللي جنبه ) ادينه موته ! دا هو اللي ضربكوا و بهدلكوا و انا عنجي استعداد اموت اي واحد اذاكوا و انتقملكوا و اخليكوا احسن بلد في الدنيا كلها! عارفين حيحصل ايه لو سابوه؟ عارفين مين العصابة ؟ مين رئيسها؟ مين البطل؟ مين اهل البلد الجبنا؟

اتمنى من الشعب المصري الفطنة و الذكاء لحماية مصالحي الشخصية قبل مصالحكم
علشان ابقى مصري كله بيحترمني
ابقى مصري امشي بثقة
ابقى مصري اختار من يمثلني

[karem ali]

والله انت راجل محترم جدا يا استاذ سامح و واضح انك بتحب البلد دى

[بدر بسيونى]

والله ياسامح باشا انت نقلت كل اللى جوايا فى جمل وحروف تسلم ايدك بجد

[د.كمال]

ياجماعه من غير منأيد الثوره ولاحاجه النهارده الثوره فرضت نفسها على الشارع المصرى بدليل عدد المتظاهرين النهارده فاق جمعه الغضب وإنضم لها نقابات كتير وأساتذه جامعه وبدأت الناس تفهم وتعرف الصح من الغلط وبدأ الاعلام يتغير ويعرف الناس الحقيقه وبدأت الحلقه تضيق على النظام .