استفسارات للبشمهندس سمير عياد بخصوص الماروتي...

[hm414]

المشاركة الأصلية كتبت بواسطة samirayad شوفت بأه المفاجئه لا ده ولا ده مناسب للماروتى والمناسب هو NGK DCPR7E والثغره المفروض تبأه من 0.8 إلى 0.9 مم ( وليست واحد مم ) واضح أن إللى باعلك العربيه كان مغير بوجيهات بالبركه

الكلام ده كبييييييييييير
هههههههههههههههههههه
اوعى يكون الاخير (مع اعتذارنا للفنان حكيم)

زمان سألتك وقلتلي ان اكيد في حاجه غلط لان اللي في الكتالوج مختلف تماما عن اللي راكب ومينفعش ده يكون مكان ده
واتفقنا ان اللي في الكتالوج ده اكيد مش لينا وانما للانجكشن اللي في الهند...

والمشكله مش هنا
المشكله اني تقريبا لفيت كل مكان في القاهره العظمى وملقتش وجود للبوجيه المذكور في الكتالوج اطلاقا
لفيت في التوفيقيه عند كل اللي بيبيعو ان جي كي ولفيت شارع دمشق ولفيت عند نادي الشمس
لغاية اما اقتنعت ان مفيش وجود للبوجيه ده يا بشمهندس

ومستبعدش تماما ان اللي باعلي العربية لف عليه ولما ملقاهوش باع العربية
ههههههههههههههههههههههههه هه

المشاركة الأصلية كتبت بواسطة samirayad أنا جيبتلك البيانات برضه من الكتالوج أرتبط بأه بكلام الكتالوج لأن البوجيه أبو رقم 6 ساخن عن أبو رقم 7 ( الموصف لدايرة الأشعال )

طيب اعمل ايه دلوقتي يا هندسه
البوجيه المذكور مش موجود
كمان في حاجه
كنت قلتلي انه اساسا مينفعش يكون ده مكان ال bp6ey لان قطره اكبر من اللي في الكتالوج حاجه كده مش فاكر....
انا متأكد من كلامك يا بشمهندس وهسمعه وهنفذه بالحرف الواحد ان شاء الله
واهي كلها احتمالات ومفيش مشكله من التجارب لحد ما نوصل للوضع الصحيح ان شاء الله...

انتا وراك حاجه يا هندسه؟؟؟
ههههههههههههههههههههههههه ههه

المشاركة الأصلية كتبت بواسطة غير مسجل السلام عليكم أحب اشكر الزملاء جميعا وخصوصا المهندس سمير والدكتور حازم والله انا بستفيد منكم كتير حبيت احكي عن موقف حصل معايا اعربيتي ماروتي 2010 عاملة حوالي 11000 كم قولت اعمل الصيانة العادية عند 10000 رحت لميكانيكي ثقة انا اعرفه، قالي طقم الكهرباء عايز يتغير (البوجيهات والابلاتين كان لادع والكوندنسر) جبت الابلاتين والكوندنسر من وسط البلد (الشركة اليابانية في التوفيقيه) وجبت البوجيهات من فيصل جنبي لاحظت حاجة اولا: البوجيهات اللي طلعتها من العربية (أول مرة أغيرهم من الزيرو) كان نوعهم NGK BPR5ES ياباني اللي لقيته جنبي عند أكتر من محل هو NGK BP6EY ياباني الميكانيكي قالي مش هاتفرق كتير هاتهم غيرنا كل حاجة وتمام مشيت اربع او خمس أيام تقريبا (حوالي 150 كم) وعلى كوبري 6 أكتوبر اذ فجأة العربية بتنتش ومبرجلة ربنا ستر وركنت على جنب وجبت ميكانيكي وانا على الكوبري، فك العمة وفك الاسبراتير وفك الأبلاتين وقالي الأبلاتين لادع (اللي لسة بقاله 5 أيام بالظبط) ولازم نغيره رحت جبت الأبلاتين الجديد وركبته اشتغلت شوية كدة وبعدين اتبرجلت تاني قلت للراجل شكرا وكلمت حد جه قطرني بالعربية ركنتها في الدقي وتاني يوم رحت التوكيل قلت مابدهاش اعمل الصيانة عندهم (خصوصا اني كنت عامل الألف والخمسة آلاف) ويركبولي قطع الغيار الأصلية سبت العربية الصبح ورجعت اخر اليوم كدة قالولي انت غيرت طقم الكهرباء برة بس احنا ركبنالك طقم الكهرباء الأصلي بتاع العربية (أبلاتين وكوندنسر وبوجيهات) بصيت على البوجيهات (اللي انا لسة مركبها مافيش 5 أيام اللي هي نوعها NGK BP6EY ) لقيتها متفحمة ولونها اسود وحاجة وحشة خالص، دا البوجيهات اللي طالعة من العربية وكان بقالها 10000كم كان حالهم احسن منهم برضه الأبلاتين (اللي لسة برضه مغيره من 5 أيام) لقيته لادع حاليا بفضل الله الأمور بقت احسن والعربية ماشية تمام، وخلاص هتابع مع التوكيل الصيانات الجاية عشان أضمن قطع الغيار. انا بس عندي كام استفسار: * هل اختلاف نوع البوجيهات يأثر على العربية بالشكل دا؟ * الكتالوج بتاعنا دا بتاع العربية اللي هي بتنزل في الهند بموتور انجكشن، هل دا يفرق في نوع البوجيهات؟ * بالنسبة للأبلاتين: الأولاني قعد قد 10000 كم ولقيته لادع والثاني ماكملش حاجة ولدع، انا احيانا بسيب الكونتاكت مفتوح عشان ببقى مشغل الكاسيت (لأنه مرتبط بالكونتاكت)، هل دا سبب يخلي الأبلاتين يلدع؟ آسف على الإطالة وجزاكم الله خيرا

اهلا وسهلا بيك يا عزيزي
طيب ربنا بعتك لينا
حاليا التوكيل حطلك بوجيهات كودها كام؟؟؟
موضوع ان الكتالوج ده بتاع الانجكشن اللي هيفيدنا فيه هوا بشمهندس سمير... ياترى هتفرق؟؟؟

ويابشمهندس لو ملاحظ
اخونا بيقول البوجيهات الفبريكا كانت
BPR5ES
واللي الفني اللي ركبهالي كانت
BPR6ES
هل الفرق بينهم كبير؟؟؟
وهل بأي حال من الاحوال ممكن نركب بوجيهات انجكشن على كربيراتير؟؟
خصوصا واني بأكدلك ان النتشه المذكوره احتفت مع البوجيهات بتاعة الانجكشن دي؟؟؟؟

وبرضو سؤال عالطاير
دلوقتي عربيتي مغيرتلهاش ولا ابلاتين ولا كوندنسر من ساعة ما اخدتها
فهل ياترى لازم يتغير؟؟
وايه الاعراض اللي لازم بعدها اغيرهم؟؟؟

وعيش ياهندسه
احلى دعوات ليك قبل الفجر وباذن الله يستجيب

(هدعيلك بظهر الغيب),,,

تحياتي

[hm414]

انا راجعت على جدول الان جي كي
ولقيت الآتي
DCPR7E
قطره 12 ملليمتر وحرارته 7
ولو هوا 12 ملليمتر فعلا فده يبقى اصغر من الانواع اللي راكبه عندنا

سواءا
BP6EY أو BPR5ES او BPR6ES
دول كلهم 14 ملليمتر
والاختلافات الباقيه مش فاهمها قوي لكن في اختلافات حتما ولابد

اعتقد اننا قربا لحل جميع المشاكل ان شاء الله

ايه رأيك ياهندسه؟؟؟

[samirayad]

عاوزين نجرب هذ1 النوع ) كان نوعهم NGK BPR5ES

ونظبط الثغره على 0.9 مم مثلا

أهم شىء موضوع رقم 5 ده

لأن واضح أن فيه عك كبير

بين الكتالوج والواقع فى بعض الأمور الهندسيه

حتى فى تصميم وش السلندر كفتحة تركيب بوجيهات

[samirayad]

كان نوعهم NGK BPR5ES

ولو مش لاقى ده

هات ده ( أحسن كمان )

BKR5EYA-11

وظبط الثغره على 0.9 مم

بيعمل حوالى 45 ج ( وعندى منه طقم كمان )

[samirayad]

هل اختلاف نوع البوجيهات يأثر على العربية بالشكل دا؟

نعم وارد جدا

* الكتالوج بتاعنا دا بتاع العربية اللي هي بتنزل في الهند بموتور انجكشن، هل دا يفرق في نوع البوجيهات؟

نعم هناك فرق شاسع بين النوعين ( الهندى والمصرى )

* بالنسبة للأبلاتين: الأولاني قعد قد 10000 كم ولقيته لادع والثاني ماكملش حاجة ولدع، انا احيانا بسيب الكونتاكت مفتوح عشان ببقى مشغل الكاسيت (لأنه مرتبط بالكونتاكت)، هل دا سبب يخلي الأبلاتين يلدع؟

حسب وضع الكونتاكت عندك لتشغيل الكاسيت

لو سايبه على السنه إللى قبل الدواره ( يبقى ممكن يأثر على الأبلاتين على مدار الوقت )

أمال لو الكونتاكت على الوضع ACC ( فلاتوجد علاقه )