دايرة الفرامل فى السيارات الحديثه تم تطويرها منذ أكثر من مائة عام
ودائما هناك الجديد فى تطوير الأنظمه المختلفه بالسياره
الناس دى مبتقعدش زينا كده .......مفيش ورانا غير الكوره وأسعار الخضروات واللحوم
وتامر حسنى وشعبوله وأبو الليف وأبو تريكه وجدو وخاله وخلافه
وأخبار فى أخبار .................ولا يوجد جديد
فنحن نتكلم كثيرا ...................ومفيش جديد للأسف
_________________________ _______
المهم ............
دورة الفرامل العاديه تتكون من فرامل قرصيه ( سكينه ) فى مقدمة السياره
أو سكينه فى الخلف كمان ....أو نظام طنبوره مجوفه ( بيسمى فرامل طبله ) .
بيتم توصيل المكونات دى بمجموعه من المواسير والخراطيم
لربط الآداء الفرملى عند كل عجله بالماستر الرئيسى ( الموجود بحوض المحرك خلف دواسة الفرامل )
مثل بعض أنواع السيارات الفيات القديمه زى ال 127
( دى أبسط دورة فرامل )
يوجد أنظمه أكثر تطورا ( وهى دى السائده ) بتحتوى على منظومة فرامل اليد
مع وجود معزز ميكانيكى يعمل بهواء التخلخل من بعد بوابات دخول الهواء للمحركات ( أى سيرفو الفرامل )
قد نجد نظاما آخر فى بعض أنواع السيارات من أجل زيادة الآداء الفرمل لمنع غلق العجل وقت الآداء الفرملى
إللى بنقول عليه ( النظام المانع للأنغلاق )
anti-lock system
.
كما بالشكل الموضح أمام حضراتكم .....
فحينما تقوم بالضغط على دواسة الفرامل .....فأنك فى حقيقة الأمر تقوم بالضغط على
سطح مكبس هيدروليكى موجود داخل الماستر الرئيسى
وطالما المكبس تم زقه من خلال زراع معين متصل بالدواسه
على طول المكبس بتاع الماستر الرئيسى بيزق ويضغط زيت فرامل قدامه ( زى نظام الحقن الطبيه )
الزيت المضغوط ده بيخرج خلال مجموعه من المواسير والخراطيم لكى يصل كوسط
هيدروليكى مضغوط لأدى دور وظيفى على
ونظرا لأن الزيت كمائع هيدروليكى ( بيكون من الموائع الغير قابله للأنضغاط )
فالزيت المضغوط بيكون زى مانكون بنحرك سيخ حديد فى ماسوره
ولهذا فأن الزيت ...نظرا لقابليته للتشكيل وتغيير شكله مع الحفاظ على حجمه
وضغطه
فأنه يمكن حركته بسهوله خلال مواسير وخراطيم دورة الفرامل الملتويه من خلال
دراسات هندسيه ....محتفظا بقوته وضغطه ليؤدى دوره المطلوب عند عجل السياره
ولهذا فأنه من المهم جدا أن يكون أختيارك لنوع زيت الفرامل جيدا ( لأن عليه كل
الشغل الفرملى )
ويراعى دائما وقت تغيير الزيت ( أستنزاف الهواء من دايرة الفرامل لعدم التأثير على
الأداء الفرملى ....لأن الهواء مائع قابل للأنضغاط وبيبوظ شغل زيت الفرامل )
يوجد على كل فردة فرامل مسمار أستنزاف مجوف لأخذ الهواء المحتمل وجوده مع
زيت الفرامل
_________________________ _________________________ ______.
ماهو سلوك الزيت عند الفرامل القرصيه ( السكاكين )
فى هذا النوع
الزيت بيوجه من خلال المواسير والخراطيم للوصول الى كالبرات الفرامل
حيث يقوم الزيت الضغط على وجه مكبس داخل الكالبر
ويقوم المكبس بدوره بلم تيل الفرامل لكتى يقوم بالقمط أو تكتيف طنبورة الفرامل
الدائره مع صرة هذه الفرده
وبالتالى يتم أيقاف تلك الفرده عن الدوران
وهكذا بالنسبه لسوك الزيت عند باقى الفرد
مما يؤدى إلى تهدئة وأيقاف عجل السياره عن الدوران
الطريقه تماما مثلما يقوم راكب الدراجه الهوائيه بعمل آداء فرملى لأيقاف دراجته
_________________________ _________
فى حالة الفرامل الطبله
الزيت يضخ بضغطه المعروف داخل ماستر الفرده الداخلى والغير مرئى للعين
يقوم نهايات الماستر بعمل أنفراد للخارج للتيل القبقابى ( أو الهلالى ) للخارج
على أساس يتم الأحتكاك مع داخل الطبله وبالتالى خلق آداء فرملى
.
.
_________________________ ___________
حنلقى نظره أخرى حول كل مكون من مكونات دورة الفرامل للتعرف على دورها فى
الدوره
وماهى المشاكل الفرمليه المتوقعه منها
Master Cylinder
كما بينا فالماستر الرئيسى بيقع بداخل غرفة المحرك ( خلف نهاية زراع دواسة الفرامل )
فى حقيقة الأمر ...فأن الماستر الرئيسى عباره عن ماسترين داخل جسم واحد
كل واحد مسئول عن تشغيل فردتين فرمليا
مساتر الفرامل بيراعى فيها الدقه العاليه فى التصنيع
المشكله الشائعه من أخفاق ماستر الفرامل فى آداء دوره الوظيفى
هى حدوث تفويت داخل للزيت من داخله وبالتالى بيشعر قائد السياره مع وجود
تفويت داخل الماستر الرئيسى أثناء أستعماله للفرامل
بهبوط مستوى الدواسه لأسفل مع تثبيت ضغط بسيط على الدواسه
يعنى لما تثبت رجليك عند ضغطه معينه على الدواسه
حتلاقى الدواسه بتاخد رجليك وتنزل لتحت أكثر
_________________________ __
Brake Fluid
سائل الفرامل ....عباره عن زيت مخصوص بيصنع لدورات الفرامل بمواصفات
وخصائص معينه
فمثلا بيصمم ويصنع لتحمل الظروف التاليه للأحوال
1- تحمل درجات الحراره المنخفضه وبالتالى عدم تعرض قوامه للغظه
2- تحمل درجات الحراره العاليه وبالتالى عدم تعرضه للغليان
أذا حدث غليان لزيت الفرامل مع أرتفاع ضغطه فى دايرة الفرامل بسوف تستشعر
آداء مضطرب ورعشه عند أستخدام دواسه الفرامل
فسائل الفرامل يجب أن يتضمن مواصفات Department of Transportation (DOT).
التوصيف الحالى للزيت DOT 3 يصل لدرجة الغليان عند 460 درجه فهرنهايت
وبالتالى يجب أستعمال الزيت الموصى لك من قبل صانع سيارتك
_________________________ _________
تنك الفرامل بيقع أعلى الماستر الرئيسى كخزان لأمداد الماستر بالزيت الازم لتشغيله
معظم السيارات هذه الأيام بتزود بتدريج قياسى على خارج تنك الفرامل لتنبيه السائق
بمستوى الزيت بتنك الفرامل دون حل غطاء تنك الزيت
مستوى الزيت بالتنك سوف يقل قليلا نتيجة الأستهلاك العادى لتيل الفرامل
وبالتالى ينصح بعدم تزويد الزيت لأن هذا وضع طبيعى نتيجة عمليات التقادم
والأستهلاك للتيل
ومع معرفة قائد السياره ومتابعته لمعدل نزول الزيت بالتنك
فسوف يكون على درايه كامله بمعدل تآكل التيل وبالتالى الذهاب للورش
المتخصصعه لفحص الفرامل وتغيير التيل
أما أذا لوحظ معدل نزول عالى للزيت بالتنك فى فتره قصيره من الوقت
فيجب التأكد من عدم وجود أى تسريبات خارجيه من عند الماستر أو من عند أتصال
خراطيم الفرامل بمساتر الفرد
أو ألقاء نظره فاحصه على كل الخطوط أسفل السياره
____________________
يتبع بإذن الله
08-12-2010, 07:11 PM
رد: نبذه علميه عن دورة الفرامل
- لأبرضو مغيرتهوش
