تعديل سيارة ميكروباص إلى سيارة رحلات ملاكي بسرير

[mostafakamal]

[Xpert]

المشاركة الأصلية كتبت بواسطة sad-bird الف شكر يا باشا على التوضيح ومنك نستفيد لكن ليا تعليقات اولا انا اول لما قال قلتله على الفولكس لاني شوفتها قبل كده معموله في برنامج تعديل السيارات ده ثانيا العربيات الفولكس الصغيرة شغاله ميكروباصات في الجيزة وبناء عليه وبالعقل والمنطق يبقى قطع غيارها موجوده ومتوفرة واعتمادية والا مكنتش اشتغلت لكن لما اتكلموا في ان العربية هتكون قدييمة والمنظر وكده قلت يبقى الاقتراحات الاخيرة هيوندايا وتويوتا حضرتك بتقول تويوتا قطع غيارها غاليه لكن نسيت تقول ان اعتماديتها وصيانتها كويسةو وقطع الغيار معمره يعني العمرة ممكن تعدي معاك نص مليون كيلو ده غير ان فيه منها بالتكييف جاهز الموديلات الحديثة ولكن التفكير كان في الصيني لانه ارخص اما عن الفورد فانا اتكلمت عن نوعيه معينه تحديدا حجمها كبير وبالتالي مواتيرها كبيرة وكلها ديزل وشغاله اصلا خطوط من عبود لشبين الكوم وبالتالي اكيد قطع غيارها متوفرة ورخيصة وزيها زي تويوتا بتتحمل فترات اطول ممن غيرها اما عن المرور ومشاكله فله حل ممكن يتعمل بالنسبة للسرير وهو انك تعمل سرير يتطبق ويتفرد زي الكنبة الاستوديو والكنتبين الي في النص ممكن تستغني عن واحده وممكن تعملهم بيلفو وممكن تعمل الكنبة الوسطي هيا اللي بتتفرد وتبقى هيا والكنبية الاخيرة سرير وطبعا ممكن تشوف سروجي نضيف وتختار الوان وتعلب فيها زي ما انت عاوز اصفر في اخضر بيج في اخضر بيج في اجمر ابيض في ازرق والكماليات محدش هيقولك حاجة فيها انت حر في عربيتك يا رب تعملها استوديوا متنقل لكن طبعا اذا هتحط تكييف يبقى لازم ماتور قوي علشان يتحمل الحمولة دي كلها بويقطر يكيف المساحة دي كلها يبقى افضل تخليك في مواتير ديزل كبيرة شوية 2500 و ممكن تحولها غاز علشان توفير الاستهلاك وياريت خبراء المنتدي يدخلوا يفيدونا اكتر في الفنيات اما عن فكرة ان الفندق ارخص فدي مستبعده لسبب صغير في تصوري انه بيفكر في موضوع السفاري او لو طبيعة شغله تتطلب السفر والتواجد وقت طويل برة بيحتاج مكان يريح مش علشان اريح ساعتين يبقى مبلغ وقدره كان ليا عم الله يرحمه كان غاوي سفر وصيد يطلع في دماغه في اي وقت يروح طالع على اي شط وقاعد وبالتالي جاب تويوتا لاند كروزر وخلى الكنبة اللي ورا تتفرد وطبعا لان الشنطة حجمها كبير فكان سهل انه يعملها ، وبوتاجاز صغير اللي هو انبوبه في شعلة راكبين في بعض بس مكنش عامل تلاجه طبعا كان بياخد الايس بوكس وكمان مش كان في دماغه تعديل ولا منظر هو كان بيدور على حاجة يرتاح فيها وقت ما يزهق من البيت والدنيا وقرفها ويروح يصطاد

التيوتا الميكروباص غالي و مش برستيج .. لو عايز تيوتا يبقي لاند كروزر علي طول .. و ده اخر سطر في مشاركتي عندنا عربيه تبعنا لاندكروزر تعلبه مخصوصه بتاع السفاري.. و للبيع حالياً علي فكره

الجاز مابيتقلبش غاز طبيعي .. او بمعني اصخ : غالي . بالاضافه انه مش عملي في الاوف روود.

المشاركة الأصلية كتبت بواسطة mostafakamal بجد يا جماعة أفكار جامدة أوي وحلوة وكلها ممكن تتنفذ، ولو سمحتم كنت عايز أعرف العربية الفولكس اللي في الصورة دي اسمها فولكس إيه وموديل سنة كام عشان دي شكلها ينفع قوي وكمان كنت عايز أعرف لو قطع الغيار بتاعتها متوفرة وأسعار العربية دي في حدود كام لو حالة نضيفة، وألف شكر على الأفكار دي كلها

Volkswagen Type 2
Also called Volkswagen Transporter (T3) (Europe)
Volkswagen Caravelle (T3) (Europe)
Volkswagen T25 (United Kingdom & Ireland)
Volkswagen Vanagon (North America)
Production May 1979–July 1992

المشاركة الأصلية كتبت بواسطة mostafakamal جميلة جدا وممكن تنفيذها، بس الأهم هل الموديل ده ممكن الأقي زيه هنا وبكام؟ والأهم قطع الغيار متوفرة

موجود و بيتباع . كان فيه واحد معروض علي النت برضه هنا :
http://www.car100100.com/cardetails.php?car_id=11093

بس موديل 80 و سعره غالي و فيه موتور تيوتا .. الافضل يكون راكب فيه موتور نزل علي العربيه نفسها بوضع المصنع.