القصة التي ابكت العالم قصة كفاحي مع ال 128

[hazem_khidr]

تمام يا كروسير يالا مستنيين الباقي
القصه شكلها قوي جدا و فيها مواقف كتير

[dego_story]

أيه ياكروزير باشا انت بتستخدم اسلوب التشويق ياعم الناس مستنيه بفارغ الصبر يلا باشا ...

الجزء التاني من القصة علشان منظري بقا وحش اوي بسبب التاخير والله يا جماعه كان يوم ما يعلم بيه الا ربنا حبكت اوي المشاكل تظهر عندي في الشغل النهارده ده انا كويس اني عرفت اكتب الجزء الاولني


المهم علشان مطولش عليكم كفايا الواحد كح تراب النهارده لما قال يا عين


نبتدي المرحلة التانية من العربية المفترية رقم واحد في العالم


احلي حاجه الله يجازي اللي كان السبب اللي شار عليا باني مرخصش في القوات المسلحة وقلي رخص في السلام علشان اللي هيشتريها منك ميدوخش يعني اللي هيشتريها مني ميدوخش وادوخ انا ويطلع عين اهلي


المهم العربية كانت تبع مرور الويلي يا ويلي روحت جيبت الملف من هناك ونقلته للمرور السلام ويرتني ما نقلته لاقيت نفسي في مجموعة الاخوان المحظورة قصدي مجموعة المتنوع واجارك الله والمتنوع ده في مرور السلام بيكون شكله عامل ايه بيتعاملو معاملة الارهابين بالظبط خن في المرور كدا وطالع منه طابور لحد اول فيصل هوه ده المتنوع في السلام المرور الخبيث الله يحرقه بجاز ويجازي اللي كان السبب

المهم لاقيت نفسي بيتمص دمي في العربية ديه وتقريبا ركبي انفصلت عن رجلي بسببها مفيش فاصل بيني وبين الماتور شوية يدخلك هوا سائع وشوية هبو نار واحلي حاجه لما المطرة بتمطر بشغل المساحات علي الزجاج الامامي وعلي وجسمي كله لاني باخد دش مع العربية بس بخده بالطين


كنت بعمل شقتي في اكتوبر وقولت يانا يانتي في الليله ديه كل يوم رايح جي علي اكتوبر واحلي حاجه عمرها ما تعمر معايا في الطريق ابدا بس من ساعة ما العربية جابت عندي وش سلندر في البداية قولت لازم اركب عداد حرارة ومن ساعتها مكملش ربع ساعه مشي بيها الا لما الاقي عداد الحرارة يجيب اخره انزل افتح الكابوت الاقي الاربه بتاعت الميه بتفور من الغلايين اللي فيها عملت كل حاجه علشان الحرارة تتظبط ابدا غيرت الريداتير وركبت مروحه كبيرة وصرف عليها اللي مصرفتهوش علي عربية بي ام دبليو مروحش مشوار الا والاقي عداد الحرارة في السما قولت ولو بردك هطلع عينيك زي ما طلعتي عيني بقيت اشيل فيها السيراميك بتاع الشقه من حته عندنا اسمها المهجرين لحد هناك وكنت بشيل علي السقف بتاعها شكاير الاسمنت والجبس والرمل قولت افتر بفتري هطلع عينك زي ما طلعنتي عيني


المهم الركبة اتكسرت بسبب اللي عملته فيها عندت ومرضتش اعملها بس احلي حاجه لما اخد مطب او يبقي في فاصل جامد في الكوبري ولا حاجه الاقي الفردة اليمين خرجت من العربية اطلع اعدلها وارجع اسوق تاني الناس قعدت تتحايل عليه علشان اعمله وكدا خطر ومش خطر قولت طيب علشان خاطركم انتم بس هعملها زي ما يكون العربية بتعاقبني اني صلحتها راحت جايبة معايا ربعين في البطارية قولت والله مانا عملك وفعلا بعت العربية والبطارية جايبة ربعين


ااشد موقف حصل معايا وعمري ما هنساه وكلكم هتفطسو من الضحك لما تحسوه معايا وتعرفوا المعاناه اللي كنت فيها


كنت رايح في يوم كان وقت الظهر كدا اكتوبر وكان معايا والدي ووالدتي وماشي علي الدائري ومره واحده صمعت صوت فرقعه زي ما يكون حد ضرب عليا نار وانا ماشي والعربية زي ما يكون جاتلها سكته قلبية ووقفت مكانها يمين شمال مفيش نبض خالص ابوس ايدك اشتغلي احنا في الجنب الشمال من الطريق وفي منزل كمان يعني اللي طالع مش هيشوفني وكان في اليوم ده النقل التقيل كله كان متوصي بيا وكان واخد الجنب الشمال وطايرين

المهم نزلت والد ووالدتي من العربية لاني قولت خلاص العربية كدا ضاعت مني وخليتهم وقفوا في الجنب اليمين من الطريق وفي اليوم ده عملت قرد وروحت ناطط من الطريق اللي كنت فيه للطريق التاني وكان بسم الله ما شاء الله كانت في عربية هتخدني في سكتها وهيه ماشيه بسرعه بس ربنا ستر المهم ببص كدا لقدم لاقيت زي ورشه علي بعد بتاع 300 متر المهم ناطيط من فوق الدائري مش قولتلكم عملت قرد المهم نزلت تحت الدائري وجريت علي الورشه ديه حكيت لصاحب الورشه الموقف وده راسه والف جزمه مش هطلع الدائري يا عم يهديك يرضيك هديك اللي انتا عايزه مفيش قولتله طيب في حد غيرك هنا يا عم الحج اروحله قالي في واحد بعديا بشويه المهم جريت لحد ما وصلتله وفي تفكيري ان العربية خلاص راحت في الرجلين بين النقل التقيل المهم وصلت للميكانيكي التاني حكتله الموقف اللي انا فيه قالي اوك هاجي معاك بس علي شرط قولتله اومر يا قمر قالي تزوق العربية من الجنب الشمال للجنب اليمين وانا مستعد اجي اعملهالك ptmnlo123per195 قولتله انتا كدا بتضحي بيا ياسطي قالي معرفكش قالي الحق بسرعه انقلها بدل ما تلقيتها منقوله جاهز من فوق الدائري المهم ملقيتش اودامي غير اني اروح انقلها ماهو حكم قرقوش المهم تسلقت الدائري ووصلت للعربية واتفقت انا ووالدي ان والدي هيشاور للعربيات وانا هزوق العربية المهم سبحان من خلي الدائري هدي لمدة ثواني معدودة المهم روحت استجمعت قوتي وزقيت العربية وانا في منزل والمنزل ساعدني في زق العربية ووانا بزقها العربية جريت مني ولقيتها هتنط من فوق الدئري من الجهه اليمين جريت وراها بعزم ما فيا وروجت نطيط من الشباك وشديت فرامل اليد وانا ناسي ان فرامل اليد عندي بايظه والعربية خلاص علي اخرها وهتنط خلاص ورحت دايس بايدي علي الفرامل ووقفتها ووش العربية لازق في الصور بتاع الجهه اليمين وكل اللي راكبين عربيات نازلين ضحك عليا لان شايفين عربية طالعلها رجلين وبقيت جسمي مرمي في الدواسات تحت


المهم عملت الحركة الجريئة تاني بعد ما ركنت العربية في الجنب اليمين وروحت عديت للجنب التاني من الدائري ونطيط تاني من فوق الدائري وروحت للميكانيكي قولتله العربيه تمام يا معلم كنت خايف ادخل عليه وانا عامل زي سلطان في فيلم غبي منه فيه لما رجعله بالدركسيون بتاع المتوسيكل المهم خدني معاه في عربيته ال 132 وطلعنا الدائري وبص علي العربية لاقي دايرة الكهربا مدمره اللي ماسكه مجموعة الكهربا بتاعت البوجيهات المهم قالي ديه هندور عليها ونتا وخظك يا نلاقيها يما منلاقيهاش وفعلا لاقينها بس بعد عزاب طويل وحنا بندور عليها المهم الراجل طلع زوق وركبها ومرضيش ياخد غير 50 جنيه بس وده كان ازبل موقف حصل معايا


هريح ايدي شوية واتغدي واشرب الشاي وارجع احكيلكم بقيت الحكاية ولكن بــــــــــعـــــــــــد الفاصل انزل يا ابني بالاعلانات خلينا نلم فلوس

[احمد بدر1978]

المهم حتكمل النهاردة ولا بكرة عشان ورايا ميت حاجة

[bostato]

هو لسه في تكمله لا فعلا العربيه دي افترت عليك , والله انت ربنا هيكافئك عشان الي حصلك ده.
في انتظار الجزء التالت يا كورسير باشا.