فيرنا كامله ولا لوجان فل اوبشن

[abdo verna]

المشاركة الأصلية كتبت بواسطة RENAULT 18 وجهة نظرك سليمة بس حضرتك قارنت من ناحية أفضليات الفيرنا و نسيت اللوجان خالص ... يعنى أنا قصدى ... العلو عن الأرض ... اللوجان تكسب العفشة ............ اللوجان طبعا عدد الركاب ..... اللوجان تكسب الشنطة ........... اللوجان تكتسح تقبل تحياتى ،،،،،،،،،

ممكن تكون عفشة اللوجان كويسة بس مش افضل من الفيرنا
اللوجان عفشتها متصلة اما الفيرنا فعفشتها منفصلة او مستقلة واقرب اللى الارض من اللوجان اما اللوجان فعفشتها انشف من الفيرنا مع العفشة المتصلة فتحس ان العربية ثابتة في الطرق المستقيمة لكن الفيرنا العكس هتكون اثبت في المنحنيات وثابتة في الطرق المستقيمة ولكن قد تكون غير مريحة لبعض الناس

[hossamhussein0]

الموضوع ده بقاله فترة طويلة قوي

يا تري صاحب الموضوع جاب ايه ؟؟؟؟؟

و ان كنت اتمني ان تكون لوجان لأنها معي من سنتين و نصف وهي زي الفل فعلا

[حسام البورسعيدى]

بص يا باشا ..

من الاخر كده ..

مميزات الفيرنا : سريعة - موتور اقوى - شكل اجمل - قطع غيار متوفره ورخيصة - سهلة فى الصيانة (لانها كتيرة والصنايعية عارفينها) - متداولة وسعرها مش بينزل جامد فى اعادة البيع - عفشة كويسة ..

العيوب : اهم عيب التقفيل المصرى بتاع غبور (فارق كتير) - اوبشنز بسيط - ضيقة من جوة والشنطة ...


مميزات اللوجان : تقفيل ممتاز - واسعة من جوة والشنطة واسعة جدا - استهلاك قليل جدا للبنزين - اوبشنز معقول زى الاير باج وكمبيوتر الرحلات والتحكم فى ارتفاع ضوء الفوانيس -عفشة ممتازة ومريحة جدا

العيوب : الموتور تكنولوجيا قديمة (8 صباب) - مش سريعة زى الفيرنا - قطع غيار غالية (لانها لسة جديدة ولكنها فى تزايد مستمر بشكل كبير) - اماكن زراير الازاز والكلاكس غريبة ومش عملية - شكل مش حلو اوى (ازواق) ...


فى النهاية العربيتين احلى من بعض علشان كده القرار لازم يكون ليك .. وتشوف اللى يناسب احتياجاتك حسب مواصفات كل عربية ....

[akerima]

لوجان لوجان لوجان توكيل ممتاز من غير مصاريف صيانة 5000 و 15000 واول صيانة بفلوس 10000 تقريبا 150 جنية ومع انتشار العربية انشاء الله مش حيبقي فيه خوف من قطع الغيار ولا سعر اعادة البيع

على فكرة يا جماعه مافيش حاجة اسمها دي احسن ولا دي...لان كل واحد ليه مزاج غير التاني...المفروض يتقال دي مميزاتها ايه وعيوبها ايه ودي مميزاتها ايه وعيوبها ايه...يعني حاضرب مثال...الناس تقول المازدا الجديدة واطيه اوي ناس تانية تقول دا احسن تتدي ثبات للعربية عند السرعات العالية...ناس تقول اللوجان عالية عشان المطبات العجيبة اللي في مصر ناس تانية تقول بس عند السرعات العالية مش ثبات كويس...فهي امزجة واراء...وارجوكم مش عايز دا بعد سماح حضراتكم ماحدش يناصر عربية عن عربية لمجرد السمع ...لا ...كل شيء في الدنيا له مميزات زي ما برضة ليه عيوب..انها النسبية...