تعالو نفكر مع بعض هنعمل ايه بعد قرار البنزين

[hyundai 2005]

يا جماعه ما تقلقوش
الحكومه دي في النزع الاخير كبيرها شهر ومش حتلاقوها اصلا

[svneleven]

المشاركة الأصلية كتبت بواسطة ahmed_zamalek7 يعنى هو قبل كده حضرتك كان بيتسرق هو يدارى فشل الاجهزه الرقابيه للدوله وان البنزين والسولار بيتهربو على المواطن وكمان 10 لتر ميكفوش ناس كتير هو هيدينى لتر بنزين بالسعر الحر خلاص يردلى الجمارك ال انا دفعتها او يدينى مرتبات زى الدول البتبيع البنزين بالسعر الحر كمان حضرتك موضوع زى ده هيقضى على سوق السيارات خالص ناس كتير مش هتشترى عربيات ده طبعا غير الذياده فى جميع الاسعار هى الناس عملت ثورة عشان الاسعار تقل ولا الدعم يتشال ؟

طبعا كان بيتسرق لكن الموضوع زاد عشان الشرطة الفاشلة اللي مش بتعرف تشتغل غير لما تقل أدبها علي الناس غير كده ما تعرفش. و كمان هو حضرتك ما سمعتش قبل كده عن الدقيق المدعم اللي بيتباع في السوق السودا؟ فكرة دعم سعر السلعة هيخلي السوق السودا موجودة دايما لكن الصح ان الدعم يوصل للمواطن مباشرة (في ايده) يعني مثلا فلوس زيادة علي المرتبات تعوض الناس عن رفع الدعم عن السلع الاستراتيجية أو موضوع زي الكوبونات عشان كل مواطن ياخد الدعم في ايده و مش يمر علي حد في السكة يسرق منه شوية. حكاية 10 لتر اللي أنا قولتها كانت اقتراح و كنت أقصد أنه المفروض يدرس الموضوع صح و يشوف احتياجات الناس فعلا لأنه المفروض بيدور علي مصلحة المواطن. أما القضاء علي سوق العربيات مش هيحصل كل الحكاية أنك هتلاقي المنظرة قلت شوية و الناس بدأت تشتري العربيات اللي فعلا مناسبة لاحتياجاتهم. و كمان حضرتك الدعم موجود للعربيات اللي 1600 و تحت اللي هي أصلا أكتر من 90 % من سوق السيارات علي ما أتوقع.

[ahmed_zamalek7]

المشاركة الأصلية كتبت بواسطة svneleven طبعا كان بيتسرق لكن الموضوع زاد عشان الشرطة الفاشلة اللي مش بتعرف تشتغل غير لما تقل أدبها علي الناس غير كده ما تعرفش. و كمان هو حضرتك ما سمعتش قبل كده عن الدقيق المدعم اللي بيتباع في السوق السودا؟ فكرة دعم سعر السلعة هيخلي السوق السودا موجودة دايما لكن الصح ان الدعم يوصل للمواطن مباشرة (في ايده) يعني مثلا فلوس زيادة علي المرتبات تعوض الناس عن رفع الدعم عن السلع الاستراتيجية أو موضوع زي الكوبونات عشان كل مواطن ياخد الدعم في ايده و مش يمر علي حد في السكة يسرق منه شوية. حكاية 10 لتر اللي أنا قولتها كانت اقتراح و كنت أقصد أنه المفروض يدرس الموضوع صح و يشوف احتياجات الناس فعلا لأنه المفروض بيدور علي مصلحة المواطن. أما القضاء علي سوق العربيات مش هيحصل كل الحكاية أنك هتلاقي المنظرة قلت شوية و الناس بدأت تشتري العربيات اللي فعلا مناسبة لاحتياجاتهم. و كمان حضرتك الدعم موجود للعربيات اللي 1600 و تحت اللي هي أصلا أكتر من 90 % من سوق السيارات علي ما أتوقع.

يعنى المشكله كلها هنا فى ان الاجهزه الرقابيه مش شايفه شغلها يبقى ديه غلطه حكومه مش يحملها على المواطن وحضرتك المنظره بتبقى بى المرسيدس والبى ام والعربيات الغاليه ال اصلا مش هتفرق مع صاحبها اللتر بى 10 جنيه ولا بى 50 جنيه على الرغم انه يستحق دعم عشان هو دافع تامينات وضرائب وجمارك اكتر منى بكتير
كمان سوق العربيات اكيد هيتاثر عشان الدعم هيبقى محدود يعنى الهينزل طالع عينه عشان يجيب عربيه بسيطه بى 70 الف ولا حاجه هياخد مسبه من البنزين مدعم والباقى بالحر يعنى يبقى عليه قسط وفلوس صيانه وكمان البنزين طب ازاى ؟
وكمان السوق السوده هتشتغل عشان اكيد الكوبونات هتلاقى البيبعها اهو توفرلك شويه من تمن البنزين بدل متجيبو حر مثلا بى 5 اهو بالكوبون السوق السوده هيقف عليك بى 3 مثلا
وكمان زى مكنت بقول لحضرتك هى الناس عملت ثورة عشان الدعم يتشال والاسعار تذيد ولا الاسعار تقل مفروض ان فلوس القناه والصناديق الخاصه والدهب دول يزودو الدعم مش ينقصوه ده غير ان قرار زى ده هيذود سعر السلع بصوره رهيبه
وده طبعا غير دقيقه المحمول النوين يغلوها يعنى ربنا يسترها

[ابو الفضل]

المشكله كمان فى اسعار الموصلات لانها هاتغلى لان البنزين غالى
يعنى مفيش حاجه اسمها العداد فى التاكسى

[svneleven]

المشاركة الأصلية كتبت بواسطة ahmed_zamalek7 يعنى المشكله كلها هنا فى ان الاجهزه الرقابيه مش شايفه شغلها يبقى ديه غلطه حكومه مش يحملها على المواطن وحضرتك المنظره بتبقى بى المرسيدس والبى ام والعربيات الغاليه ال اصلا مش هتفرق مع صاحبها اللتر بى 10 جنيه ولا بى 50 جنيه على الرغم انه يستحق دعم عشان هو دافع تامينات وضرائب وجمارك اكتر منى بكتير كمان سوق العربيات اكيد هيتاثر عشان الدعم هيبقى محدود يعنى الهينزل طالع عينه عشان يجيب عربيه بسيطه بى 70 الف ولا حاجه هياخد مسبه من البنزين مدعم والباقى بالحر يعنى يبقى عليه قسط وفلوس صيانه وكمان البنزين طب ازاى ؟ وكمان السوق السوده هتشتغل عشان اكيد الكوبونات هتلاقى البيبعها اهو توفرلك شويه من تمن البنزين بدل متجيبو حر مثلا بى 5 اهو بالكوبون السوق السوده هيقف عليك بى 3 مثلا وكمان زى مكنت بقول لحضرتك هى الناس عملت ثورة عشان الدعم يتشال والاسعار تذيد ولا الاسعار تقل مفروض ان فلوس القناه والصناديق الخاصه والدهب دول يزودو الدعم مش ينقصوه ده غير ان قرار زى ده هيذود سعر السلع بصوره رهيبه وده طبعا غير دقيقه المحمول النوين يغلوها يعنى ربنا يسترها

حكاية السوق السودا اللي حضرتك بتتكلم عليها مش هتكون مشكلة. ليه؟ حضرتك مواطن مش محتاج البنزين بتاعك هتبيع الكوبونات و تاخد فلوس و ده معناه ان الدعم بتاع الحكومة وصل لسيادتك. أنت أخدته في صورة بنزين أو بيعته و أخدت فلوس مش مشكلة و ديه حاجة ترجع لحضرتك. لكن في الوفت الحالي اللي بيبيع البنزين في السوق السودا مش المواطن الغلبان لأ ده الحرامي صاحب البنزينه. أتمني تكون وجهة نظري وصلت لسيادتك.
كل اللي عاوز أوصله أن الغاء الدعم واجب و مصلحة للجميع لكن المهم أوصل الدعم ازاي للمواطن بطريقة صح عشان المواطن هو اللي يستفيد مش التجار الجشعين؟ هيه ديه المعضلة اللي الحكومة مش عارفة تعملها.
أما ما عدا ذلك في أن الحكومة فاشلة و ساذجة و مش عارفة تتصرف فأنا أتفق معاك تماما.