الفرق بين رينو لوجان المغربية ولوجان الفرنسية

[moslem2]

لاتوجد لوجان فرنسيه والاصدار الاوربى هى لوجان رومانيه

[moslem2]

داتشيا رومانى وهى شريك قديم لرينو حتى فى التاكسيات الرينو القديمه فى القاهره كان فيه نفس العربيه باسم داتشيا واللوجان نازله الخليج تحت اسم رينو لوجان-صنع فى رومانيا

[danoora]

و الله انا شوفت واحدة كانت معروضة للبيع الراجل كان بيقول انها فرنساوي و شكلها فعلا مختلف عن العادية بتاعتنا الاكصدامين بلاستيك و فوانيسها اقرب للكليو بس شكلها لوجان بس العادية احلى و كانت 2008 لغاية دلوقتي مش عارفة صحة الموضوع هي فعلا كانت فرنساوي و للا روماني

[محمد اشرف]

المشاركة الأصلية كتبت بواسطة danoora و الله انا شوفت واحدة كانت معروضة للبيع الراجل كان بيقول انها فرنساوي و شكلها فعلا مختلف عن العادية بتاعتنا الاكصدامين بلاستيك و فوانيسها اقرب للكليو بس شكلها لوجان بس العادية احلى و كانت 2008 لغاية دلوقتي مش عارفة صحة الموضوع هي فعلا كانت فرنساوي و للا روماني

خلاص يكون الشكل الثانى ده فرنساوى يعنى مش غلط

[Tota El Masry]

تسلم أيدين حضرتك ربنا يعزك و يعليك لكننننننننننننننننننننننن ننننننننن
أنا أشتريتها و لله الحمد و لسه حعلق نمر قريب الحمد لله على كل نعمه ظاهرة و باطنة أنا كنت بتحايل على سائقين التاكسي علشان يوصلوني البيت مش بيرضوا و إللي برضى بعد ما بوصل بيطلب ضعف العداد علشان حيرجع فاضي و إللي يساومني في الأول و إللي ما يرضاش
لدرجة إن مرة كنت بنزف من السيولة بسبب الأورام و كان عندي نزيف داخلي و سائق تاكسي جارنا بعد المساومة رفض يوصلني المستشفى
يالا بقى ربنا يسامحه و يهديه


آخر مرة والله العظيم كنت قابضة مكافأة 170ج كملت عليهم 50 و دفعت أجرة التاكسي من الشغل للبيت و على فكرة المكافأة ده بتيجي مرتين بس في السنة و آخر اليوم أبقى يا مولاي كما خلقتني لا أمتلك سوى الحسرة و محفظة بتوأوأ من الجوع اللهم لا اعتراض
والله لو لوجي كانت معزة و لا فرخة جركسي محلوق ليها زلبطة كنت حشتريها بردو مش مغربي و لا روماني
و بعدين نشجع الصناعة العربية لحد ما ربنا يكرمنا و يبقى عندنا قلعة صناعة سيارات زي ديترويت أو على الأقل النصر للسيارات ترجع تشتغل لكن بتصميمات مصرية و مواصفات تجمع بين ذكاء و رفاهية الأوروبي و الياباني