أختاروا معايا نوع الكوتش من التالى

[tham1010]

تصحيح بسيط.... اسم الكوتش هو Roadstone الراجل بينطقها غلط باين

[svneleven]

المشاركة الأصلية كتبت بواسطة tham1010 رحت لتاجر تانى اليوم قلت اسأل على الكوتش.. عرض على كوتش أسمة ريدستون كورى بثمن 435 جنية بالتركيب والبلوف والترصيص... وهنا عندى شوية اسأله... 1- لو وضعنا ريدستون الكورى فى القائمة فهل له مكان بين افضل ثلاث مركات.. 2- الراجل قال لى لما سألته عن مصاريف التركيب قال لى 20 جنية تركيب و 20 جنية بلوف و 20 جنية ترصيص يعنى أجمالى 60 جنية وهنا نسيت أساله هل المبلغ 60 جنية للاربع فرد ولا للفردة الواحدة.... الحقيقة انا أول مرة اغير وعمرى ما كان عندى خبرة.. فهل 60 جنية للأربعة ولا للفردة؟؟؟؟ 3- مش فاهم ايه حكاية البلوف اللى بيقول لى عليها دة مش المفروض لما اشترى الكوتش يكون معاه البلف. مش البلف دة زى بتاع العجلة اللى بيتملى منه الكوتش. محتاج توضيح لو سمحتم.. 4- أخيرا أنا باقرأ كثير جدا بالانجليزى عن الإطارات ومواصفات وأنواع وغيرة ولاحظ أن الأندونيسى والتركى ليس له مكان فى القوائم بين افضل مركات الإطارات مثل الدنلوب ويكوهاما والكمهوا..... فهل هذا لان الإطارات مثل GT ,وسبكترا ونكسيس ملهاش مكان بين الشركات الكبرى... الحقيقة متحير.....

طبعا رودستون ده مالوش أي تصنيف بين شركات الكاوتش المعروفة مش هقولك العالمية. أنا بسمع عنه لكنه مش منتشر.
طبعا ال 60 جنيه دول للأربع فرد هي الناس بتمشيها بلف أو ترصيص أو تركيب أو نيتروجين ب 5 للفرده الواحده و لو رحت أي محل محترم مش هيحاسبك علي الكلام الأهبل ده.
حكاية ماركات الكاوتش هتلاقي ان الشركات المحترمة كلها من ألمانيا و أمريكا و اليابان و ايطاليا و فرنسا و ممكن كوريا. الاندونيسي و التركي انتشرو عشان الأسعار رخيصة و مالهومش مكان في السباقات العالمية و لا بينزلو علي العربيات الجامدة. بما ان سيادتك مش بتجري و مش بتمشي كتير فالموضوع مش كبير بالنسبالك هات ماركة معروفة و من محل محترم و زي ما أحد الأعضاء قال لسادتك هاتو جديد عشان يعد معاك أطول فترة ممكنه.
بخصوص عمر الكاوتش الكلام اختلف. معظم الماركات بتقول متوسط من 4 ال 6 سنين لكن الماركات العالمية زي بريدجستون و ميشلان بتقول 10 سنين و طبعا لأن ده كاوتش متكلف و خاماته مختلفة و التكنولوجيا مختلفة. أنا شايف أن الاستعمال هو الأساس و الأحساس بالأداء بتاع الكاوتش و بردو نا ما روحش أجيب حاجة تركي و الا اندونيسي و أقول أخليه 6 أو 7 سنين.

[tham1010]

svneleven شاكر المشاركة.... حضرتك إذن من انصار أنى اجيب مركة كويسة وحتى ولو غالية. ولكن الا تتفق معنى ان مثلا واحد بيمشى 20 او 30 كيلوا كل اسبوعين وبسرعة لا تتجاوز 60 او 70 كيلوا فى الساعة وكل حركة داخل البلد والسفر نادر. فهل يعتبر هذا قرار صائب ان اشترى فردة كوتش 600 جنية بينما هناك فردة كوتش 370 جنية؟؟

على فكرة انا سألت عند واحد اليوم عنده متشيلان بس مش فرنساوى من بلد اوربى تانى وقالى لى الفردة 580 جنية وقالى لما تيجى بس ممكن نخفض شوية.. شايفة كثير جدا طالما الكاوتش بيتغر كل 5 سنوات سواء متشيلان او حاجة اندونيسى....

[svneleven]

المشاركة الأصلية كتبت بواسطة tham1010 svneleven شاكر المشاركة.... حضرتك إذن من انصار أنى اجيب مركة كويسة وحتى ولو غالية. ولكن الا تتفق معنى ان مثلا واحد بيمشى 20 او 30 كيلوا كل اسبوعين وبسرعة لا تتجاوز 60 او 70 كيلوا فى الساعة وكل حركة داخل البلد والسفر نادر. فهل يعتبر هذا قرار صائب ان اشترى فردة كوتش 600 جنية بينما هناك فردة كوتش 370 جنية؟؟ على فكرة انا سألت عند واحد اليوم عنده متشيلان بس مش فرنساوى من بلد اوربى تانى وقالى لى الفردة 580 جنية وقالى لما تيجى بس ممكن نخفض شوية.. شايفة كثير جدا طالما الكاوتش بيتغر كل 5 سنوات سواء متشيلان او حاجة اندونيسى....

لأ طبعا مش تجيب ميشلان أو بريدجستون و أنت مش بتجري و بتمشي قليل.
شوف الدانلوب لو سعره مظبوط و مش متخزن. ما كانش يبقي كله ينفع معاك لأن استعمالك خفيف خالص.

[tham1010]

المشاركة الأصلية كتبت بواسطة svneleven لأ طبعا مش تجيب ميشلان أو بريدجستون و أنت مش بتجري و بتمشي قليل. شوف الدانلوب لو سعره مظبوط و مش متخزن. ما كانش يبقي كله ينفع معاك لأن استعمالك خفيف خالص.

أنا برضوا رأى كدة. أنا والدى حاطط كوتش بتاع شركة النصر على عربية فيات 124 كان جايبة من 10 سنوات 190 جنية للفردة وقعد معاه 10 سنوات لحد ما اتشق نصين وهو ماشى كان لاخر الوقت النقشة باينة لانه زى حلاتى بيمشى 10 كيلوا على اقصى تقدير كل يوم وعمره ما قاد السيارة بسرعة تتجواز 50 كيلوا ومش سافر فى العشر سنوات غير يمكن خمس مرات ولمسافات تتجاوز 70 كيلوا رايح جلى...

الإستهلاك هو الحكم والحقيقة بالنسبة لى الأهم شعور الراحة فى القيادة مش عاوز اشعر بالمطبات أو نقر الطريق ويكون الإطار متماسك فى الأرض بدرجة جيدة يعنى A على الأقل إن لم يكن AA ويكون طرى ومش مهم إستهلاكه لانى بطبيعة الحال مش بمشى تقريبا.. والأهم انه يكون رخيص ولكن مش لدرجة أنه يكون صينى... انا حاليا بحاول ارسى على واحد دانلوب جنوب افريقى،، أو GT الأندونيسى أو ماكسيس التايلندى...

1- فى سؤال أطرحة على الكل الأن.. انا عارف أن فى إطارات بتكون تيوبلس يعنى مش بيكون فيها كوتش داخلى وبتتلحم بالخابور. وفى إطارات مش بتكون تيوبلس وبنشترى ليها كوتش داخلى بحوالى 25 جنية. أنا لما سألت على الكاوتش مجاش فى بالى اسال إذا كان الكاوتش تيوبلس أو لا والتاجر نفسه مش أشار لهذا فهل أفترض ان كل الأنواع المعروضة الان تيوبلس؟
2- لو كان بعض الكاوتشات بتكون مش تيوبس فهل الافضل التيوبلس ام الذى يركب له إطار داخلى.
3- هل التيوبلس أغلى من العادى الذى يركب له إطار داخلى

شاكر على الرد والإفادة