عيوب و مميزات الفيرنا ال 1600cc

[AHMEDCAR]

الشهر ده لزمته انك فى الاول بتدفعى الف جنيه بدايه التعاقد و اول ما العربيه بتدخل على خط الانتاج بيطلبوكى علشان تكملى باقى المبلغ من اجل جديه التعاقد و لو مدفعتيش مش ها يخصصوها لكى و لما تتدفعى هايخصصوا رقم الشاسيه و الموتور لحصرتك و اول ما العربيه تتصنع هايتصلوا بيكى علشان تروحى تستلميها علشان كده العربيه بتتاخر حوالى شهر و هو مده التصنيع و التشيك عليها قبل تسليمها للعميل


طبعا التوكيل مش بيعمل زى المعارض و الكلام ده العربيات عنده طازه بطازه اول ما تتصنع روح للعميل على طول بعكس لمعارض اعرف واحد صاحب معرض كان بيسافر بيها شرم و بعها بعد كده زيرو علشان كان فاصل العداد بعكس التوكيل خالص و ده سبب ان العربيه بتتاخر فتره


بالتالى مش هاينفع تروحى كل يوم تسالى عليها لانها لو موجوده كانوا سلموها ليكى على طول

[sonata]

طيب طيب عرفت خلاص ايه الموضوع !!!!
بس عايزاك تقوللى ايه الموضوووع ان فيه فعلا عربيات بتكون فى التوكيل فعلا وعليها اللاصق الابيض فوقيها يعنى ايه العربيات دى حاطتها زينة ؟؟؟ انا بصراحة محتارة لو هما فعلا حيصنعولى العربية فإيه العربيات اللى عنده فى المعرض -- انت نفسك قلت انك روحت توكيل عمارات العبور وشوفت العربية آيتن وركبتها كتجربة يبقى ايه العربية ديكوووور !!!
وبعدين فى سؤال هل الموزع المعتمد لدى التوكيل -- زى مثلا شركة كذا -- او الموزع الفلانى --- موزعين معتمدين عند غبور او غيره --- هل دة يفرق فى الشراء ؟؟

ياااااريت تكون فعلا مووووش زهقاان من اسئلتى اعتبر انك بتدّى دروس للمبتدئين فى عمليات البيع والشراء وغيرها (حسب الحاجة) اللى طبعا بدووووون مناقشة انا على رأس هؤلاء المبتدئين --- وشكرا جزيلا---

[Ahmed Anwer]

كده كده الفيرنا مبيجيش عليها الاستيكر الابيض

[AHMEDCAR]

الاستيكر الابيض ده بيكون علشان العربيات لما تتركن فى الشمس ما تتاثرش باشعه الشمس ليس اكثر من ذلك


و الفيرنا عموما مش بتيجى بالاستيكر ده لتقليل التكاليف و اصلا العربيه بتطلع من الصنع للمستهلك على طول طازه بطازه

العربيات اللى فى المعرض بتكون عربيات حقيقيه فعلا بتكون للعرض للعملاء و غير مخصصه للبيع


الموزع المعتمد زى غبور بالظبط بس بيكون اغلى من غبور برضو بحوالى 1500 الى 2000 برضو علشان دى نسبه الربح بتاعه

انا مش وهقان خالص لكن العكس انا مبسوط ان فى حد تفاعل معايا فى الموضوع و يكون ليا الشرف انى برد عليكى

[sonata]

اولا اشكر العضو الذهبى ( احمد انور ) على اسبقية الرد عن خبير الهيونداى (احمد ) اللى كان سبّاق فى الرد -- وعلى فكرة انا يمكن لسّة ما اتعرفتش قوى على اعضاء المنتدى لإن الحقيقة ان وقتى بيكون ضيق وموش باعرف اتصفح المنتدى كويس غير كل فيييييين وفيييييين وعشان كدة انا اول صفحة بضغط عليها تقريبا بشكل يومى فى الوقت الحالى هى الهيونداى على طول عشان اخلص من موضوع الفيرنا -- فياريت لو فى القاب خاصة بالعضو ( احمد انور) فليدرك انى لست على علم بها -- هذا للتوضيح !!!

وانا لا انكر ان بفضل مساعدة المنتدى دة وبالاخص ( احمد مشرف الهيونداى ) فى الردود على اسئلتى الكتيييييرة اللى كانت بتطل عليه من الشاشة بشكل تقريبا يومى و اللى عارفة انه ممكن يقول (ايه الاسئلة الغبية دى؟؟؟؟؟) -- لكن معلش -- فسؤال العالم بالشىء افضل من مشورة الجاهل اللى حيفتى !!!

يعنى فعلا أعتبر جمّعت معلومات كويسة عن العربية بس فى حاجة عايزة اعرفها العربية ايه بييجى معاها لما تشتريها غير طبعا الارقام التجارية اللى حامشى بيها مؤقتا الى ان ربنا يسهلى فى مشوار المروووور ؟؟؟

كان نفسى اوعدك ان دة يكون اخر سؤال -- لكن مووووش ضامنة دة !!!! --- شكرا على مجهودك---