كفا الله عنكم الشر جميعاً : أسباب زيادة حوادث الفيرنا؟

المشاركة الأصلية كتبت بواسطة خالدخليفة مع احترامنا لكل اللى قالو نسبة مبيعات فاعتقد ان نسبة مبيعات اللانسر اكبر واعلى والمسألة ان الفيرنا موتورها كبير عليها و ده رايى ومش مستعد اغيره رغم ان احد اخواننا هنا قال ان المينى كوبر صغير وموتورها حوالى 3000 لكن بعد كده فهمت ان انظمة التعليق بتاعتها هيا السبب وانظمة تعليق عربية ب60 الف مش هتجارى المينى كوبر اللى تمنها معرفش كام وطبعا موتورها القوى يغرى على الجرى وده غلط لان الفيرنا كبيرها 120 وزيادة عن كده يبقى انتحار

روح كل عيش في اي حته تانيه يا ابو عمو انتحار ايه يا راجل حرام عليك يبقي انا علي كدا من الكوماندوز وانا مش واخد بالي

[خالدخليفة]

طيب مهو انت بتستعبط هنعمل لك ايه
عربيتك اخرها كده
طيب م انا عربيتى اخرها 185 ومع ذلك مبجيبهومش ورغم ان عدادها 220
وقلن 100 مرة الكوريين والصينيين دجالين ممكن يقول السرعة القصوى (مش القصوة ) 180 وهيا لو زادت عن 120 تعوم
ثم ان العربية مع الوقت بتستهلك وكفائتها بتقل كل شوية ومع عدم تغيير القطع التالفة بقطع اصلية علشان اسعارها المبالغ فيها طبعا الكفائة بتقل تانى
يعنى حتى لو كتالوجها بيقول 185 زى بتاعتى لكن ده وهيا زيرو طبعا مش مدى الحياة لاننا مش بنعمل الصح لانه مكلف

[abdo verna]

المشاركة الأصلية كتبت بواسطة bam8572 سلام عليكم الله يكفى عنا وعنكم الشر جميعا بس ليا سؤال عشان قريبى ناول على فيرنا وقالى اسأل السؤال دا ليه انا 70% من العربيات اللى بشوفها عاملة حادثة على الطريق او نازل اعلانها فى جرايد او او الاقيها فيرنا ؟ ولما سألت السؤال دا لناس تانية قالولى احنا بردو فعلاً كدا بنشوفها كتير ياريت حد يفسر لى وسلامة الفيرناويين وربنا يكتبلنا ويكتبلكم كل خير يارب

ده مبالغة وفي عربيات اكتر منها بكتير والتقييم ده على اساس ايه

[abdo verna]

المشاركة الأصلية كتبت بواسطة knight_night يا باشا الفيرنا اقل ما يقال عنها انها ورقة على الطريقة ويمكن اقل من الورقة كمان دا بالاضافة لان الصاج بتاع هيونداى كله ورق عن اى صاج تانى

اذا الفيرنا ورقة يبقى نص العربيات اللي في مصر ورق

[abdo verna]

المشاركة الأصلية كتبت بواسطة Eng . Mano ممكن علشان محركها قوى جدا و غير مناسب اطلاقا لحجم جسم العربية ، اعتقد ان ده سبب كبير جدا ، بدليل ان موتور الفيرنا ده هو نفس موتور الالنترا مو2005 الشكل القديم بس طبعا فيه فرق بين حجم الالنترا القديمة و حجم الفيرنا .. كمان الفرامل ضعيفة على الموتور اللى المفروض ينزل معاها abs ، بس طبقا لسياسة غبور ( كله بتمنه ) انسى ان يركبلها abs . ده حتى العربية الوحيدة الهيونداى فى الفئة السعرية لغاية 120 الف اللى فيها abs هى الالنترا الهاى لاين يعنى مش العادية . و كمان مافيش حاجة اسمها كل الفيرنا او 70 % منها بتعمل حوادث ، العيب على اللى بيسوق ، اذا كانت سواقته هادية و رزينة و فيها تحكم ، او ماشى بطريقة هوجاء غبية و يضيع نفسه و اللى معاه . يعنى انا امبارح بس شوفت عربيتين سيراتو زيرو ، النص الامامى بتاعهم محطم تماما مش باين له اى معالم ، و الموضوع ده عند الكيلو 4.5 اول طريق السويس . ده طبعا سببه التهور و الطيش بدون سبب ، بس فعلا الفيرنا عربية جميلة جدا جدا و عملية و فيها كل حاجة ، و رشحها لقريبك انه يجيبها ، بس يمشى على مهله ..

كلام مضبوط بس الفرامل كويسة والله العظيم عن تجربة