بتخاف تنزل بالعربية؟

[ahmedraafat00]

المشاركة الأصلية كتبت بواسطة Injection ربنا يحمينا ياباشا, مفيش حاجة أسمها سواق جديد, السواقة خبرة وممارسة, واللى بيسوق من 20 سنة لسه برضه بيتعلم, والحوادث بتحصل لأى حد, بس أخبار الجيب أيه, معتقدش أن حد بيزنق عليك وأنت راكبها, الهيبة برضه ياباشا.

هههههههههه لا محصلش يا انجيكشن و حد زنق عليا قبل كده
حتى عساكر المرور بيتعاملوا بهيبه كده و دى احلى ميزه عجبانى
فيها بس العربيه دى عايزه سواق مفترى وانا بمشى رسمى زياده عن اللزوم
وفعلا ربنا يحيمنا و يسترها علينا

[Injection]

المشاركة الأصلية كتبت بواسطة محمد فيصل طبعا اصعب ما فى النزول بالعربيه هو الركنه خصوصا فى اسكندريه على فكره الموضوع صعب فى الشتاء ولكنه مستحيل فى الصيف يارب بارك لنا فى وحش المرور اسف ونش المرور ابو كلابش احمر

موضوع الركنة ده مقرف كفاية خوفك على العربية من العيال والخبطات والتجريح,
ووحش المرور ده موال لوحده, بس أنا أسمع أن الكلبش بالنبطشية وبعد ساعة معينة بيتشال.

[Injection]

المشاركة الأصلية كتبت بواسطة ahmedraafat00 هههههههههه لا محصلش يا انجيكشن و حد زنق عليا قبل كده حتى عساكر المرور بيتعاملوا بهيبه كده و دى احلى ميزه عجبانى فيها بس العربيه دى عايزه سواق مفترى وانا بمشى رسمى زياده عن اللزوم وفعلا ربنا يحيمنا و يسترها علينا

تصدق أنا من يوم راجع من مدينة نصر واحد زنق عليا ب suv حمرا وواخد الطريق غرز ولا كأنه معاه سيات, وكان هيطيرنى ولا بص فى المراية حتى, ولوحد تانى غيرى كان كسر عليه ونزل طحنه بس الصبر حلو.
أنا هروح أستلف دبابة من الجيش والعب بيها زى مانا عايز, بس هيدونى بنزين مدعم ولا لأ

[ابو الغضب]

فعلا شئ صعب جدا وخصوصا لما تبقي ماشي في الزحمة يا سلام تمشي علي رجلك اسرع من كده يا سلالالالالالالالالالالالا لام حاجة تقرف وعلي راي سيد ابو حفيظة وصول خبير امريكي وابداي استغرابه الشديد في قدرة المصريين عل عمل الشارع جراج كبير هو طبعا ميعرفش ان العربيات دي واقفه علي ما الباقيين يمشوا مش مجرشين هههههههه

[egy4arb]

لو خووووفت مااااتسوقش --------- و لو سوقت ماااتخااافش ( دى الخلاصة )

لانك لو خوفت هتخبط