أزاى تفحص بايك مستعمل.

[Jack Box]

المشاركة الأصلية كتبت بواسطة Injection دكتور رعد وهشام باشا, ألف شكر على كلامكم الجميل وذوقكم, كلامكم فعلا بيرفع الحالة المعنوية للواحد ويحسسه أنه عمل حاجة. أستاذ م.هشام, البايك فعلا لو اللى بيفحصه فاهم لو شاف جروح فى جسم الموتور بيعرف أنه وقع, ولو متمرس بيقدر يعرف وقع وقعة جامدة والبايك زحفت كتير ولا لأ. الخدوش دى ليها حل, حسب رأيى ممكن تعملها بحبة معجون وترش أسبراى لونه ميتاليك, المعجون العلبة بأقل من 5 جنيه (هتستعمل المعجون لو الخدوش عميقة, وياريت ميكونش لونه أحمر, ومش لازم معجون ممكن أى حاجة تملى بيها الخدوش وخلاص) وعلبة الأسبراى اللى هترش بيها ب 7 جنيه. بس الحل ده أنا منصحش بيه, أولا لأن ممكن نيتك تبقى وحشة فى أستعماله ويبقى غش مش تجميل, وثانيا علشان الأسبراى ممكن لونه يبقى غير لون الموتور, ودى محتاجة حد متمرس فى التلوين علشان يصححها ويخليها غير ملاحظة, أو ممكن تعملها عند بوهيجى. ونصيحة بلاش تعملها, علشان موضوع الغش, وعلشان مفيش بايك 250 موقعش, لأنه يعتبر بايك للبايكرز الجداد. وموضوع ال accelerator ده أنا شايف أنه طبيعى, لأن البايك بيبقى بارد, ولأن المكنة كاربراتير ولازم تزود بنزين علشان تشغلها, بس ممكن تكون وجهة نظرى دى غلط, ومنتظرين رأى البايكرز القدام. البايك بياكل زيت لما تطلع البوجيه وتلاقى عليه زيت, أو تلاقى العادم طالع لونه أبيض مزرق, وسحب المكنة ضعيف وبتطلع أصوات غريبة, وبتلاقى الزيت بيقل بدرجة كبيرة بدون تنقيط. بس خد بالك مش دايما معنى أن الزيت ينقص أن البايك بياكل زيت, الزيت زى أى سائل بيتبخر لوحده من السخونة, وخاصة فى الزيوت الرخيصة, وممكن ينقص من الزيت ربعه بعد فترة بسبب التبخير, فمتحكمش على البايك من غير وجود العوامل التانية. وألف مبروك على البايك الجديد, وعقبال الهايابوزا.

كلام منطقي جدااااااااااااااااااااااا اااااااااااااا وبصراحه انا عجبني اداءك وافكارك ياعمور

[Jack Box]

المشاركة الأصلية كتبت بواسطة mhesham ,و عايز اعرف هل طبيعى عند تسخينه يطلع دخان بس مش دخان اسود و هل كده ممكن يكون بياكل زيت و أعرف ازاى انه بيأكل زيت و شكرا

بص يامشمش
لو طلع دخان اسود كتير مع التزويد يبقي انتا عايز تظبط الكربراتير او تنضفه
ولو حسيت ان الموضوع بيزيد يبقي لازم تغير بكات بنزين ودي مش غاليه في حسبه 20 جنيه
وموضوع الزيت ده لو الموتور مغير سبايك يبقي طبيعي هياكل الزيت لكن لو طبيعي يبقي مش هياكل حاجه
اهم حاجه خليك في زيت شل 50/20 الاحمر ده احسن حاجه للمواتير بتاعتنا وكفائته واداؤه تحفه
تمنه 60 جنيه في بنزينه شل وهيبقي ازيد 4 او 5 جنيه عند التجار العاديين

[Jack Box]

الموضوع ده عاجبني اوووووووي .
الله ينور ياعمرو باشا

[Injection]

المشاركة الأصلية كتبت بواسطة Jack Box الموضوع ده عاجبني اوووووووي . الله ينور ياعمرو باشا

ده شرف ليا ياكبير والله, ربنا يخليك للبايكرز وللغلابة اللى زيى.

[alaakamal]

بجد انت راجل معلم