سؤال لملاك الميجان، ليه بتبيعوها برخص التراب

[dr.haytham]

المشاركة الأصلية كتبت بواسطة Payoo أحكي ايه وللا أيه بس يا رجاله دا غللي حصل وبيحصل معيا ومع غيري مايتحكيش اولا العربية بتاكل بطاريه يعني كل تقريبا 25 ألف كيلو عاوزلك بطارية بـ 1150 جنيه (سعرها في التوكيل كده) ثانيا ماتقدرش تعمل أي حاجه مهما كانت بسيطه برة التوكيل بمعنى أنك لو غيرت مثلا البطارية هاتلاقي وظائف كهربائية كثير ه توقفت عن العمل تماما زي الشبابيك والكاسيت مثلا ولازم تروح التوكيل وتاخدلك دور عشان تبرمج الزجاج والكاسيت تاني ولو غيرت تيل الفرامل بره هاتلاقي الـABS توقف عن العمل ولن يعمل إلا بعد ان تذهب إلى التوكيل (وهناك المجزرة شغاله مابترحمش) وسيبكم بقى من ده كله العربية أدائها سيء جدا جدا جدا وماتخدش منها اداء ممتاز إلى على الطرق المفتوحة فقط يعني في وسط المدينة العربية مخنوقة ولو شغلت التكييف يبقى أنت كده قتلت الموتور خالص وقتلت نفسك معاه لان التكييف نفسه مش هايديك هوا بارد إلا لما العربية تجري في طريق مفتوح دا غير إن كل شوية الكومبيوتر يوقف حاجه عن العمل ومايرضاش يديها إشارة عشان تشتغل (لانه متبرمج على كده ) يعني بعد عدد من الكيلو مترات معينه (هو متبرمج عليها) مايبعتش إشارة للبوبينات إللي فوق البوجيهات مثلا العربيه تشتغل 3 بدلا من 4 وتبقى متضر تروح التوكيل وتغير البوبينه ومعاها طقم البوجيهات ده غير أنك لو فوت ميعاد الصيانات إللي مطلوب فيها تغيير بعض الأشياء هاتلاقي العربيه مابتشتغلش معاك بطريقة مظبوطه وهاتلاقي الكومبيوتر عمال يطلعلعك لسانه قصدي راسايله كل شوية أشي رسالة تقولك Chek Box وإشي رساله تقولك Servece ورسالة تقولك معرفش أيه لحد ما تلاقي نفسك مدمن التوكيل ويحصل بينك وبين الناس هناك عِشرة ولا عشرة الجيران والأقارب ده غير أن العربيه ادائها العام لا يتناسب أطلاقا مع شكلها الجميل وسعرها العالي عرفتوا ليه بقى بتتباع بأقل من نص تمنها ؟ وعلى فكرة مافيش حد هاتلاقيه يقولكم الكلام ده وأستنوني أقولكم على كذا حوار دار بيني وبين اكتر من حد قابلته هناك وهاتعرفوا بنفسكوم أننا شعب مايحبش يقول على نفسه غلطان ابدا

انا فعلا سمعت موضوع انها بتاكل البطارية ده

[tronky]

المشاركة الأصلية كتبت بواسطة AboNoRa ربنا يباركلك فيها يارب ويكفيك شرها ،،، واضح من كلامك انك بتحب العربية جدا ومهتم بيها وديه اهم حاجة تخلى فيه عشرة طيبة بينك وبين عربيتك ايوه عشرة لان العربية زى الزوجة الى حد ما والميجان تحديدا فى راى عاملة زى بنت الناس الذوات اللى عايزة تعامل بشياكة وحرص دائمين وبالطبع تصرف عليها كويس زى علشان تديك اداء وخدمة ترضيك المشكلة ان بايو مش عايز كده بايو وغيرة من اصدقائى اللى شوفتهم بيشكوا من العربية ديه عايزين (ست) او عربية بنت بلد حمالة قسية وتعيش باى حاجة يعنى بلغة العربيات الميجان عايزة عربية معروف تاريخها او جديدة قطع غيار اصلية دعم فنى وصيانة من متخصصين فى السيارة حتى قائد السيارة لازم يكون قارى كفاية عن الخواص والمزايا المعقدة اللى فيها استخدام معقول وقيادة طبيعية (لان العربية مش معمولة للخدمة الشاقة او للقيادة الرياضية) فالطبيعى ان مش كل الناس تقدر او تحب انها تعاشر (ست) او عربية محتاجة النوع ده من المعاملة لاكن مش معنى ده انها وحشة او كارثية ومالكيها مفيش قدامهم غير انهم يتخلصوا منها باى سعر ارجوا ان اكون وفقت فى شرح وجهه نظرى ومحدش يتدايق من كلامى او من المثال الغريب ده ptmnlo123per1127

بالعكس يا باشا كلامك صحيح الى حد كبير

أنا بس بختلف معاك فى نقطتين
القيادة الرياضية : أنا على طول بنزل نقلات و كتير جداً بنقل على المانيوال مود و احرق على العربية
قطع الغيار الأصلية : أنا مركب حالياً تيل و طنابير أمامية وبارة دركسيون من برة التوكيل وشغالين معايا زى الفل والحمد لله ( أقل قطعة فيهم عاملة حوالى 20 الف دلوقتى من غير مشاكل ولا بوظان )


و أذا كان فى حد بيفكر أنه عاوز عربية حمالة أسية........يبقى ميفكرش فى الفرنساوى الجديد خالص

وزى ما حضرتك قولت.......أنت عاوز واحدة ست بيت وتعمل شغل البيت وانت ممكن تتغاضى عن أنك ترجع البيت تلاقيها مش مهتمة بنفسها و ريحتها بصل مثلاً أو تكون عاوز واحدة هاى كلاس تعرف تصرف عليها ( بس بحدود برضه.....) وترجع البيت تلاقى ما يسرك
لو عاوز الأتنين مع بعض يعنى أنت بتدور على ألمانى.........شخلل جيبك بأه ptmnlo123per157

عموماً قطع غيار الميجان مش غالية قوى زى ما قلت قبل كده وأن شاء الله قريب هجيبلكم أسعر قطع الغيار داخل و خارج التوكيل

[tronky]

المشاركة الأصلية كتبت بواسطة dr.haytham انا فعلا سمعت موضوع انها بتاكل البطارية ده

يا باشا أنت سمعت.............أنا جربت وبقولك أنها مش بتاكل بطارية ولا حاجة

المشكلة أن فى مو 2005 كان فيه دفعة بطاريات بايظة من المصنع وكانو بيغيروها فى الضمان........غير كده مفيش

أنا عربيتى مو 2005 غيرتلها بطارية فى الضمان فى أول 2006 على 25 ألف وغيرتها تانى بعد سنتين و3 شهور على 72 الف كم

بصراحه الميجان عربيه امـــــــــــــــــان جدا بس عاوزه واحد فاضلها وعاه فلوس علشان يقعد جنبها ويصرف عليها

[aboelezz]

المشاركة الأصلية كتبت بواسطة porto بصراحه الميجان عربيه امـــــــــــــــــان جدا بس عاوزه واحد فاضلها وعاه فلوس علشان يقعد جنبها ويصرف عليها

porto بقولك ايه متغلطش في العربية ده لانها تخصني ولو عايز تتاكد شوف الموضوع ده

http://www.masrmotors.com/vb/showthread.php?t=3141