رئيس جمهورية مصر العربيه

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

[خالداعزالناس]

يارب انعم علينا بالامن والامان
واجعل اخر ايام المظاهرات والقل يوم الجمعه ان شاء الله
4/2/2011
وترجع الحياه الى طبيعتها ان شاء الله

[yasser4]

بعد التحيه ،

أولاُ : أشكر كل من شارك بأسلوب متحضر و ومحترم و راقى .
ثانياُ : أشكر كل من خاطبنى بإستهزاء وإستخفاف و عدم إحترام .
ثالثأ : فى كل مشاركاتى لم أتجاوز حدودى مع أحد وأبدى أحترامى للصغير قبل الكبير بالرغم من عدم حداثة سنى فأنا أملك من العمر 42 عام و بالرغم من أن وجهات النظر تحتمل الصواب و الخطاء ولكنى لاحظت أن ألغالبيه ترد بإنفعالاتها.
الأستاذ / حازم شاهين ( مدير عام المنتدى ) تحياتى .
- شرفت بمرورك بالموضوع ، وكنت قد قرأت موضوع بخصوص ( الأعضاء الصامتون ) .
وبالرغم من أننى لست صامت ولكن يحزننى أسلوب ردود بعض الساده الأعضاء لبعضهم بالرغم من أن المنتدى يؤكد على الحوار الراقى . فما رأى سيادتكم ؟
( ساحة 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول )

تقبل تحياتى
و السلام عليكم و رحمة الله و بركاته

-

[ahmed_harb777]

اعتقد ان استقالته من رئاسه الحزب الوطني
واستقاله جمال من مكتب السياسات
واستقاله معظم رموز الحزب
بادره طيبه
ياريت نستحمله ال8 شهور الباقيه

[محمود زيزوو]

بس كل ما فى الناس فى التحرير كل ما يظهر حاجة جديدة بس كدة كتير علشان خاطر الناس الاى مش شغالة