الرجاء الاهتمام جدا جدا // فتيس نوبيرا اوتوماتيك , ال R فقط يعمل , وكل الدفع الامامى لا يعمل !! ارجو المساعدة ربنا يخليكم يا رب ..

[ENG/A.S.A]

اشكرك ..
يا استاذ حسام , ربنا يعزك يا رب وشكرا للمتابعة


انا هبقى اسأل تانى الشخص اللى صلحها واعرف منه تفاصيل وكدا واقولها لك هنا ..
بس راجل فاهم يعنى

المهم /
الغيارات كويسة وبتنقل زى الاول ومفيش اى مشكلة ومتنشنتش مرة واحدة من يوم ما اشتغلت ..
بس بحس انها بتكركر عالتالت كدا !! بس يمكن لأنى بحط لها بنزين 80 !!

بس ساعات الغيارات بتتأخر او بتتقدم شوية !! تحس انها مش مظبوطة اوى ..
وعند النقل من الاول للتانى , بستمع صوت شهأة كدا ..

الراجل اللى صلحها بيقول , ان فيه تفويته فى جلده او اسمها ايه ؟؟ ممممم عايزة استك !! اه استك
قال ان اللى فيها بسيط اوى ..
لكن لو فتح فيها ممكن يلاقى حاجات كتيرة عايزة تتصلح ..
وانا سايبها شغاله والسلام



وحصل مشكلة تانية عايز فيها مساعدة معلشى //


دلوقتى العربية لما بتمشى قيمة نص ساعة او ساعة الا ربع ,, تلاقى دواسة الفرامل نزلت فى الدواسة ..
وبتمسك بسيط اوى
زى ما بيقولو كدا / بتهرب منك , ولما تكارك شوية تبدأ تجمع
بس عالوقت دا من السواقة عطول تفضل هربانة
لازم العربية تقف شوية وتبرد وتبقى تمام تانى
يعنى فى المشاوير العادية اللى اقل من نص ساعة وكدا , العربية زى الفل والفرامل زى الباشا


رحت لميكانيكى , من غير ما يجرب العربية
قالى خزنة فرامل / ماستر
رحت جبت له ماستر ب 450 جنيه اصلى والله .. بس شكله للمانيوار ..
المهم ركبه وروحت , حصلت نفس القصة بالمللى بعد حوالى نص او ساعة الا ربع
وانا راجع له تانى اهو


وهتجنن من ساعتها , المفترى لبسنى فى 450 جنيه ماستر فرامل ؟
ممكن دى تكون ايه ؟


معلومة /
العربية بتسخن اوووووووووووووووووووووووو ووووووووووى فعلا !! مش عارف من ايه , المكنة !!
احتمالاتى : يا اما الشكمان مثلا عايز يتسلك ؟ يا المراوح مش كويسة اوى مثلا ؟
وممكن تكون دى سبب فى ان لزوجة زيت الباكم بتقل وتبقى ميا ,, وبالتالى تهرب الفرامل من تحت رجلك ؟ دا تحليلى مهندس بقى :D


عايز رأيكم؟ وانا راجع تانى اهو للراجل يشوف لى البتاعة دى ..

[ENG/A.S.A]

اه ونسيت اقول / الله يلعن ابو العربيات على سنينها الهم !! الواحد لازم يشتغل ميكانيكى وعفشجى وكل حاجة قبل ما يصلح عربيته من شوية التحف اللى مش بيفهمو حاجة فى العريبات وبيعرفو يفكو ويرجبو , وعمل نفسه اسطه وفاهم ويلبس الذبون فى الحيطة

[احمد على 1999]

قصدك بتسخن فوق الطبيعى ؟ يعنى المراوح مبتفصلش ؟

[ENG/A.S.A]

المشاركة الأصلية كتبت بواسطة احمد على 1999 قصدك بتسخن فوق الطبيعى ؟ يعنى المراوح مبتفصلش ؟

مش عارف !! اصل صوت المراوح مش مسموع !! اعرف منين انها مش بتفصل
بس لسه حالا عامل تجربة //

التجربة بتقول ::
انى وقفت , والعربية دايره , والمراوح شغالة والمكنة مولعه
بتطلع صهد
المهم , بطلت العربية , لاقيت المراوح فصلت ! مش بتفضل شغاله مثلا .. لحد ما المكنة تهدى وبعدين المروحتين تطبل !! لألأ بتقوم فاصلة لما ببطل العربية ودا غلط ؟ فهل هى فعلا كدا

[حسام البورسعيدى]

المشاركة الأصلية كتبت بواسطة ENG/A.S.A مش عارف !! اصل صوت المراوح مش مسموع !! اعرف منين انها مش بتفصل بس لسه حالا عامل تجربة // التجربة بتقول :: انى وقفت , والعربية دايره , والمراوح شغالة والمكنة مولعه بتطلع صهد المهم , بطلت العربية , لاقيت المراوح فصلت ! مش بتفضل شغاله مثلا .. لحد ما المكنة تهدى وبعدين المروحتين تطبل !! لألأ بتقوم فاصلة لما ببطل العربية ودا غلط ؟ فهل هى فعلا كدا

اللى بيحكمك هو امبير الحرارة يعنى لو مش معدى النص يبقى الحراره تمام اوى ومتشغلش بالك بأى حاجة ...

عموما العربيات الاتوماتيك كلها بتسخن كده لان الفتيس الاتوماتيك بيشتغل على درجة حراره عالية ..

بالنسبة للمراوح فى الكورى بتكون شغالة على الكونتاكت فلما بتبطل العربية المراوح بتفصل وده طبيعى جدا ...