عداد الـrpm باطل يا رجاله .. باااااااااااااطل

[remomagdy]

المشاركة الأصلية كتبت بواسطة حازم قنديل من وجهة نظرى لو انت غيرت سير الكاتينة ممكن يكون الميكانيكى ما ظبطهاش كويس

مش عارف صدقني يا حازم .. انا من ساعه ما اشتريتها و هي كده
ممكن يكون السير متغير من بدري
بس هو سير الكاتينة دة شغل ميكانيكي ولا كهربائي ؟
وهل انا كده مذطر اغيرة تاني ولا تتظبط بس؟
شكرا ليك بجد

انا تعبي من الحكاية دي .. دي بتخلي العربية تستهلك بنزين كتير وفي ظل ازمة البنزين دي انا اتعقدت اصلا

المشاركة الأصلية كتبت بواسطة remomagdy مش عارف صدقني يا حازم .. انا من ساعه ما اشتريتها و هي كده ممكن يكون السير متغير من بدري بس هو سير الكاتينة دة شغل ميكانيكي ولا كهربائي ؟ وهل انا كده مذطر اغيرة تاني ولا تتظبط بس؟ شكرا ليك بجد انا تعبي من الحكاية دي .. دي بتخلي العربية تستهلك بنزين كتير وفي ظل ازمة البنزين دي انا اتعقدت اصلا

بص يا معلم حطها على الجهاز يعملها كشف وشوف العيب ايه
اعتقد انه اما من البوابة او طلمبة البنزبن
الميزة ان البوابة عيبها هايبان مع الكشف على الجهاز
لكن لو مافيش عيب طلع على الجهاز يبقى الطلمبة
ربنا يوفقك للصح

[احمد على 1999]

المشاركة الأصلية كتبت بواسطة remomagdy يا نهااااااااااااااار ابيض مخطط ابيض و منقط برضو بابيض انا رحت نضفت حساس السلانسية (بلف الايدل) زي ما قولتولي ولية المشكلة هي هي .. الراجل قالي ممكن دة يكون بوابة البنزين .. بيقولي نغيرها و نتاكد .. وهي تمنها 600 جنية .. وبعد ما يغيرها ممكن تطلع مش هي اصلا اعمل ايـــــــــــــــــــــــ ـــــــــــــــــــــــــ ـة؟؟؟؟؟؟؟؟؟؟؟؟؟؟

حضرتك مخسرتش حاجة احنا ماشين خطوة خطوة فى اتجاه حل المشكلة
و ابتدينا باشهر حاجة تسبب الموضوع الا وهو تنظيف صمام الايدل و ده يعتبر اجراء وقائى
الخطوة التانية من ابو بلاش اكشف على كل خراطيم الفيكم الى راكبه فى الثروتل بدى حتى كمان خرطوم السيرفو ممكن خرطوم منهم مش متثبت كويس او مخروم برضه اى جوان فى جسم البوابة او مانيفولد الهواء لو بينفث ( طبعا حيشفط هواء ) حيخلى ال ecu تستجيب بطريقة متذبذبة و تعمل اوامر متتابعة لتعديل وضع صمام الايدل مسببة تذبذب ال rpm
لو تم التاكيد ان كل الخراطيم و الجوانات سليمة و مفيش اى شفط هواء غير طبيعى يبقى جرب صمام ايدل استعمال ( على تجربه ) يعنى لو المشكلة زى ما هيا ترجعه و تاخد فلوسك تانى

[hanysgf]

انا معايا لانسر 2007 اوتوماتك
العربيه اول ما بتدور بتسخن نفسها و الاربم بيعلي الواحدوا من غير مادوس علي البنزيين علاشان العربيه بتسخن و ده عادي جدا
و بعد كده بينزل حبه جبه بالتدريج مده تقريبا من دقيقه ل 3 حسب درجه حراره الجو
ممكن يكون لبيحصل معاك طبييعي جدا
و علي فكره العربيه ممكن تجري علي 30 من غير مادوس علي البنزين خالص لو طلعت بيها مره واحد من غير ماستني و هي بتسخن نفسها و كل ده عادي جدا

[احمد على 1999]

المشكلة عنده يا استاذ هانى ان ال rpm يعلى و يوطى و يعلى و يوطى و يعلى و يوطى ......... مستمر