اى مساعدة فى الرينو 9 انا جاهز

[dego_story]

المشاركة الأصلية كتبت بواسطة eygptphoto شوف سيادتك عاوز تعرف ايه و انا موجود لكل ألاسئلة

الف شكرا ليك ياباشا انا كنت عايز اعرف بقى فطع غيارها مقدور عليها ولا ايه وايه نظمها من ناحية الثبات على السرعات العالية وايه عيوبها كسيارة وكمان لو هجيبها اكشف عليه بالظبط وكنت عايز اعرف سعرها الحالى للحالاة الممتازة فى السوق تعملها كام وان شاء الله لو فى نصيب وجبتها ايه اللى مفروض اغيرة عشان ارتاح من طلبتها لفترة وشكر ياباشا

[eygptphoto]

المشاركة الأصلية كتبت بواسطة dego_story الف شكرا ليك ياباشا انا كنت عايز اعرف بقى فطع غيارها مقدور عليها ولا ايه وايه نظمها من ناحية الثبات على السرعات العالية وايه عيوبها كسيارة وكمان لو هجيبها اكشف عليه بالظبط وكنت عايز اعرف سعرها الحالى للحالاة الممتازة فى السوق تعملها كام وان شاء الله لو فى نصيب وجبتها ايه اللى مفروض اغيرة عشان ارتاح من طلبتها لفترة وشكر ياباشا

الشكر لله ياباشا قطع الغيار اسعارة متوسطة لا هى عالية ولا رخيصة اوى مثلا طقم الدبرياج كامل ( ديسك و اسطوانة و بلية ) الفرنساوى 470 و التركى 320 و الفانوس الامامى مثلا استيراد 150 و جديد 110 تقريبا و العربية ماشاء الله ثابتة بشرط طبعا انها تكون متظبته و انها متبقاش متعلية م ورا زيادة زى اى شروط ثبات لأى عربية عيوبها كسيارة انك لو ساكن فى حته بعيد عن اماكن قطع غيارها هاتلف شوية بس مش كتير و لو هاتجيبها تكشف على العفشة السمكرة ل تكون حادثة ولا حاجة لا قدر الله اما بالنسبة للسعر فأعفينى من السؤال ده لأن انا نفسى ببيع عربيتى بدون الترويج ليها و على فكرة الحالات الممتازة كتير جدا ولو جبتها ان شاء الله تعالى نعاينها ياسيدى و ان شاء الل خير ولو عاوزنى معاك انا تحت آمرك و بالمناسبة مش معنى ان بعض السيارات منتشرة زى 128 و 127 ان العربية دى بخسة بالعكس دى عربية جميلة ...... و الشكر لله

[mstool91]

صباح الفل يا باشا
انا هطلب منك طلب رخم شوية اتمنى بس مكنش تقيل ممكن تقولى على محلات بيع قطع غيارها لان فية حاجة صغيرة اوى فى التابلوة ناقصة عندى و مش لاقيها كنت دورت من تلات شهور مش لاقيها عند اى واحد بتاع رينو و عايز اعرف لو عايز اظبطها هضرف عليها كام انا عربيتى حالتها حلوة مثلا عايز اركبلها جنط بتاع حبة دلع شباب كدة شوية مين نضيف يعملى الكلام دة على نضافة و تكلف كام و السمكرة و الدهان الفرن بتاعها يكلف كام و هل ممكن تقولى هيا بتاعتك بتستحمل السفر ولا لا انا خايف اسافر بيها اصلها لسة جديدة عليا يعنى و اخر سرعتها كام انا عربيتى 9 موديل 87 1400CC GTC و انا عداد السرعة عندى مش شغال لان اظاهر التابلوة متركب فية حاجة غلط تعرفلها حل دية حضرتك او دلنى على اللى يصلحها و يبقى عندة حاجة رينو شخص ثقة او واحد لية سمعة انا حاسس انا حاسس انى اكتر واحد تقلت عليك اسف والله

[eygptphoto]

انا اسف على التأخير فى الرد اولا الحمدلله و الشكر لله بالنسبة لى عربيتى بتسافر و كويسة جدا الحمدلله .... تانيا شوف انتا عاوز ايه فى التابلوه و قوللى الاول يمكن تبقى عندى .... حكاية عداد السرعة دى سهله جدا بس ممكن تكون البيبة مش راكبة فى العداد شوف انتا فاضى اكتى و نظبط مواعيدنا و ننزل نظبطها

[mstool]

بص يا باشا حضرتك تمام اوى انا بسأل عن فبرة الاطمة اسمها باين او اسمها اطمة الدريكسيون اة فبرة الدركسيون على ما اعتقد متلخبط بس فى اسمها بس هيا اسمها كدة يعنى اطمة الدركسيون او فبرة الاطمة
هو حضرتك عندك محل ولا حضرتك اية بزبط ؟؟؟؟؟
و الف شكر انا تاعبك معايا جامد انا عايز اشد العربية دية شدة شبابى و عايز اعرف تكلم كام !!!!!