حمرا يا برادعي

[sam ram]

المشاركة الأصلية كتبت بواسطة تامر ديزل انتوا ليه مصممين على ان البسطاء والغلابه هما اللي ادوا صوتهم للتيار الاسلامي ؟ ماقلتلكم نقابة المهندسين والاطباء والمحامين والصحفيين وغيرهم كتير ادوا للتيار الاسلامي طول النهار والليل ابراهيم عيسى ومنى الشاذلي وريم ماجد ويسري فوده وعمرو اديب وغيرهم بيقولوا نفس الكلام كفايه بقى الكلام المحفوظ ده هطلع من هدومي ...... وبعدين اكتر من عشر قنوات تلفزيونية وجرايد كتير كله نازل سلخ في الاسلاميين وتلميع في العلمانيين وبعد ده كله مش قادرين يوصولوا للبسطاء والغلابه ؟ دول معاهم في كل بيت ياناس الصبح وبليل في التلفزيونات يبقى مش قادرين يوصلولهم ازاي ؟ ليه منقولش ان افكار العلمانيين مش عاجبه الناس وخلاص ؟ ليه مش عاوزين تحترموا عقلية الناس وتقولوا انهم اختاروا اللي يمثلهم وخلاص وخلصنا

يا استاذ تامر مش عارف ليه بحس انك دايما بتحمل الكلام اكنر من معناه ... مش عارف هل انا كلامي مش واضح او بيدي ايحاء لمعنى غير اللي انا اقصده !!!!
انا مقلتش ان البسطا والغلابه بس هما اللي ادوا صوتهم للاسلاميين
كل طوائف الشعب بتصوت في الانتخابات ... ويمكن التخبه او الصفوه او المثقفين او المتعلمين او سميهم زي ما انت عايز هم اكتر الناس حرصا على التصويت ... وبالتالي ابقى ساذج لدرجه الهبل لما اقول ان التيار الاسلامي نجح بسبب الناس البسيطه او الغلابه او حتى زي ما للاسف البعض بيقول.. الموضوع مش صوت الفقرا قصاد صوت الاغنيا ... بمنتهى البساطه الاحزاب الغير اسلاميه خسرت اصوات الناس دي وبالتالي خسرت نسبه مهمه لا يستهان بها وكانت السبب في ترجيح كفه الاخوان خاصه والتيار الاسلامي عموما
احنا بنتكلم عن اكتساح مش مجرد تفوق نسبي ودا لا يمكن يتحقق بدون توافق عموم الشعب يعني الغني والفقير والمثقف والغير متعلم ... الخ الخ الخ ...
المقصود من انهم مقدروش يوصلو ليهم ان التيارات الغير اسلاميه ماقنعتش البسطاء بيها ... ومثال التليفزيون ده كان تعبير مجازي قلتلك عنه انه مثال ساذج لتوضيح المعنى مش للتطبيق العملي !!!!

وعلى فكره انا لسه راجع من اللجنه وصوت لفايمه الوسط والفردي لعبد المنعم الصاوي و العمال اخترت مرشح الحريه والعداله ....
يعنى انا كده من الناس البسيطه والغلابه اللي معندهمش تليفزيون ;-)
اطلع بقى من هدومك براحتك بس اوعى تاخد برد
واسف على الاطاله ... بس يارب اكون قدرت اوصل المعنى اللي انا اقصده ... ولا اكمني بايد البرادعي بقى كلامي بيعدي على الفاير وول الاول بشيل البوقين المهمين و يسيب بس الكلام المحفوظ ده !!
وبرضو لسه بتقولي انتوا ... يا عم حسستني ان عندي شيزوفرنيا !!!

[تامر ديزل]

المشاركة الأصلية كتبت بواسطة sam ram يا استاذ تامر مش عارف ليه بحس انك دايما بتحمل الكلام اكنر من معناه ... مش عارف هل انا كلامي مش واضح او بيدي ايحاء لمعنى غير اللي انا اقصده !!!! انا مقلتش ان البسطا والغلابه بس هما اللي ادوا صوتهم للاسلاميين كل طوائف الشعب بتصوت في الانتخابات ... ويمكن التخبه او الصفوه او المثقفين او المتعلمين او سميهم زي ما انت عايز هم اكتر الناس حرصا على التصويت ... وبالتالي ابقى ساذج لدرجه الهبل لما اقول ان التيار الاسلامي نجح بسبب الناس البسيطه او الغلابه او حتى زي ما للاسف البعض بيقول.. الموضوع مش صوت الفقرا قصاد صوت الاغنيا ... بمنتهى البساطه الاحزاب الغير اسلاميه خسرت اصوات الناس دي وبالتالي خسرت نسبه مهمه لا يستهان بها وكانت السبب في ترجيح كفه الاخوان خاصه والتيار الاسلامي عموما احنا بنتكلم عن اكتساح مش مجرد تفوق نسبي ودا لا يمكن يتحقق بدون توافق عموم الشعب يعني الغني والفقير والمثقف والغير متعلم ... الخ الخ الخ ... المقصود من انهم مقدروش يوصلو ليهم ان التيارات الغير اسلاميه ماقنعتش البسطاء بيها ... ومثال التليفزيون ده كان تعبير مجازي قلتلك عنه انه مثال ساذج لتوضيح المعنى مش للتطبيق العملي !!!! وعلى فكره انا لسه راجع من اللجنه وصوت لفايمه الوسط والفردي لعبد المنعم الصاوي و العمال اخترت مرشح الحريه والعداله .... يعنى انا كده من الناس البسيطه والغلابه اللي معندهمش تليفزيون ;-) اطلع بقى من هدومك براحتك بس اوعى تاخد برد واسف على الاطاله ... بس يارب اكون قدرت اوصل المعنى اللي انا اقصده ... ولا اكمني بايد البرادعي بقى كلامي بيعدي على الفاير وول الاول بشيل البوقين المهمين و يسيب بس الكلام المحفوظ ده !! وبرضو لسه بتقولي انتوا ... يا عم حسستني ان عندي شيزوفرنيا !!!

معلش اذا كنت دايقتك ولا حاجه بس لاحظ اني معملتش اقتباس لكلامك انت بالذات ولا حاجه
واحنا اصدقاء ومصارين البطن بتتعارك يا صديق ههههههه
ومافيش شيزوفرينيا ولا حاجه لا سمح الله انت من الناس اللي بحترمها جدا سواء اتفقنا او اختلفنا

[sam ram]

لا يا صديقي متضايقتش ولا حاجه ... انا لو اتضايقت تلاقيني برطمت بكلمتين كده مقوله شهيره او مثل واكبر واخلع على طول ...
بالعكس انا سعيد بالنقاش معاك .. انا بس حسيت ان كلامي وصل بمعنى منقوص او غير ما انا عايز اقوله ودي جايز يكون سببها من عندي والله اعلم
فجايز متكونش شيزوفرينا و تكون طلعت هسهس ... او هلاوس سمعيه و بصريه او صفصطه عكاشيه ... كله هزار يعني مش بجد
واحنا كلنا اخوات و اصدقاء مبناخدش الامور بحساسيه كده طالما النقاش في اطار الاحترام ...
حتى لو قطعنا بعض عادي يعني ...
اهم حاجه ... الاحترااااام
تقبل تحياتي

[تامر ديزل]

النهارده 14 يناير 2012 اعلن الدكتور محمد البرادعي انسحابه من الترشح لانتخابات الرئاسه في بيان مطول الى الشعب المصري والبيان موجود على النت ومتاح للي عاوز يطلع عليه ... ولكن نظرا للتوقيت اللي اختاره الدكتور البرادعي لاعلان قراره بالانسحاب وهذا التوقيت يسبق بايام المظاهرات التي يتم الحشد لها في 25 يناير القادم ويهدف منظموها الى اسقاط المجلس العسكري وتسليم السلطه لمجلس رئاسي انتقالي .. فيه اربع احتمالات تفسر هذه الخطوة من جانب الدكتور البرادعي
الاحتمال الاول انه فعلا رجل ذو موقف وضميره لايسمح له بالترشح للرئاسه في هذه الظروف وان كان هذا الموقف حصل متاخر شويه لانه الظروف غير الديمقراطيه اللي بيتكلم عليها موجوده بقالها شهور واذا كان بيقصد انه معترض على طريقة ادارة العسكري للعملية السياسية طيب ليه ما انسحبش في اغسطس او اكتوبر او نوفمبر او ديسمبرو كلها شهور كان فيها مواجهات دمويه في الشارع بين المتظاهرين وقوات النظام يعني الظروف دي مش لسه بتاعت امبارح ولكن هنقول ان ده الاحتمال الاول وزي ما قال بعض مؤيديه على الفيس بوك ان تاتي متأخرا خير من ان لا تاتي
لسه فيه تلات احتمالات تانيين

[تامر ديزل]

الاحتمال التاني انه بعد تخلي كتيرمن انصاره عنه وبعد فوز الاسلاميين في الانتخابات التشريعيه توقع الدكتور البرادعي انه هيخسر ففضل الانسحاب محافظا على مكانته كثائر او معارض بدلا من يمنح لقب خاسر في الانتخابات او بمعنى اخر لقب المرفوض من الشعب ... بس الاحتمال ده انا مش ميال ليه لاني كنت متوقع للبرادعي انه يوصل للاعاده قدام واحد من مرشحي التيار الاسلامي يعني يكون واحد من اتنين الشعب هيختار بينهم ودي حقيقه في ظل كثرة عدد المرشحين واستحالة حصول احد المرشحين على الاغلبيه المطلقه من الجولة الاولى وبالتالي كان البرادعي هيحصل على الاقل على 25 % من الاصوات في الجولة الاولى ودي هتضمن له الاعاده وان كان من المتوقع برده خسارته في النتيجه النهائية خصوصا لو المنافس من التيار الاسلامي المعتدل
يبقى الاحتمال ده ضعيف شوية