نظره على الأحداث

[fourseasons]

لقاء بين مواطن عادي ومتظاهر بالميدان
المواطن العادي : السلام عليكم
المتظاهر : وعليكم السلام
المواطن العادي : حضرتك بتعمل ايه هنا
المتظاهر : واقف مع اخواتي الثوار
المواطن العادي : طب ايه تعليقك علي خطاب المشير
المتظاهر : يا عم ده كلامه نفس كلام مبارك احنا عاوزينو يمشي
المواطن العادي : طيب يا ريت حضرتك تقولي نقطه التشابه بين الاثنين وما هوه سبب اعتراضك عليه
المتظاهر : أيييه ؟؟
المواطن العادي : يعني انتا معترض علي ايه و ازاي كلام المشير نفس كلام مبارك
المتظاهر : يا عم ما هوه قالو في نفس القناه الكان بيقول فيها مبارك بردو مفيش اي تغيير حصل
...
دي مش تريقه لكن هوه ده الحال الان الكل بيقول اي حجج تبرر تواجده في الميدان .. المشير حدد موعد تسليم السلطه باليوم وأكد علي اقامه انتخابات برلمانيه في موعدها وقبل استقاله عصام شرف وهيتم تشكيل حكومه جديده .. بالاضافه انه قرر التخلي الفوري عن السلطه اذا اراد الشعب عن طريق استفتاء .. اما الناس الهناك فهي معترضه من اجل الاعتراض فقط ولكن لا يوجد سبب مقنع لبقائهم هناك

[fourseasons]

او بالأحرى الناس الى مواجهاهم و عمالة تسخنهم جتلهم الفرصة على الطبطاب .الكورة جتلهم متظبطه و هما شاطوها.لأن ببساطه هما عارفين ان الأنتخابات بعد اسبوع و هما ركبوا للأسف التروماى و التانين ركبوا المتروا.وللأسف الشباب الصغير هو وقود الحرب الى حاصله دلوقتى فى مصر من ساعة ماالمخلوع ما غار.و ديه موقعه من المواقع بس موقعة كبيره شويه.شباب للأسف 75% منه اقل من 18 سنه.نشأ و تربى بمناهج دراسيه عار خلاه طول عمره حافظ مش فاهم مستنى الى يقولوه اختار الأجابه ديه.وللأسف الأعلام شارك فى المواضيع القذرة دية.ربنا يرحمنا برحمتوا.وربنا يرضى عن مصر و يحل مشاكلها.لأن للأسف الهباب الى كان قبل كده ساب الحكم و سايبلنا الغام فى كل حته و ما بين كل قريه و كل طائفه و كل نادى وكل وكل وكل...................... ...........الخ

الله المستعان

[MmFFoR]

المشاركة الأصلية كتبت بواسطة fourseasons لقاء بين مواطن عادي ومتظاهر بالميدان المواطن العادي : السلام عليكم المتظاهر : وعليكم السلام المواطن العادي : حضرتك بتعمل ايه هنا المتظاهر : واقف مع اخواتي الثوار المواطن العادي : طب ايه تعليقك علي خطاب المشير المتظاهر : يا عم ده كلامه نفس كلام مبارك احنا عاوزينو يمشي المواطن العادي : طيب يا ريت حضرتك تقولي نقطه التشابه بين الاثنين وما هوه سبب اعتراضك عليه المتظاهر : أيييه ؟؟ المواطن العادي : يعني انتا معترض علي ايه و ازاي كلام المشير نفس كلام مبارك المتظاهر : يا عم ما هوه قالو في نفس القناه الكان بيقول فيها مبارك بردو مفيش اي تغيير حصل ... دي مش تريقه لكن هوه ده الحال الان الكل بيقول اي حجج تبرر تواجده في الميدان .. المشير حدد موعد تسليم السلطه باليوم وأكد علي اقامه انتخابات برلمانيه في موعدها وقبل استقاله عصام شرف وهيتم تشكيل حكومه جديده .. بالاضافه انه قرر التخلي الفوري عن السلطه اذا اراد الشعب عن طريق استفتاء .. اما الناس الهناك فهي معترضه من اجل الاعتراض فقط ولكن لا يوجد سبب مقنع لبقائهم هناك

اسمحلي ارد عليك

طنطاوي شخص الكذب ملأه من راسه حتى اخمص قدميه
و شهادة لله انني احتمت مبارك اكثر من طنطاوي ده لانه وشه عريان و الكذب عنده ملهوش اخر - و هي دي الرساله اللي كانت مرغوبة!!! ان الناس تتحسر على القديم بس ده عند خالته

طنطاوي يقول لا لمحاكمة المدنيين عسكريا و بعدين ترى عشرات من الشباب يتم اعتقالهم بال 15 يوم و ال 30 يوم و يتم محاكتهم مدنيا غصب عن التخين!!! (بغض النظر عن موافقتي للمعتقل او اختلافي عنه!!)
طنطاوي يقول تسليم السلطة لرئيس منتخب خلال 6 اشهر!!! ( يعني المفروض ان انتخابات الشعب و الشورى و الرئاسة تكون خلصت من شهر 10 الماضي ) و ايه اللي حصل؟ استفتاء و لا ليه اي تلاتين لازمة او بمعنى اصح تمثيليه سخيفة هدفها الاول هو شق الصف و خلق صدع بين عناصر الثورة تحت قناع الممارسة الديموقراطية - مصاريف هذا الاستفتاء كانت كافية لانتخابات مجلسي الشعب و الشورى معا!!!
طنطاوي اعطى التعليمات بغلق القنوات و منع الصحف!!! حتى مبارك ممارسش القمع بالوقاحة دي!!
طنطاوي لم يبالي بامن المصري ولا بشقته اللي تتسرق ولا سيارته ولا بنته اللي تتخطف ولا امعات الشرطة اللي بيلعبوا بلاي ستيشن في مراكز الشرطة و سايبين تجار المخدرات و المجرمين و القتلة بناءا على تعليمات من رجال العادلي الباقين في السلطة!!!
طنطاوي لم يحرك انمله عندما راينا قيادات الشرطة العسكرية و الحرس الجمهوري يؤدون التحية العسكرية للعادلي!!!! و لمبارك!!! و حتى لجمال!!!!!!!!!! برغم ان جمال ليس له منصب عسكري ليؤديها!!!!

حد فاهم حاجة؟؟؟؟؟

فين جمال و علاء و مبارك؟؟
طب فين العادلي و صفوت الشريف؟؟
فين الظباط اللي قتلوا المتظاهرين؟؟؟؟
فين عناصر و قيادات و صغار امن الدولة اللي افسدوا البلد و قتلوا الشعب؟؟؟
ليه وكلاء النيابة حتى الان بيشجعوا زملاءهم ضباط الشرطة على قتل المتظاهرين؟
قضاء بطيء؟ في حاجة اسمها محاكمة استثنائية لا تتجاوز ال شهرين زي ما حصل مع هشام طلعت مصطفى

اشمعنى الشباب بتوع الثورة يتقبض عليهم النهاردة - يتعرضوا النيابة الصبح - يتحاكموا اخر الاسبوع و يتنفذ الحكم بعدها بيومين!!!

[MmFFoR]

إنقسام حاد بين متظاهري التحرير بعد كلمة المشير . . . . . . . ناس بتقول إنه بيستهبل و ناس بتقول إنه أهبل من الأول

[akefpop]

الليبراليين يتحدثون الان ببجاحه منقطعة النظير , ومعنوياتهم في الحضيض بعد لجوء طنطاوي لاقصي درجات الديموقراطيه التي يدعون انهم فقط أصحابها ,, الاستفتاء لو حصل سيخرج بأكثر من 90 % نعم , وساعتها الليبراليين هيعملوها علي نفسهم لان الكارت الاخير أتحرق والانتخابات ستتم ويكتسحها الاسلاميون .

ياريت نخلي نبرة النقاش جيده أفضل ..