لية تنتخب الشيخ حازم صلاح ... الجليل

[matrux]

المشاركة الأصلية كتبت بواسطة AboNoRa يا دكتورة بس بهدوء وموضوعية لو تسمحيلى اولاً بطلب من حضرتك تعملى بحث صغير جداً على الانترنت مش هياخد منك دقائق عن نظام الهجرة فى امريكا وخطوات الحصول على الجنسية والجرين كارد ثانياً بعد البحث هتوصلى حضرتك لوحدك من غير تاثير من حد الى قناعة بسيطة وهى ان والدة حازم قدمت طواعية على اجراءات الهجرة (الحلم الامريكى) وبناء عليه حصلت على الجرين كارد اللى بيعتبر خطوة اساسية وفارقة فى الحصول على الجنسية واللى بعد مرور 5 سنوات من اصدارها يصبح حاملها مواطنا كاملاً متمتعاً بالجنسية يعنى الجرين كارد والباسبور شىء واحد الفرق فى التوقيت اول خمس سنين اسمها جرين كارد بعد خمس سنين اسمها باسبور وفى الحالتين هو مواطن امريكى ثالثاً راجعى حضرتك تصريحات ابواسماعيل من بداية الازمة وشوفى كانت متدرجة ازاى الاول قال الموضوع كله محض افتراء وبعدين قال اختى اللى معاها الجنسية وبعدين عرفنا ان اخته واخوة كمان وبعدين قال اه معاها الجرين كارد وبعدين قال مش عارف قطعياً اذا كانت اخدت الجنسية ولا لاء وانا اسئل هل الاستاذ حازم واسرتة مش عارفين حقيقة بسيطة خالص زى ان اللى مقدم على الجرين كارد واخدها بعد خمس سنين بيبقى مجنس ؟؟ اكيد عارف طيب ليه مطلعش من الاول ذكر كل الحقائق عن اسرته بالعموم ووالدتة بالخصوص وكونها حاصله على الجرين كارد اللى بموجب القوانين الامريكية يعتبر مرحلة من مراحل التجنس وانها بحصولها على الجرين كارد من اكثر من خمس سنوات تعتبر مواطنة امريكية ؟ ده حتى هو كمان بيقول انها مؤامرة فالاصول لما احس ان فيه مؤمرة اشرح كل حاجة بكل التفاصيل لتفويت الفرصة على المتأمرين ؟؟؟ الا اذا كانت المؤامرة منه هو علينا احنا لنقبل على خطوات متدرجة حقيقة ان اسرته كلها تقريباً مجنسة !!!

غير كدة يا استاذ ابو نورا فية موقع اسمو people finder
دة موقع امريكى بيسهل الحصول على عناوين الناس وارقامهم واسمها موجود وليها حق الانتخاب دة معناة انها مواطنة امريكية مليون فى المية الموقع امريكى مالهوش اى مصلحة يعنى
وزى ماحضرتك قولت هو نفى من الاول ان حد من عايلتو شايل الجنسية الامريكية شوية شوية يقول اخوتة معاها الجنسية الامريكية شوية شوية والدتو معاها جرين كارد
كل دة ومش واضح يعنى !!!!!!!!

[matrux]

المشاركة الأصلية كتبت بواسطة د.هبه77 يعني المفروض نفهم الاتي حازم امه امريكية والعوا جده سوري وابو الفتوح له جنسية قطرية والشاطر مش مفروض يترشح قبل 6 شهور وعمر سليمان اتنازل النهاردة وعمرو موسي مقدمين ضده بلاغ ان له اخ من ام يهودية (راقية ابراهيم ) يعني هنفضل لسة كمان 60 سنة في الهوان تاني كان في اعلان زمان بيقول (طلع بالشيفورلية واحنا قاعدين ) وكل المشاكل حصلت بعد ما قدم اوراق ترشحه للرئاسة وشافو الاعداد الغفيرة في الشوارع اللي بتأيده وطبعا خافو ولكن لكل انصار حازم ابو اسماعيل اثبتو لان دة وقت المحنة قال تعالي ان يمسسكم قرح فقد مس القوم قرح مثله وتلك الايام نداولها بين الناس وليعلم الله الذين امنو ويتخذ منكم شهداء والله لا يحب الظالمين وليمحص الله الذين امنو ويمحث الكافرين ام حسبتم ان تدخلو الجنة ولم يعلم الله الذين جاهدو منكم ويعلم الصابرين لازم نثبت ولازم نرفع الظلم ولازم ندعي له بالثبات ولا انا رايي ممكن حاجه ظريفة جدا احنا نرشح الرئيس السابق القادم الحالي او ابنه حتي مش قضية اه بس صحيح دي مامته عندها جنسية بريطانية يعني جنسية مزدوجة لا مش هينفع يدخل لا وفي الاخر يطلع في حاجه اسمها لجان الكترونية لتشويه حملة حازم في النهاية مش هقول غير حازموووووووووووون:danceW7 :

يادكتورة هبة الخارجية اكدت ان والدتو معاها الجنسية الامريكية وموقع الانتخاب الامريكى اسم والدتو موجود فيها وليها حق الانتخاب يعنى امريكية امريكية
حكاية خيرت الشاطر دة قانون خيرت الشاطر طلع بعفو صحى ومالهوش حق فى الممارسة السياسية الا بعد العفو النهائى والعفو النهائى معناة انو ماعملش جريمة من اصلو وزاى وهو محبوس لمدة 7 سنين فى قضية غسيل اموال دى مافهاش فيها عفو نهائى واللى بسمعو انو لازم يقعد فترة اللى هى 6 سنين عشان يمارس السياسة
حكاية الدكتور العوا وابو الفتوح ماعرفهاش الصراحة
عمر سليمان وعمر موسى الاتنين فلول ماحدش اساسا هينتخبهم هم وشفيق

[matrux]

المشاركة الأصلية كتبت بواسطة samirayad فكره مش بطاله أهو إللى نعرفه ....أحسن من إللى منعرفوش فمن تعرفه ...........حتى لو كان حرامى تقدر تتفاداه وتخللى بالك من فلوسك فى جيبك --------------------- إنما إللى منعرفوش هنعمل معاه إيه ..........؟

ههههههههه فعلا الريس اللى نعرفو احسن من اللى منعرفوش

والله انا خايف لسعد الصغير هو اللى ينجح هتبقى بلد مسخرة هههههههههههههه

والله انا خايف لعم عبدة الحلاق اللى عندنا يترشح هو كمان

[د.هبه77]

انا معاك ومش معترضة ان الجرين كارد خطوة تمهيدية للحصول علي الجنسية الامريكية نهائي

اللي اتقال انها فعلا حصلت علي الجرين كارد لكن محصلتش علي الجنسية الامريكية

عموما انا مش هدخل في تفاصيل موضوع الجنسية اللي منتشر عنها كلام كتير جدا جدا واخبار مؤيدة لانها مش امريكية كتير وهانتظر البيان
والموضوع اللي هقوله دلوقتي منقول
مع تحفظي علي بعض النقاط لان توقيت المقال قديم شوية (دلوقتي من ساعة لساعة بتفرق ! خبر جديد كل ساعة !)
حاجتين بس ليس لهما ثاااااااااااالث
يخلونا نصدق ان أم الشيخ حازم تحمل الجنسية الأمريكية فعلا:
========================= =============
1- أن يقول حازم ذلك بنفسه .
2- أن نرى الفيديو لها وهي تحلف اليمين في أمريكا لتحصل على الجنسية.
========================= ============
"لولا إذ سمعتموه ظن المؤمنون والمؤمنات بأنفسهم خيرا وقالوا هذا إفك مبين" (سورة النور )

أما الورق والكشوفات والتزوير وسجل انتخابي وبحث في مواقع ع النت وكلام إعلام كذب علينا سنين .. احنا بنتكلم عن لعبة كبيره قوي على مستوى دول وتحولات في تاريخ وأموال بالمليارات .. الموضوع كبيييير جدا وما أسهل تزويره ..

1- لما الخارجية المصرية ساكته أكتر من أسبوع
2- لما وزارة الداخلية ساكتة من أسبوع
3- لما سفيرة أمريكا في مصر بتقول ( نوكمنت) ومش عاوزة تتكلم
4- لما يرفضوا يعطوا أبو اسماعيل برنت من إدارة الجوازات المصرية
5- لما أبو اسماعيل يرفض الانسحاب لمرشح تاني دلوقتي ( مع انه كان هيكون بطل الحرب والسلام ساعتها ..ان جاز التعبير)
6- لما يؤجلوا القضية اللي رفعها على وزارة الداخلية الى يوم 10 أبريل .. عشان تمر فترة الترشح ..
8- لما يقولوا لقوا اسم أم الشيخ حازم على موقع People Finder ونلاقي على نفس الموقع اسم السفير المصري نفسه ويطلع الموقع عليه كل من اشترك في أي شبكة اتصالات بأمريكا
7- لما يقولوا ان أخو حازم زعل منه عشان بيكذب و يطلع أخو الشيخ بعد صلاة الفجر في المسجد ويقول ده كذب وأمنا مش معاها الجنسية
8- لما يقولوا زوج شقيقة الشيخ زعلان منه وبيقوله كفاية كذب .. ويطلع يكذب الكلام ده ويقول ان العائلة كلها وراه وينفي أن تكون حماته أخذت الجنسية
9- لما عمرو أديب بيعمل search بكلمة نور وانها مولودة سنه 1946 وتطلع هي مولودة سنة 1942 ؟
......ولو كانت مولودة سنة 46 وولدت حازم وهو ليس أكبر اخواته معناها انها اتجوزت عندها 10 سنين؟؟
......وكونها ماتت عندها 68 سنه يعني لسه عايشه لحد دلوقتي أصلا !!!!



انا بقي عندي شوية تساؤلات
لية الشيعي الرافضي اللي قال علي عمر رضي الله عنه ما قال يهاجمه ويفتري عليه(اعتقد ان في شروط للشهادة !)
لية كل دة يحصل دلوقتي في الوقت الحاسم دة
لية الحرب النفسية علي حازم دلوقتي رغم ان كل الاخبار بتقول ان هو ثابت
لية الحلم بتطبيق الشرع اللي الشعب المصري البسيط بيحلم بيه والقيم والمثل لازم تتكسر وحتي الطريق المستقيم والغاية النبيلة والقدوة تنهار
لصالح مين كسر القيم
امتي هنحيا كراما
ربنا ييسر بكرة ونشوف اللي هيحصل سواء رد الخارجية او رد الشيخ حازم والبيان اللي هيلقيه بكرة بالليل
ربنا يهئ لهذه الامة امر رشد
ربنا يهدينا للصواب والصالح ويبصرنا بالحق ويولي علينا من يصلح امرنا
انا مستبشرة خير
لان الضغط البشري لاظهار الحق كبير
وتدبير الله فوق تدبير العباد

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

[AbOnOrA]

يعنى انا مش عارف ليه مش عايزين تغمضو عنيكو الاتنين وتشوفو الموضوع كمبادىء بس من غير اشخاص ؟؟

جربو كده تغمضو العنين الاتنين وتفكرو .. ينفع يبقى الرئيس خال جنود امريكان ؟
ينفع رئيس واسرتة اكلة شاربه نايمة فى امريكا كمواطنين امريكان ؟
طيب اهل الرئيس اللى هناك دول هيتسابو كده ولا يتعملهم حراسات ؟
طيب لو لاقدر الله بفعل المؤامرات اياها برضو حد تعرض لاخواتة ولا اولادهم هيبقى موقف مصر ايه واخت الرئيس ولا بنت اخته حصلها اى اعتداء هناك ؟
محدش يقولى زى اى مواطن مصرى مغترب طبعاً الوضع بيختلف تماماً شعبياً ودولياً وكل حاجة

طيب لو قولنا فى عصر العولمة والعالم قرية صغيرة كل ده ماشى يتدبر مفيش مشكلة

طيب امال ليه قولنا مينفعش تبقى زوجته او امة او ابوه مزدوج الجنسية ؟؟

طب استحدثنا القاعدة القانونية ديه ليه اصلاً ؟

وكان مالهم بقى زويل والبرادعى وفاروق الباز ما هم قامات علمية عالمية والعلماء ورثة الانبياء !!

مش التيار الاسلامى عموماً هاجم العلماء دول وقالو متغربين ومتزوجين بمجنسين ؟

مش قولتو عايزين واحد من الناس وحاسس بيهم ؟؟ طيب اللى بيعالج مامتة فى اميركا ومعاها الجرين كارد ده كده يبقى واحد زينا ؟؟

انا شخصياً مش قابل الاوضاع ديه كلها وشايف ان الرئيس اما يبقى شرط يكون مصرى خالص ولا تصله بالخارج (وبالاخص الغرب واسرائيل) اى علاقة من اى نوع (على الاقل درجات القرابة (الاولى والثانية والثالثة) وعلاقات المصالح التجارية )

او يبقى عادى بقى وكبر مخك