أدب الرحلات

[Injection]

يا خالد باشا أنت مش محتاج فتوى, ده الواحد لو دخل يوم فى رمضان وملاقاش نوادرك وحكاياتك مش عارف هيعمل أيه؟what

متااااااااااااااااابع.

[خالدخليفة]

ونكمل
و دى واحدة ست عجوزة من اعجب واظرف وألذ الشخصيات اللى قابلتها فى حياتى
فى يوم كان السولار غلى سعره
وركبنا الميكروباس نفس اليوم ولقينا الاجرة غليت
والست اللذيذة دى سالته / ليه
فقال
الجاز غلى
فردت
والله كداب وحرامى وانا هوديك فى 60 داهية
والله غلى ياحاجة
كداب انا لسه شارية مترين (لترين) حطيتهم فى لمبة الجاز امبارح وسعره زى م هو ب35 قرش
انا / ياحاجة الجاز ده غير الجاز ده
قالت كله جاز
قلت /لا جاز العربيات اسمه سولار لكن جاز اللمبة ده كنا بندرسه زمان فى المدرسة كان اسمه كيروسين
فردت بكل فكاهة / ايوه هو الكروتين ده (قالتها كده)
والعربية كل ركابها فطسو على روحهم من الضحك
ولقيتها مسكتنى وقال / يالهوى يالهوى يالهوى انا مكسوفة من نفسى اوى خبينى يابنى
أ خبيكى فين ياحاجة جيوبى ضيقة
وطلعت فئرية
وازاى متجيش لابس جلابية جيوبها واسعه علشان تخبينى جتك نيلة وانت جيوبك ضيقة
وكلنا فطسنا على روحنا من الضحك
هههههههههههههههه

[احمد بدر1978]

المشاركة الأصلية كتبت بواسطة خالدخليفة كل سنة وانتم طيبين جميعا والله خايف اكمل مغامرات رحالة تفطرو عايزين فتوى علشان نكمل او نبطل فى رمضان

وانت طيب ياباشا
لا ماتخفش مش حنفطر

[احمد بدر1978]

المشاركة الأصلية كتبت بواسطة خالدخليفة لحد م تيجى الفتو ى نكمل فى يوم مسافر بعربية مدير البيع بتاعى (ايام المصنع) وعلى فكرة كان عندى4 موظفين عندهم عربيات هيونداى اكسيل وبروتون (كانت لسه جاية مصر) ووشاهين وواحد غلبان معاه بلونيز والعبد الفقير كان بعد م ينزلو من المكتب كان ينزل يركب الميكروباس او المترو المهم كنا رايحين بنى سويف واخدناها من الصحراوى الشرقى ولقينا يافطة مكتوب عليها بنى سويف لكننا تهنا بعد فاصل فلسفى من الباشا (بالمناسبة قابلته من شهر وميعرفش انى اشتريت نيسان صنى وقال انت مش هتركب عربية بقى ده اللى عنده خبراتك وتجاربك فى الحياة عدى مرحلة الميونير وداخل على الملياردير وضحكنا ومشى ) ودخلنا على كمين لقينا 3 مخبرين سالناهم ندخل بنى سويف ازاى واحد شاور يمين وواحد شاور شمال والتالت قال طوالى المهم فوجئنا بيهم اتخانقو وزعقو والكارثة انهم زعلو ونزلنا نصالحهم وياجماعة ميصحش وصلوعلى النبى وانتو اهل برضه والموضوع كبر والظابط جه وقال ايه الدوشة دى وهما من لهجتهم واضح انهم صعايدة ومن اهل بنى سويف والظابط لهجته بتقول انه من القاهرة او بحرى ولما حكينا للظابط الموضوع قال ايه الكلام الفارغ ده بتتخانقو على عنوان شوف يااستاذ تمشى على طول هتلاقى بنى سويف فى وشك انا رايح جاى على الخط ده بقى لى 5 سنين اهو وكله سكت لان بعد الظابط مين هيتكلم وشكرناه ومشينا على طول زى م قال وكانت المفاجأة لقينا نفسنا فى بلد اسمها سمسطا(ضمة على السين الاولى والميم )بعيد عن بنى سويف ولما سالنا بنى سويف ازاى قالو على طول فمشينا طوالى دخلنا بلد اسمها اهناسيا او العكس مش فاكر المهم اخيرا وصلنا الزراعى ولما سالنا بنى سويف ازاى كنا متوقعين الناس تقول طوالى على اساس اننا طلعنا قبل بنى سويف لكن فوجئنا بالناس اجمعت على اننا لازم نلف ونرجع تانى 15 كيلو على الاقل اتارى كلهم كان كلامهم غلط ماعدا اللى قال يمين لكن محدش يجرؤ يكسر كلام الظابط ولما وصلنا عند اللى كان مستنيينا مات على روحه من الضحك وقال هعوضكو بعزومة حلوة وعزمنا على على على على كشرى حسبى الله ونعم الوكيل

ههههههههههههههههه
ان محبش اسئل عن السكة افضل ماشى ان شاء الله اتوه بس مسمعش كلام الفتايين اللى بيحبو يفتوا فى كل حاجة
بلاش الكلام على الاكل على الصبح عشان دة اول يوم رمضان ولسة اليوم طوييييييييييييييل

[احمد بدر1978]

المشاركة الأصلية كتبت بواسطة خالدخليفة مرة راكبين قطار الصعيد وكنت رايح سوهاج وكان زمان القطار الاسبانى اول م نزل جديد كان فيه فيديو بيعرض افلام ومسرحيات زى الاتوبيس كده وكان فى الدرجة الاولى فقط كنوع من التحفيز على ركوب الدرجة الأولى المهم بعد القاهرة ابتدا الفديو يشتغل وكانت مسرحية قذرة مش فاكر من ابطالها الا ممدوح وافى وكان ممدوح وافى بيتمايص بطريقة سخيفة وبيقول كلام فيه ايحاءات جنسية وانا قرفت بصراحة من الكلام واسلوبه وقلت ايه اللى جايباهولنا الهيئة ده ده كلام ؟ شوية وواحد من جرايـبـنا الصعايدة قام وقال أيه جلة (قلة) الأدب والمسخرة دى وراح جارى على الشاشة وعايز يقفلها لم يجد اى زراير (اكتشفنا ان التحكم فيها من عند السواق ) وطبعا مش هينفع نوقف المسرحية القذرة اللى شغالة وصاحبنا اتعفرت وجرى على رئيس القطار جابه من قفاه (تصورو ) وقال / ياتوجف (توقف ) الزفتة دى ياتوجف الجطر (القطار) كله طبعا ايقاف القطار صعب جدا الا لو فى مصيبة غير كده مستحيل ونحاول فيه ونقنع فيه ان فى اول محطة هنبلغ السائق(لم يكن نظام اللاسلكى الموجود ألأن موجود وقتها ) وهو راسه وميت مركوب قديم لايمكن يتنازل المهم وسط المعمعة دى والمشاكل شغالة بيتلفت صاحبنا على يمينه لقى واحد قاعد على الكرسى وملوش علاقة بالخناقة وفاتح بؤه(فمه) فى بلاهة عجيبة وبيضحك ومتفاعل مع المسرحية ولا كأن فى حاجة بتحصل جنبه ولا كأن فى مشكلة من اساسه عايش فى كوكب تانى وصاحبنا من غيظه راح لازقه على قفاه وقال له */ عتضحك (بتضحك) على ايه ياواكل ناسك جاك غاسل (بتضخيم الغين ) (يعنى يجيلك مغسل يغسلك / بيدعى عليه بالموت / شتيمة صعيدى) التانى زعل وقام ماسك فيه وكان موال انقذنا منه دخول القطار محطة بنى سويف وراح الكمسارى للسواق وقال له اطفى الفيديو ياعم احسن فى مشكلة بسببه المهم بعد م حلينا المشكلة وصاحبنا صالحناه على الراجل اللى لزقه على قفاه ومشى القطار فى سلام لقيت صاحبنا ده جالى واتعرف عليا وقعدنا نرغى شوية مع بعض واتضح انه خريج كلية العلوم قسم طبيعة وكيمياء (زميل احمد زويل) وبيشتغل فى معمل تحاليل وانه اتغاظ من الكلام والمناظر اللى موجودة وانه كان فى قمة الغيظ وانه ......وانه..........وانه. ............وانه.......وا نه وانا قلت يادى النيلة خلصنا من الخناقة وبدأنا فى لحمة الراس وقال جملة فى اثناء كلامه عن التانى اللى كان بيتفرج فقال وانا فى قمة غيظى يابوى اتلفت الاجيلك (الاقى ) صاحبنا فاتح خشمه (فمه) بغباوة متناهية ولا كأننا جنبيه والتانى زعل ومش هيسكت قلتلهم بقول ايه / متيجو ننام كل واحد فى كرسيه واللى تيجى محطته يصحى التانيين (جملة لاتعقل اصلا لان كلنا نايمين مين الصاحى اللى هيصحى الباقيين ) الغريبة انها عدت عليهم ووافقو وكل واحد راح كرسيه واول م صاحبنا ابتدا ينام سبت العربية كلها وشفت كرسى فاضى ف عربية تانية لحد م نزلت سوهاج ومعرفش كان رايح فين لا هو ولا التانى

هههههههههههههههههههههههه
حلوة حلوة