حكايتى مع السيارات فى العراق !

[AHMEDCAR]

انا هارد على حضرتك بعد اذن الجميع

هو قصد استاذ اسلام انك لما تكون عاوز تذكر حد بحاجه زى كده من الافضل يكون فى كلمتيين قبل الحديث او بعده من اجل ان يتفهم الموضوع و ايضا يوضحوا وجهه نظر حضرتك

[ironheart]

شكرا على التوضيح
كلنا اخوة واسرة واحدة ولا نقبل التفرقة او الاهانة
اللهم باركك لنا فى تجمعنا هذا
وشكرا

[Dr. Bolbolan]

لا حول ولا قوة الا بالله ! أنا بعد ما قلت خلاص نقفل على الموضوع ده انفتح تانى و المره دى

بتهمة عدم الحياديه ! ماشى معلش يا أحمد ح أوضح توضيح أخير فوق توضيحك !

يعنى ما فيش داعى ندخل الدين فى المواضيع ! و أظن الآستاذ / اسلام من يومين نشر قواعد التعامل

فى المنتدى ! و منها عدم التعرض للدين أو ما معناه عدم ادخال الدين فى المواضيع !

ثانيا : الحديث المذكور على ما أظن يعنى المجاهرين بالفحشاء ! كمن يحكى مع أصدقائه كيف كانت ليلته مع

زوجته بالتفصيل و أصدقائه يسمعون و كأنهم ينظرون ! و أيضا بمن يسرق أو يقتل أو يقوم بالكبائر ولا يخشى

لومة لائم ! أما من ذكر خطيئه ( بدون تفاصيل و أسماء ) لتبصير الآخرين لعدم الوقوع بالخطآ و أعلن للآخرين

توبته و ندمه ( أهى دى تبقى من باب التذكره ) !

و بعدين الرفق مطلوب عند النصيحه ! تذكر الحسن و الحسين وهم صبيين ورأوا شيخا يتوضىء خطآ !

كان من الممكن يقولو له لآ الوضوء موش كده و الرسول بيقول كذا و كذا و لم يكن الرجل سيعترض !

و لكنهم تحايلوا على الموقف و ذهبوا اليه و طلبوا منه أن يحكم بينهم أيهم وضوءه أفضل أو أصح من الثانى !

و فهم الرجل المغزى طبعآ !

بلاش كل الكلام ده ! لو أن أحد اعتذر لى عن خطأ حتى ولو من وراء قلبه و قمت أنا فى المشاركه الللى

بعدها كاتب حديث عن الرسول بدون تعليق مثل ( خذ العفو وأمر بالعرف و أعرض عن الجاهلين ) !

ح يفهم ايه الآخ ده ! ح يزعل ولا لآ ؟ طب يزعل ليه ؟ ما هو حديث شريف !!؟

يا رب تكون وضحت الصوره ! وشكرآ للآخ / اسلام و أحمدكار والآخ الحديدى برده علشان خلانا عملنا موضوع !


Dr. Bolbolan ptmnlo123per1127

[ironheart]

شكرا للجميع
ptmnlo123per122

[MosTafaFox]

المشاركة الأصلية كتبت بواسطة Dr. Bolbolan و فى يوم من الآيام وقت العصريه دخل العياده شخصان عراقيان لابسين بذلات أنيقه و شكلهم حلو يعنى موش قاسى على العاده ! و لم يعرفوا عن أنفسهم ! لذلك توجست منهم خيفه و انتصبت لدى كل قرون الاستشعار ( دا تشبيه بس ) و بعد السلامات و التحيه لقيتهم سألونى سؤال مباشر ! ماهو رأيك فى الحرب الدائره الآن بين العراق و ايران و تحب مين اللى ينتصر ! على طول فهمت انهم رجال مخابرات ! و طبعآ كان ممكن أقول لهم الايرانيين دول ولاد جزم و نفسى العراق تغلب ! لكن ماعرفش ليه مسكنى عرق الفلسفه ! و قلت لهم والله حاجه مؤسفه و حرام المسلمين يقتلوا فى بعض ! و أتمنى يتصالحوا و عفى الله عما سلف ! ( و صدقونى أيامها لم أكن أعرف الفرق بين السنى و الشيعى ) يعنى كنت عارف ان فيه اختلافات فى كيفية أداء الصلاه و الآذان و بس ! المفروض الكلام ده كان يزعلهم ! و لكن يبدوا انهم كانوا جايين فى مهمه محدده ! و هى استقطابى للدخول فى النظام ! و بدل ما يبقى اسمى د/ بولبولان كنت ح أبقى الرفيق بولبولان أو الشهيد بولبولان ! المهم سألونى ما هو رأيك فى حزب البعث ! طبعآ قلت لهم ان البلد أكيد محتاجه الى حزب يجمع الكوادر المهمه فى البلد للنهضه بشأن العراق ! فقالوا لى و علشان كده احنا اخترناك ! ptmnlo123per1106 يالهوى ! اخترتونى ايه ؟ قالوا لكى تصبح عضوا فى حزب البعث بصفتك طبيب و مثقف و متعلم ! قلت لهم بس أنا مصرى موش عراقى ! قالوا ما يخالف ! انت عربى وحدوى تقدمى ! قلت لهم ماعرفش حاجه فى السياسه دانا حتى ح..... ( شتمت نفسى كده و كده يعنى ) ! قالوا طب فيه عرض تانى أفضل ! قلت ماشى أى حاجه ولا حزب البعث ده ( لآنى كنت أسمع ان اللى فى الحزب بيبقى ) ( كلمته مسموعه قوى فى البلد و كلامه يمشى على التخين ! بس لو غضبوا عليه ! الموت أهون من اللى ) ( ح يجرى له ) ! المهم العرض التانى كان انى أبقى ظابط طبيب فى الجيش العراقى ! و يجوزونى زوجة شهيد عراقى و أبقى أبو أولاده ( شفتم الحلاوه ) و يعطونى راتب كبير + قطعة أرض للبناء مجانآ + قرض لبناء منزل عليها يسدد بالتقسيط المريح جدآ ! طبعآ كانت بطنى بتمغص و أنا بأسمع الكلام ده ! ولما خلصوا قلت ياواد ما بدهاش بقى ! و كنت قايم أرزعهم قلمين لولا انى شوفت الطبنجات فى أجنابهم ! قلت الطيب أحسن بدل ما يموتوا فى ايدى ! ptmnlo123per195 المهم سألتهم سؤال واحد ! طبعآ ح تودونى الجبهه ؟ قالوا أكيد ! قلت لهم طب لو أنا مت ! ح أستفيد ايه ؟ قام واحد منهم محرك يده فى الهواء بحركه مسرحيه و قال لى ( ح تموت شهيد ) قمت أنا قاومت نفسى انى أطلع من مناخيرى صوت اسكندرانى شهير ! و قلت لهم ! فيه عندنا فى مصر مثل شهير بيقول ( كلب عايش و لا أسد ميت ) ! قالوا قصدك ايه ! قلت لهم شرفتم يا بهوات ! أنا أبويا ميت و بأصرف على عيلتى و خاطب ( كذب ) و كمان مسافر مصر علشان أحضر الدكتوراه ! ما نجيلكوش فى حاجه وحشه ! و خرجوا قفاهم يقمر عيش ! و أنا جريت على الحمام ! Dr. Bolbolan ptmnlo123per1127

همووووووووووت من الضحك حد يلحقنى ptmnlo123per145

ptmnlo123per112 ptmnlo123per112 ptmnlo123per112

بس بجد بقى حضرتك شجاع جدا انك ترفض التعاون معاهم اكيد كتير لو كانو مكانك كانو قبلو بالانضمام للحزب على الاقل