ارشيف الاستراحة 2009

[ابو هيما]

جديد العصر ده يا دكتور-ماقرئناش عنه فى كتب التاريخ..!!!!!!!!!!! ptmnlo123per1117

[فاطومه المصريه]

شكرا يا ميدو على الموضوع الجميل

المشاركة الأصلية كتبت بواسطة Dr. Bolbolan شكرآ يا أخ ميدو على هذه النبذه التاريخيه المنقوله ! بس فاتك فى النقل " العصر الحلمنتيشى " حيث كتب المؤرخ صلاحنيوس عن زواج الملكه عفرتيتى من عبقريوس ! حيث أن ذلك أثار غضب ليفوس ابن مهزوزيوس فأرسل تابعه كوهينوس البقدونيوس على رأس جيوش جراره ! و حدثت موقعه رهيبه قرب تل الموزيوس قرب الجونه ! حيث تم اختطاف عفرتيتى وهرب عبقريوس الى جبل المقطم ! وانتحرت عفرتيتى بأكل سباطة موز مسموم ! ولما سمع عبقريوس بذلك قفز من أعلى المقطم ! وتم عمل مقام له على الهضبه الوسطى ! ولم يتم اكتشافها الا حديثآ عن طريق الآثرى البرومباوى سانجاماوى وأخذ جائزة نوفل عن هذا الاكتشاف الآثرى ! Dr. Bolbolan ptmnlo123per122

ايه العصر دة طيب يا دكتور اصلى موش سمعت عنه خالص يعنى ptmnlo123per1147

[salahabdelnabi]

المشاركة الأصلية كتبت بواسطة Dr. Bolbolan شكرآ يا أخ ميدو على هذه النبذه التاريخيه المنقوله ! بس فاتك فى النقل " العصر الحلمنتيشى " حيث كتب المؤرخ صلاحنيوس عن زواج الملكه عفرتيتى من عبقريوس ! حيث أن ذلك أثار غضب ليفوس ابن مهزوزيوس فأرسل تابعه كوهينوس البقدونيوس على رأس جيوش جراره ! و حدثت موقعه رهيبه قرب تل الموزيوس قرب الجونه ! حيث تم اختطاف عفرتيتى وهرب عبقريوس الى جبل المقطم ! وانتحرت عفرتيتى بأكل سباطة موز مسموم ! ولما سمع عبقريوس بذلك قفز من أعلى المقطم ! وتم عمل مقام له على الهضبه الوسطى ! ولم يتم اكتشافها الا حديثآ عن طريق الآثرى البرومباوى سانجاماوى وأخذ جائزة نوفل عن هذا الاكتشاف الآثرى ! Dr. Bolbolan ptmnlo123per122

الله ينور عليك يا دكترة حضرتك مذاكر تاريخ كويس
فعلا فترة تاريخية هامة جدا جت بعد العصر التهييسى واللى كان متزعمه فى التوقيت ده الملك موبدعيوس قريب الاغا سيس حبوب صاحب اشهر طبله فى هذه الحقبة

[auto5truck]

كيلوباترا .. أى حلم من لياليك الحسان



شكراً ميدو على موضوعك الجميل

[ابو هيما]

السلأم عليكم جمعيا
مش عارف ليه بحب المنتدى ده وحاسس كأنه بيت العيلة اللى كلنا بنتجمع فيه ناكل ونشرب ونفتح قلبنا لبعض..

خليها ساعة صفا وتعالوا نتكلم بصراحة أكتر وندخل فى الموضوع -يا ترى من وجهة نظر كل واحد فيكم أيه أحسن حاجات شيفنها فى بلدنا وأيه أسواء حاجات فيها ؟؟ ياترى بتحب مصـر ولأ لأ؟
ببساطة أكتر أيه السلبيات اللى شيفنها وايه الأيجابيات ..(ياريت كل واحد يذكر رأيه)

*انا عن نفسى شايف الناس بقت وحشة اوى وأتغيرت كتير -وماعدش فى روح أنتماء والكل عاوز يهج -الناس ساعة مايبقى معاك فلوس وذا منصب تلقى الكل صحبك وحبيبك وبيتقرب منك ويوم ما توقع فى مشكلة تلأقى اللى انت مديت له ايدك أول واحد بيبعد عنك ويهرب منك
*ما عدش حد بيحترم حد ولأ بيخاف من حد -قلة الأدب وقلة الذوق أصبحت يعلموها للناس فى التليفزيون اللى بيسموها كوميديا زى فيلم (خالتى فرنـســــــــــا )هى بصراحة همجية وأسلوب مقزز .
*ما عدش فى حاجة أسمها تعليم صح -تعليم حكومــى المدرسين مكبرة دمغها عشان تدى دروس وتعرف تعيش -بصراحة ليهم حق شوف مرتباتهم كام متأكلش عيش حاف !!!!!- تعليم خاص تلأقى فيه العيال هى اللى بتضرب المدرسين ويعملوا فيهم مقالب والمدرسة أصبحت للكوميديا والهزار والمدرسة بتزيف نتائج نجاحهم وتوهم اهاليهم أنهم متفوقين عشان تلم فلوس أكتر والعيال تستمر معاهم ..
*ماعدش حد بيرحم حد والناس بقت تفترى على بعض بالقول والفعل وماعدش حد راضىء والكل بيحسد غيره على اللى معاه(ده حتى أبنك بيحسدوك عليه) -حتى الضحكة الناس بتحسدك عليها ويقولوا ماهو أصلك رايق والدنيا ماشى معاك حلأوة .
*الكوسة كترت أوى واللى بيعرف يسببت ويقول أحلى كلأم هو اللى بيكسب -مش مهم انت خبريتك أيه ولأ عندك أيه-المهم تعرف تسببت مديرك أزاى وتضحك فى وشه بالباطل عشان تكسبه وتحطه تحت باطك -تسمع من ده وتوصل لده !!!!!!!
*الأب فى الأسرة أصبح يغيب كتير عن المنزل بسب لقمة العيش ومطالب الحياة اللى مابتنتهيش ويوم مايقعد فى البيت ياأما نايم ومش عاوز ييتكلم -يا أما بيتحدث مع الجماعة فى مشاكل الشغل ..الدنيا لهية الكل ومخلية الجميع بيفكر ولأ الغنى مستريح من كتر الخوف لحسن ماله يتسرق ويتنهب و لأ الفقير راضى-والعيل أصبح من صغره مشاغب وتافه بيقلد اللى بيحصل وبيتقال فى التليفزيون وبس لأن هو ده اللى هو شايفه أدامه وبيردد ألفاظ مش بتاعت سنه ( يا عم أشترى دماغك -موززة -فكك-أنت هاتصيع-هاشرحك ....الخ)
*الناس أصبحت تتكلم كتير عن بعض -بتحقد وبتفكـر كتير أوى أزاى تئزى بعض .

*نفسى أشوف بلدنا زى الصين اللى أستغلت القوى البشرية اللى عندها وأصبحت عملأق أقتصادى عالمى ...والله أحنا عندنا شوية شباب زى الفل وجنود من خير أجناد الأرض وصبر أيوب -مش عارف أيه اللى معطلنا والكل بيهج ومش طايق *أنا عن نفسى .. بصراحة نفسى أعيش فى سلأم وهدوء -عايز أغمض عينى وأفتحها وأنا مطمئن مش خايف من بكرة ومش خايف من حد -نفسى أعبد ربنا وأنا هادى النفس مش مستعجل -مش عاوز أكرووت الصلأة( والله فى أحيان كتير وانا بصلى بنسىء أنا صليت كام ركعة وبتلخبط .. يمكن ده بسب مشاغل الحياة والمواقف الكتير اللى بتعدى على الواحد فى يومه ...يمكـــن) !!!!!!!!!!!

-(الأيجابيات )
مش عارف بصراحة -يمكن أنتوا اللى تعرفوا وتقولوا لى

.....بس انا عن نفسى بحس بالراحة كل ما ببعد عن المدنية وعن الناس-وأنا على البحر وفى حضن الجبال(معلش أصل أنا من جنوب سيناء) -وأنا فى زيارة القبور بحس براحة -لما برمى الدنيا كلهاوراء داهرى وأدخل الجامع أمسك المصحف وأصلى ساعتها بحس بقمة الراحة -جربتوا تزوروا ملجأ أيتام ( راحة أخرى ليس لها نظير)
*أعذرونى أذا كنت صدعتكم وبعدت عن فكرة المنتدى... بس أنا بصراحة ماليش أصحاب ومعاكم فى المنتدى ده بحس بالراحة والصحبة الحلوة...
انا قررت أبدا بنفسى وأحاول أصلح السلبيات اللى مش عجبانى -كلكم راعى وكل راعى مسؤل عن رعيته
قال رسول الله صلى الله عليه وسلم
خيركم للناس أنفعكم للناس والدال على الخير كفاعله
صدق رسول الله