حمرا يا برادعي

[مادا]

البرادعى قبل ما يصبح رئيسآ لمصر

.. البرادعى هو الامل الوحيد لمصر

.. كل واحد يتكلم عن البرادعى بسوء فلول او منافق او سلفنجى او عميل

..البرادعى هو الراجل الوحيد فى 80 مليون مصرى القادر على تحمل مسئوليه الرئاسه

.. البرادعى هو الشخص الوحيد القادر على ان يعبر بمصر هذه المرحله

..اى شخص يتريشح للرئاسه امام البرادعى سفيه مغرور لا يعلم شىء عن السياسه ..

..يجب ان نعطى للرجل حقه ونقول ا. د . سيدنا البرادعى رضى الله عنه

بعد ما يمسك الرئاسه اكيد ايقول ((يا ايها الملآ ما علمت لكم من اله غيرى ))

[sam ram]

انا ملاحظ يا تامر باشا ان نتيجه الاستطلاع رغم انها من البدايه في صالح ( حمرا ) الا ان نسبه خضرا بتزيد بالتدريج مع الوقت
انا فاكر او ما شاركت كانت النسبه 1 : 2 ... دلوقتي قربت على 2 : 3
واضح ان الموضوع جايب نتيجه عكسيه
وخلي بالك دا مؤشر خطير جدا ... لأن مش كل المعارضين حيتفقوا على اسم نفس المرشح .... يعني اصواتهم حتنقسم وبالتالي ممكن تكون الاغلبيه للتلت الاخضر

وبهذه المناسبه ( السودا ) اهديك مقتطفات قديمه للعلماني الماسوني الليبرالي العميل المتأمر

http://www.youtube.com/watch?v=PWhlKgR4_YM

http://www.youtube.com/watch?feature...&v=S0DYT8_0X9M

feature=player_embedded&v =S0DYT8_0X9M[/url]

شويه تاريخ
موقفه من اسرائيل
http://www.aawsat.com/details.asp?se...article=524028
رفض حوار مع البي بي سي بسبب موقفها من نداء غزه
http://www.aljazeera.net/News/archiv...hiveId=1168009
الاهرام قبل ما البرادعي يعلن استعداده للترشح على الرئاسه
http://www.ahram.org.eg/Archive/2005/10/8/OPIN10.HTM
الامم المتحده
http://www.un.org/arabic/news/fullst...asp?newsID=520
ولمحبي الاخبار الصفراء و البنفسجي ... بنت البرادعي
http://www.un.org/arabic/news/fullst...asp?newsID=520

وفي النهايه بشكرك مره تانيه على الموضوع ده .. لأني مكنتش مهتم اوي ... يعني كنت مقتنع بالراجل و خلاص ... لكن الاتهامات و التساؤلات والتريقه الكتيره اللي لقيتها عنه خلتني ادور اكتر و ادعبس وراه فازادت قناعتي بيه
وبالتالي وجب الشكر

[TOOLA]

مبدئيا كده لما نتكلم عن راجل واخد جايزة نوبل و يقابل باحترام فى جميع دول العالم و يعتبر شخصية احتلت منصب دولي محترم, يبقى لابد نتكلم عليه باحترام سواء كنا متوافقين أو مختلفين معاه, وبالتالى اسم الموضوع المستفز والواضح جدا المخزى من كلمة "حمراء" لا يليق انه يرفق باسمه أولا ولا يصح انه يتكتب على منتدى عام محترم, فبدأيا كده أرجو من الادارة تغيير عنوان الموضوع لأسم "محترم".
ثانيا: أنا بصراحة صدعت من السياسية و حفاظا على الحالة النفسية أوقات كتير بتجنب بعض المناقشات المستفزة أو مشاهدة بعض البرامج للحفاظ على حالتى النفسية, لكن واحد داخل يقولك البرادعى بيشجع المثلية الجنسية و تانى يقولك باع العراق و ثالث يقولك بنته متجوزه مسيحى, من الأخر ""أى فتى والسلام و مفيش واحد من الأفواه العظيمة ديه جاب دليل على كلامه ولما تواجه بعكس البيقولو يا يظبهل و مينطقش يا يكون مستعد بلائحة أخرى من الفتى (أنا لا أخص حد من الحديث أنا بتكلم على سابق تعاملات).
موضوع العراق: لما اتنشر الفيديو الخاص باعلانه عدم وجود أى اثار لأسحة نووية فى العراق و تم مواجهة بعض مروجى الاشاعات (و أنا كنت منهم على فكرة بردد على جهل بس لما شفت الفيديو زمان و بدين أدعبس شوية عن بعض الأخبار و الفيد يوهات الأخرى اكتشفت الخديعة و غيبوبة الشعب الصرى كالعادة). راح خرج علينا بعض الأفاضل قالك أصلو ميع الكلام و قلك هنكمل التفتيش فمعنى كده اداهم ايحاء ان لسه فى احتمالية وجود أسلحة, و هنا نرجع لعقلية المصرى المتخيل ان اى حد ماسك منصب فى كيان معين يبقى الكيان ده خلاص فى جيبو و هو الفم الوحيد الليه الحق فى الكلام و طبعا من هذا المنطلق كان لازم البرادعى بحس المصرى ابن البلد و المحافظ على الوطنية العربية يطلع يقول فى مؤتمر مجلس الأمن "بوصو يا جدعان انا بعت شوية خبرا على العراق و ملقوش حاجة و العراق ديه مننا و علينا و أضمنهلكوا برقبتى فل أمان بقه و فكوكو منها اشطه". الراجل لازم يكون حيادى و ده شرط من شروط منصبه و مينفعش يبان انه واخد جانب معين, و بالتالى لما طلع قال ان لم يظهر أى أثار لأى أنشطة نووية فى العراق و سيتم استكمال البحث, فهو بيأكد ان لغاية الوقت الحالى مفيش أى دليل اتهام على العراق و بالتالى لما أمريكا "خالفت" قرار مجلس الأمن و تبنت عملية الهجوم على العراق فهى كده خالفت الشرعية الدولية و أحرجت لأنها فعلا ملقتش حاجة , كام المطلوب منه ايه تانى.
موضوع مصر: منقدرش نسلب حق كل الحاولو يواجهو مبارك و تم قهرهم سواء, لكن تخيل بلطجى قدامك عمال يضبر فينا و يسكتنا و مش قدرين حتى نتكلم و شائت الظروف أن ظهر أحد الأفراد (الأغنياء – ذوى المناصب الدولية الأعلى من أى منصب سياسى فى مصر- الحائز على احترام الشخصيات المرموقة عالميا) محصن من هذا البلطجى و يقدر يتكلم براحتو من غير ما البلطجى يقدر يأذيه و بالتالى شجع الكثير على الاعتصام (طبعا مع مجهود كثيرين أخرين) و كلنا كنا بنحب و مستنيين هذا الراحل أول موصل مصر و محدش كان شايل منو أيامها (قبل سيل الاشاعات و عمليات التكريه الخاصة بمخططات الحزب الوطنى و أمن الدولة), ساعتها الناس صدقت الأى كلام من غير متشوف دليل, بالعكس معظم الأدلة تنفى هذا الكلام.
موضوع اسرائيل: هوا ليه اتشطر على العراق و سايب اسرائيل, أصلى واضح ان الراجل كان معاه أسلحة و طيارات و مطاوى بنادق و يقدر يخش على اسرائيل بالعافية و يقولها بصى يا بت يا اسرائيل أنا هدور على الناووى يعنى هدور على الناووى, متناسين بردو انها وكالة دولية سلمية لما يعطى لها الضوء الأخضر من بالذهاب للكشف عن تواجد الأسلحة تذحب للكشف (لما العراق وفقت راحت) لاكن هل حد سمع اسرائيل اعلانها عدم وجود نووى أو موافقتها على دخول خبراء الوكالة لأراضيها, غير معلش الراجل أصلن طالع بيستفسر ايه جدوة عمل اتفاقية عدم انتشاء النووى فى الشرق الأوسط بدون دخول اسرائيل بها و لماذا وقعها رؤساء الدول العربية, يعنى تخيل احتا 15 واحد ساكنين فى العمارة و فى واحد بلطجى بردو شايل الى فى العمارة و كلنا خايفين منو. نروح عاملين ايه زى الشاطرين يطلع واحد متخلف فينا يقوم مبادرة اننا كلنا نشيل الأسلحة من بيوتنا (معادا البلطجى ده) و كأننا بنتعمد نضعف نفسنا زيادة و نسيبو هوا المسلح الوحيد, ده ايه الوكسة المنيلة ديه.
البرادعى عميل لأمريكا و اسرائيل: طبعا احنا أذكى شعب فى العالم و احنا الحضارة و بالتالى أى واحد في الشعب ده هوا أنصح من ال CIA و الموساد و ال KGB و حتى من المخابرات المصرية و الحربية, و اكتشفنا معلومات سرية جدا و مهمة جدا و بالدلائل ان البرادعى و وائل غنيم يا جماعة عملاء لأمريكا و اسرائيل و ماسونيين كمان (نص الشعب بيرددها و هوا مش فاهمها اساسا هوا فاهما على انها صاهيونية فقط) و للأسف جهاز مخابرتنا لغاية دلوقتى لسه موصلش للمعلومة ديه و سايبهم يبرتعوا براحتهم فى البلد (بس أحمد سبايدر و عكاشة عندهم وكالة جاسوسية دوليه بقيادة أدهم صبرى جابتلهم المعلومة).
من الأخر: أحترم اليقول أختلف مع البرادعى فى ارائه السياسية مثلا أو أحد الأخوة السلفيين أو المسلمين عامة الشايف مثلا ان ممكن البرادعى لا يمثل الاسلام كما يريد, ديه وجهات نظر نقدر نتناقش و نتحاور فيها, لاكن نقول خاين و عميل و بيتهته و عاوز منصب و خلاص(زى متجيب وزير خارجية بعد ميخرج و تقولو تعالى همسكك ادارة نادى الزهور) ده كلام ميصحش عن رمز مصرى حاز الاحترام دوليا, و نعمل موضوع نقولو "حمرا" بأمانة عيييييب فعلا.
برجاء تغيير اسم الموضوع لاسم محترم مثل (هل توافق على البرادعى) أو ماتراه الادارة مناسب.
و شكرا
أخوكم أحمد عبد الرحمن

[TOOLA]

أسف للغلطات الكلامية أو اللغوية أصلى بتهته (أنا فى الشغل و كنت بكتب بسربعة)

[تامر ديزل]

المشاركة الأصلية كتبت بواسطة silverlite "سوبر جرين" للبرادعى... وليرد الله بمصر خيرا و ليكن البرادعى اول رئيس مصرى - منتخب -لهذا الشعب العظيم

شكرا على المشاركه
ولو البرادعي هيبقى رئيس من خلال انتخابات نزيهة يا اهلا بيه ولكن انه يتفرض علينا فرض او تحت ضغط من اي جماعه او حركه هوه ده وجه الاعتراض