آخر أسعار سوق المستعمل

[alrabeh]

أخى الفاضل
لو عربية زى النسان الصنى 2010 عاملة 6000 كم المفروض سعرها ينزل كام عن الزيرو اللى ب 87000
وهل المفروض برضه الواحد يكشف عليها فى التوكيل ولا مش مهم
وهل يتم الكشف عن الرخصة فى المرور حتى لا يكون عليها حظر ولا ايه رأى حضرتك
أرجو المساعدة وجزاك الله خيرا

[د0تامر محمد]

المشاركة الأصلية كتبت بواسطة alrabeh أخى الفاضل لو عربية زى النسان الصنى 2010 عاملة 6000 كم المفروض سعرها ينزل كام عن الزيرو اللى ب 87000 وهل المفروض برضه الواحد يكشف عليها فى التوكيل ولا مش مهم وهل يتم الكشف عن الرخصة فى المرور حتى لا يكون عليها حظر ولا ايه رأى حضرتك أرجو المساعدة وجزاك الله خيرا

هى بفترة الضمان وشوف إتعمل صيانة ال5000 كيلو وإن مكنش تتعمل للتأكد
فحص السيارة بنظرة عامة من خبير تكفى لأنها لسه جديدة
من المفيد السؤال عن رخصة أيه سيارة سواء جديدة ام مستعملة
السعر =83000

[MANDO09]

بعد اذنك يا دكتور ممكن تقولى اسعار البولو 1000 cc من موديل 98 لغاية موديل 2003
على اعتبار الحالة الجيدة للسيارة وشكرا

[mfriday]

دكتور انا ماليش اي خبرة تماما بالعربيات بس عايز اشتري واحدة ومعايا 90 الف انا كان نفسي في مازدا 3 بس مش عارف هي عملية ولا لا ياريت يا دكتور تقترح عليا عربية مناسبة و تكون شيك و سعرها مناسب انا ساعات فكرت في اللانسر او رينو ميجان هاتشباك او اوبل استرا ارجوك ساعدني في الاختيار وشكرا جزيلا ليك و جزاك الله كل خير

[hisham853]

دكتور تامر
ممكن بعد اذنك تقولي سعر عربية سويفت مو93 ياباني فابريقة جوه و رشه بره مانيوال فيها تكييف بس عاوز يتشحن و شوية تظبيط. حالة السيارة العامة جيده جدا بطارية و كاوتش جديد ممكن تقولي سعرها حوالي كام و لك جزيل الشكر