ارشيف الاستراحة 2009

[Romeeoo]

المشاركة الأصلية كتبت بواسطة islam_galal روميو باشا عشان مندخلش في تعريفات الالفاظ مع العلم ان كل لفظ له مدلولات تبعا للثقافة الفردية ممكن تجاوبني علي السؤالين دول

معاك حق
بس لما حاجاوبك حانبقى خرجنا عن الخلاف ودخلنا ف موضوع تانى

المشاركة الأصلية كتبت بواسطة islam_galal هل حضرتك معترض علي أن الحجاب الاسلامي هو الخمار و النقاب؟

الحجاب الإسلامى فى رأى ممكن يكون الخمار او اى لبس واسع لا يكشف ولا يجسم ولا يصف زى العبايات بشرط يكون بعيد عن البهرجه او الشفافية مثلا بإختصار اى لبس يحقق شروط الحجاب الشرعى والخمار ماهو الا مثال للزى الشرعى وليس هو بالضرورة
اما النقاب فشايف انه زياده شويه ومعارضتى له بسبب الجرائم الى بتحصل بسببه لو ماكنتش بتحصل كنت ماعرضتوش

المشاركة الأصلية كتبت بواسطة islam_galal هل حضرتك بتتوقع من أي أسرة فيها امرأه مختمرة أو منتقبه أن تكون أسر ملتزمة أم متطرفة؟

كل واحده وحسب البيئة المتربيه عليها صحيح اللبس بيعبر عن جزء من الشخصية بالذات مع البنات بس فيه بنات بتلبس الخمار عشان كل الحريم فى مجتمعها مابتلبسش غيره و فيه اللى بتلبس الإيشارب لأنها مكسله تسرح شعرها كل يوم واعرف بنات بتلبس نقاب الصبح وتقلعه بليل او ف المصيف عشان ماتسمرش فى الشمس وتتشاف ف المصيف

العيب مش ف اللبس المشكله ف العقول والمنطق اللى ماشيه بيه الناس
بإختصار الشرط اللى فى سؤال حضرتك مش الزامى قابل للصحه او الخطأ

ما قلتليش يا اسلام باشا انا كده ابقى علمانى؟ :-))

[bassant]

شكرا لحضرتك موضوع رائع لكن اختلف مع حضرتك فى شىء ان ممكن تبقى واحدة مش لابسة نقاب اوخمار وفى نفس الوقت حجابها شرعى ومحتشمة

[Romeeoo]

المشاركة الأصلية كتبت بواسطة bassant شكرا لحضرتك موضوع رائع لكن اختلف مع حضرتك فى شىء ان ممكن تبقى واحدة مش لابسة نقاب اوخمار وفى نفس الوقت حجابها شرعى ومحتشمة

انا معاكى
بس فيه حاجة لا يمكن نختلف عليها وهيا شروط الحجاب الشرعى اى لبس يحقق الشروط دى يبقا كده صح كده حاتبقى المشكله فى فهم بعض الناس للشروط دى ودى سهله

انما لو قلنا خمار ولا نقاب ولا مودرن حايظهر الخلاف وحايبقى مشكله

[islam_galal]

مين قال في اختلاف يا روميو ، أنا معاك قلبا و قالبا
الخمار فيه شروط الحجاب الشرعي و هو مثال محلول
أما ما عدا ذلك ممكن:
- قرعه
- كسلانة و مبتسرحش شعرها
- شعرها سئ جدا و حيتكلف كتير عند الكوافير
- لبس الحجاب ارخص عادة
- غافلة و جاهلة بشروط الحجاب الاسلامي

[salahabdelnabi]

15


برومبو : من حوالى اسبوع كنت قاعد فى المكتب اقرا مجلة الاذاعة والتليفزيون لاقيتهم جايبن عرض لاحداث تمثليات رمضان

كانو حوالى 60 تمثيلية كما لو ان شهر رمضان انزل فيه التمثيليات مش القران ...... استغفر الله العظيم

المهم فى تمثيلية احداثها شدتنى شوية بتتكلم عن اليهود و تفكيرهم واللى بيعملوه مع اللى بيعارضهم او بيفضح مخططاتهم

اسمها " ماتخافوش " بتاعة نور الشريف وواضح ان التمثيلية دى خلت اليهود يقررو انهم يمنعو عرضها بأى شكل

يعملو ايه ........ قامو فكرو يلفقو التهمة دى لينا وبالتالى هاننشغل فيها

وعشان نهدى اللعب معاهم شوية اكيد كنا ها نأجل عرض المسلسل ده لحد لما الموضوع يتحل .........

أو هما يخلو الناس اللى المفروض انهم خطفو الملحق العسكرى يطلبو وقف عرض المسلسل فى مصر وممكن جميع الدول العربية عشان يرجعو الراجل.........

هى دى سياستهم وهو ده اسلوبهم الواطى

زومة : طب الراجل اختفى ازاى جوة الهرم وانت عارف ان المكان صعب جدا يحصل فيه حاجة زاى كده

برومبو : ليفة بن مهزوز المنيل على عينه ده مارحش الهرم من اصله

كل الحكاية ان حد شبهه فى الجسم عمل قناع يشبه وشه العكر ولبسه على وشه زاى شغل المخابرات كده .........

انت مابتقراش رجل المستحيل والا ايه .......وراح مع الحراسة بتاعته على الهرم فى زيارة عادية جدا وطبعا ماحدش هايشك فيه لانه شبهه وخارج من السفارة ........

ولما دخل الهرم قعد شوية وبعدين شال القناع وخرج وتقريبا حتة اتقطعت منه وهى دى اللى لاقاها زومة وجابها

ابو نورا : بس لو كلامك ده صح تبقى العملية اتعقدت اكتر ....... انت عارف انه مستحيل نثبت الكلام ده

عبقرينو بيهرش فى دماغه : هو كلام منطقى فعلا ويأكده الكلام اللى احنا سمعناه دلوقتى

زومة : طب لما هو فى السفارة هاينقلوه ليه .... دى السفارة أأمن مكان ليهم دلوقتى يخبو فيه الراجل

سوكة : واضح ان كوهين الكهين شك فى الزيارة اللى انت عملتها يا ريس مع ابونورا باشا عشان كده هاينقلو الراجل من السفارة كمان ساعة

مجانص : طب كده احنا مش هانعرف هما هايودوه على فين ولا نعرف مكان البيت اللى هاينقلوه فيه

ابو نورا : يبقى اكيد ها نراقبهم ونمشى وراهم ونعرف المكان اللى هاينقلوه فيه

برومبو : لا احنا مش ها نراقبهم ولا حاجة ....... احنا هانقوم بالمهمة دى بدلهم وهو ده دور بوند ومجانص وهايكون معاهم سوكة واللى هايظبط العملية دى كلها عبقرينو

ايمن بوند : انت تقصد ان احنا هانخطف الراجل فعلا وهما بينقلوه من السفارة للبيت اللى هايوده فيه

برومبو : لا احنا هانخطف الراجل من جوة السفارة اصلا ........ بس هاتعمل اتصال الاول يابو نورا وبسرعة لان مافيش وقت

ابو نورا والذهول على وشه : من جوة السفارة ؟؟؟!!!!! طب ازاى ؟؟؟؟؟؟؟؟ واتصال ايه اللى عايزنى اعمله؟؟؟


يتبع