|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
   
|
10 | 76.92% |
| م. سامح رمزي - sam ram |
  
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
 |
|
|
أدوات الموضوع |
|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
|
10 | 76.92% |
| م. سامح رمزي - sam ram |
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
|
|
|
أدوات الموضوع |
|
#211
15-02-2009, 04:17 AM
|
||||
|
||||
رد: الصحافه المدفوعه … و المراره المفقوعه
جااااااااااااااااااااامد يا سامح والله .........
بس سؤال ع الماشى انت ماحاولتش تألف قصص قصيرة فى يوم من الأيام؟ والله لو حاولت هتبقى من أشد المؤلفين وأنا أكيد هبقى من أشد المعجبين........ أما عن موضوع التوكيل اياه اللى عايش فى الوهم (بدون الأشارة اليه لتكملة مؤلفك ) ولزيادة فضول القراء مش عارفين يداروا خيبتهم بالفتيس اللعبة اللى هما عاملينه ياراجل ده انا ركبت العربية لاقيتها بتتنطط بين النقله والنقلة...........ده الجرار بتاع عمى ثابت عنهاptmnlo123per171 ياراجل ده أنا من كتر المخمضة كنت هرجعptmnlo123per1106 وبعدين ما انت كويس أهو اوعه تنقل مواضيع تانى ( بتحط نفسكم فى مواقف بايخهههه) اهاهاهاهاهاهاهاهاهاهptmnl o123per145
__________________
أبو الفتوح رئيسأ
|
|
#212
15-02-2009, 06:35 AM
|
||||
|
||||
|
رد: الصحافه المدفوعه … و المراره المفقوعه
و الله يا سامح باشا اسلوبك زي العسل
و يخلي الواحد يقرأ 100 موضوع و 1000 صفحه ايه بس اللي بيخليك تنقل مواضيع ههههههههههههههههههه(بهزر والله) نرجع لموضوعنا هو طبعا التوكيل دا انا عارفه كويس و من احد عملائه بس انا بقيت بطنش صيانتين و اروح صيانه علشان الضمان ما يضعش عليا و بعدين هو انا جايب الماركه دي بالذات ليه مش علشان اي حد يشتغل فيها ولا هما عاوزين يبيعوا عربيات فاضيه باسعار عاليه و كمان نروح صيانات كلها في التوكيل اروح اغير زيت و فلتر و قال ايه يعمل تشيك علي العربيه (فحص انوار و فحص سيور و فحص تكييف و تربيط عفشه) و يقوموا واخدين 500 جنيه !!!!! لييييه يعني مش حعرف انا اقف قدام العربيه و وراها علشان اعرف فوانيسي شغاله و لا لاء ولا مش حعرف اذا كان التكييف بيسقع ولا لاء؟؟ كل الكلام نصب في نصب و بصراحه كلام مستفز جداااااا
__________________
حـازم خـضـر
|
|
#213
15-02-2009, 01:29 PM
|
|||
|
|||
|
رد: الصحافه المدفوعه … و المراره المفقوعه
هو بغض النظر عن النأوذه و التلميح ... و النقل اللي جابني ورا وحطني في موقف بااااااااااااااااااييييخ
واللي مفيش حد منكم معلقش عليه ... ماشي .... ما علينا .... خلينا في الموضوع فعلا الحوار كان مستفز جدا الوكيل محترم و عربيه محترمه ... ليه التناكه ... انت كوكيل مكسبك هو العميل ... امال انت بتشتغل لمين ... مين اللي مكسبك طالع من جيبه واللي ينرفز اكتر انهم بيتكلمو و كأن مفيش اي حاجه ومش حاسين بالدنيا حواليهم مش معنى انك محقق مبيعات و رقم واحد على العالم انك تتغر ... الغرور يقتل صاحبه يا سيدي الفاضل .. حتى لو الين زاد ... الشركات المنافسه ( خصوصا الاوروبي ) بتنزل اسعارها بسبب الازمه و الوضع الراهن و بتقولك تقشف و انخفاض مبيعات والكلام ده في مصر اللي بنتكلم عنها ... مش في حته تانيه .. و حضرتك بتكلمني على رحلات و فسح و مراكز جديده !!!! ده بدل ما تقلق و تفكر في نسب مبيعاتك وازاي تقنع الناس ان عربيتك تستحق سعرها يزيد ( مش حقول تفكر ازاي تحافظ على سعرها او تخفضه) في حين ان اللي احسن منهم بيرخصو اسعار عربياتهم و يقدمو عروض صيانه مجانيه سنين !!!!! ولا حنقول ان البي ام و المرسيدس مش احسن منها ونص الناس اللي راكبه ياباني ما حتصدق تلاقي اسعار الاوروبي قلت و حتخلع منك مش كده و لا ايه يا حازم باشا ... وانا متأكد ان رأيك حيكون من رأيي لأني عارفك بتحب الاوروبي انا نفسي كنت بفكر انقل من كوري لياباني و بعدين اوروبي ... لكن لو الياباني سعره زاد ... ادخل الماني او ايطالي على طول ( بس يرخصو شويه كمان) اوكتافيا و لا جيتا و لا برافو وعيش اللحظه ptmnlo123per171 مع ان الفابيا ترونيك 1600 بتزغلل عينيا ... وانا جربت سكودا قبل كده ... احمد باشا .... ربنا يخليك يا ريس نقل تاني .... توبه .... اخري مصادر معلومه عاشت الافتكاسات حره مستقله ايمن باشا ... يا ريس دي كلها ارهاصات ... القصص الادبيه ليها ناسها و قواعدها و انا غلبان اوي ... شويه مفردات لغويه على ادي ... و قواعد النحو ضايعه وعمرك شفت قصه قصيره فيها قائمه ابتسامات .... جديده دي قال فيتيس مانيوال من غير دبرياج قال ..... لأ وابه يقولك تنقل كأنك بتنقل مانيوال ... يعني تشيل رجلك من على البنزين وتحطها تاني بعد النقل هههههههه ... دي عالم بتهرج
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 15-02-2009 الساعة 01:34 PM
|
|
#214
15-02-2009, 10:34 PM
|
||||
|
||||
|
رد: الصحافه المدفوعه … و المراره المفقوعه
معاك حق فعلا يا سامح باشا
الاوربي له طعم غريب امبارح مثلا قابلت واحد صاحبي بالصدفه بقالي يجي سنتين ما شوفتهوش لقيت معاه عربيه سيات كوردبا جديده (كنت بشتري عيش ههههههههههه) المهم سلمت عليه و ما قدرتش احوش نفسي و هوب اخدت المفتاح منه و قعدت فيها و جربتها لا بجد حاجه تانيه عن الياريس (باعتبار انها نفس الفئه) ركوبه تانيه و خامات تابلوه انضف و فتيس انعم و فول اوبشن مانيوال و 1400 سي سي و خليجي ب 90 الف و تقفيل اسباني محترم و معاه ضمان سنه كمان طب ايه اللي يخلي الواحد يروح يجيب ياريس هاف اوبشن ب 91 الف (كنت شاريها من سنه ب 83 الف !!!!!!!!!!) طب قول من سنه كان سعرها منافس اهو فرق 7 الاف جنيه عن السيات انما دلوقتي اشتري عربيه ب 91 الف و كمان زجاج منافله !!!!!!!!! ليه يعني بجد قرفان رغم اعجابي بالياريس و بشكلها و ادائها اللي حافظه كويس بس حاليا ماعدتش منافسه زي الاول و ان شاء الله السويفت لو بعتها يبقي اوربي علي طول بفكر حاليا في حاجه مستعمله سيينا او الفا روميو 146 و لو قدام شويه يبقي لينيا باذن الله بس اتجوز الاولptmnlo123per195
__________________
حـازم خـضـر
|
|
#215
17-02-2009, 02:10 AM
|
|||
|
|||
|
رد: الصحافه المدفوعه … و المراره المفقوعه
على فكره يا حازم باشا .. تقريبا اللي حضرتك عملته نفس اللي انا عملته
يعني الواحد بيكون حاطط ميزانيه معينه بيشوف العربيات اللي تناسبه في حدود الميزانيه دي ... وبيختار انسب عربيه انا اشتريت عربيتي في مارس 2007 ماتريكس اوتوماتيك ب 84 الف من (من غير الكاسيت الجي في سي المقرف و الانذار اللي غبور بيركبهم هنا و يبيعها ب 86 الف) السعر وقتها كان هايل ... المعادله كلها تقول ماتريكس ... علشان نقتكر سوا ... الماتريكس مانيوال كانت ب 78 الف ... قصاد ايه نيو اكسنت 78 الف - ريو 80 الف اوبترا 89 الف - النترا - 95 الف السوران 100 الف - لكن النهارده نيو ماتريكس توصل ل 93 الف جنيه مانيوال .... قصاد مين بقى ... ماتيريا 90 الف ومعاها ايرباج و اي بي اس - نيو اكسنت - ريو 78 الف - ودول كوري زيها واخواتها في الرضاعه اوبترا 90 الف (وان كنت متحفظ منها لكن ناس بتحبها) سيراتو 90 الف و في ناس بتقول 85 الف ( الطم ) !!!!!!!!!!!!!!!!!!!!!! صني 85 الف !!!!!!!!! تعالى بقه للاوروبي بولو 90 الف -بولو سيدان 85 الف - سوران 90 الف !!!! ودي من نفس عائله زيزي .. قصدي امبيفي MPV لينيا 90 الف - جراند بونتو 90 الف فابيا85 - كوردوبا خليجي 89 - يعني لو انا حتى متمسك بالكوري اسيب سيراتو ترونيك و اجيب ماتريكس ... دا حتى يبقى شكلي وحش قدام اهلي و صحابي ( وحش دي الكلمه المؤدبه ) ... ولا يعني اسم MPV ده بقى تريد مارك زي سونتي و لا ليفيز الفكره ايه .... اي توكيل في النهايه له هدف ... المفروض ان هدفه ده عباره عن تارجت مبيعات ... وبالتالي محتاج المستهلك .. محتاج يقنعه انه بيديله عربيه منافسه و سعرها انسب سعر لاحتياجاته لكن بصراحه انا مش فاهم هيونداي وتويوتا بيعملو ايه الله يرحم ايام عمرو الاسكندراني .... كنت تلاقي سعر هيونداي مظبوط مع سعر اي عربيه تانيه ... لكن النهارده كلشنكااااااااان ومعالي الباشا اللي متصور ان العربيتين الحيله (يايا و كوكو ) دول مفيش زيهم يورينا اخر السنه مبيعاتهم حيبقى شكلهم ايه ... وياريت مينساش يقلنا كوكو الخليجي عملت ايه فيهم اسف للاطاله ... بس فعلا مرارتي اتفقعت من العالم دي
__________________
من تواضع لله رفعه The ultimate car would be designed by Italians engineered by Germans built by Japanese &
|
|
| الكلمات الدليلية |
| مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
|
|
