لهذه الاسباب لن انتخب ابو اسماعيل

[AbOnOrA]

الوحيد الذي اقر بتطبيق مبدأ تطبيق الشريعة الاسلامية بحذافيرها

اه يعنى هى المشكلة دلوقتى فى الحزافير ؟؟
طيب اى حزافير بيطالب بيها التيار الاسلامى انا عايز افهم ؟؟

اذا اتانا من يتعهد بتطبيق شرع الله عز و جل من وسط من يتفاخر بترك تلك الفريضة او ذلك الشرط صرنا مكلفين بموالاته و نصرته

اتقى الله يا اخى ... هل تجعل من جميع مرشحى الرئاسة متفاخرين بترك تلك الفريضة !!!

يعنى ابو الفتوح والعوا والشاطر كمان وهم مرشحين يحملون نفس المشروع الاسلامى دول اونطة !!!

صحيح من امتى بقت فصائل التيارات الاسلامية موحدة وليها رائى واحد
هل طبقتم ( واعتصمو بحبل الله جميعاً ولا تفرقوا)
لماذا لم تنطبق عليكم الايه ( هو الذى ايدك بنصرة وبالمؤمنين والف بين قلوبهم )
هل انتم كمؤمنين اخوة متحدين ( انما المؤمنون إخوة )

ما انتم الا فرق وجماعات منازعة لا تتفق على منهج ولا فقة
اى شريعة اذن ستطبق وايه فقة
واى فرقة لها الولاء ومن اى فرقة البراء

واصلاً اصلاً اصلاً اصلاً انت فاكر ان الرئيس يملك احداث تغيير جزرى كهذا
يقلبها اسلامية يعنى زى ما بتهتفو يعنى على غرار افغانستان ولا ايران ولا السعودية ولا غزة طيب تفتكر ؟؟؟

دعاوى براقة لا تفصيل فيها وخطاب حنجورى غير واقعى ووعود تغازل احلام البسطاء معودمى العدل والرؤية

[AbOnOrA]

ان ارتكنا لمعايير الكفائة و الخبرة فمرحبا بعود حميد لمبارك

هو بصراحة اذا كنت شايف ان معايير الكفائه والخبرة كانت متوفرة اصلاً فى مبارك يبقى الكلام ممنهوش فايدة اصلا

ولو فاكر ان انا اقصد ان الكفائه والخبرة مقصود بيها انة يكون رئيس سابق او احد اركان النظام البائد تبقى فاهمنى غلط خالص

الكفائه والخبرة مفاهيم بسيطة جداً اى حد فينا اشتغل فى شركات او حتى اى كيان نظامى يعرف معنى الكفائه والخبرة المطلوبة فى موقع تنفيذى

واحد فى موقع زى ده مش لازم يكون ليه خبرة سياسية
طيب هى خبرة ابواسماعيل فى خسارة الانتخابات البرلمانية ممكن تؤهله لايه اكتر من خسارة الانتخابات الرئاسية برضو
وباى مقياس اعتبرت ان ليه خبرة سياسية تضاهى باقى المرشحين
او خبرة ادارية
او خبرة فى العمل العام
او اقتصادية او حقوقية او قانونية او اى خبرة من اى نوع

ده انت حتى لو هتوزنة بميزان المحاماة مش هيجى حاجة جمب خالد على المرشح برضو اللى ياما دافع ونافح ضد الغلابة والعمال وجاب لهم بالقانون حقوقهم برضو

يا سيدى الفاضل بلاش جدال للجدال واعترفو ان اختياركم لابوسماعيل تعصب مذهبى بحت لا من الاسلام ( بمفهوم الجماعة والاعتصام) ولا بالمفاهيم العلمانية ( الكفائه والخبرة )

[AbOnOrA]

و هل كان الملوك من قبل ذوو كفاءة او خبرة؟؟ كان الملك يتقلد حكم البلاد الاسلامية و هو في عمر ال 16 او ال 20 من عمره و يظهر منه ما لا يصدر من الشيوخ ذوو الخبرة و العلم!!! و التاريخ خير شاهد فعد اليه و اقتبس ما تحب! فذلك السبب مردود عليك جملة و تفصيلا.

يا سيدى الفاضل النمازج الديموقراطية الحديثة بتشترط دلوقتى على رئيس الجمهورية برائه الزمة المالية والصحية كمان بما يضمن شفافيه تامة عن الحالة الصحية للرئيس بما يضمن برضو انه يفضل اهل لمهام واعباء الادارة واتخاذ القرارات

وحضرتك بتتلمس هدى ملوك اسلاميين قدامى انا مش عارف هما مين اصلاً

هل النظام الملكى اللى تقصدة ده يشمل ملوك السعودية والخليج حالياً باعتبارهم ملوك وخلفاء اسلاميين وبعقيدة اهل السنة والجماعة ويغلب على اكثريتهم المنهج السلفى !!!

هل ملوك الخليج هم من تقصد

ولا الملك فاروق اللى نادى الاسلاميين فى عصرة بتنصيبة خليفة على المسلمين

ولا فؤاد ولا مين من الملوك دول اللى كانو بيتولدو اهل للسياسة والحكم دول !!!

عموماً انا بحب التاريخ فكرنى براحتك انا معاك

[AbOnOrA]

هذا رأيك الشخصي ظلمت به الاستاذ حازم - لانك ان علمت ان حملته شملت كبار اساتذة الجامعات من قاموا بتنقيح و مراجعة كل بنود البرنامج الانتخابي و رأينا جميعا مناظراته التي افحم فيها كل من ناظره من اقتصاديين و سياسيين!!! بشهادة خصومه و مضيفيه ذاتهم!

يا اخى ده كلام بالله عليك
كبار الاستاذة والجامعات دورهم يراجعو وينقحو كل بنود البرنامج بس !!!
يعنى مش كل استاذ متخصص بيكتب الجزء بتاعة فى البرنامج ؟؟
هو كمان البرنامج بينزل على ابو اسماعيل بالوحى وهما بيامنو وراه !!
يا اخى ده كلام يتقال
انت جيت تكحلها عميتها من بابها بس ماشى نعديها النقطة ديه

انا عايز اشوف فين البرنامج ده اصلاً
مش هو اللى انا حاطة فى الموضوع هنا ده ولا حاجة تانية
يا اخى ده لا يرقى بكونة برنامج اصلا
واللى يقول ان عندة برنامج حقيقى كاذب ومخادع لان مفيش بيانات عند المرشحين ولا المعرفة الكافيه لخصوصيات النظام تسمح بعمل برنامج دقيق وكامل
فقط هى اعلان نوايا وخطط عامة او ما يسمى بملامح برنامج
وانا قارنت ببساطة بين ملامح برنامج خالد على وبرنامج ابو اسماعيل والاتنين فى نفس الموضوع والفرق شاسع

فضلاً عن العديد من الاخطاء الاقتصادية والتاريخية اللى وقع فيها امام الناس بدايه من ترجمة بيبسى الى نظرية ال 50 مليون عربيه

[AbOnOrA]

انت بنفسك قلت ان اتباعه احبوه لتطبيقه الشريعة كاملة و الان تتهمه بالتلون!!!!

اه طبعاً متلون جداً كمان وبشهادة كلامك نفسه دلوقتى انت بتقول انه وحدكم بتطبيق الحذافير وكلامة كله لعموم الناس بتطبيق الشريعة برضاء ورغبة الناس وبشكل مرحلى

وبعدين مناااااااظرات وانتصارات ايه مش كل ده على مناظرة خيرى رمضان الخايبة زى اللى ادارها ديه اللى بتسميها مناظراااااات وانتصارااااااااات