|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
   
|
10 | 76.92% |
| م. سامح رمزي - sam ram |
  
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
 |
|
|
أدوات الموضوع |
|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
|
10 | 76.92% |
| م. سامح رمزي - sam ram |
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
|
|
|
أدوات الموضوع |
|
#2137
17-09-2009, 06:09 PM
|
|||
|
|||
رد: مغامرات المفتش برومبو
6
على قهوة كتكوت برومبو قاعد شايل الهم وحاطط ايده على خده بيندب حظه المنيل اللى هايخلى المكتب يتقفل طب عليه زومة وسوكة ومجانص وهوب خطف مجانص الطاقية من على دماغ برومبو و " بخ " برومبو اتخض وفط ونط وكانت هتجيله سكتة من اللى عمله مجانص زومة : مالك ياكبير شايل الهم ليه سوكة : تلاقى عايوشة نكدت عليه عيشته زاى عوايدها مجانص : والله ياريس الست دى ولا مؤاخذة كده عايزة قطم رقبتها ........ ايه مش قادر تشكمها والا ايه برومبو : الله يخرب عقلك منك له ....... الموضوع مش كده خالص دى مصيبة وطبلت على دماغنا كلنا زومة : خير مصيبة ايه انت كده وغوشتنا برومبو : الرائد ابو نورا كان معايا من شوية ........ وبلغنى انهم هايقفلو المكتب ويسحبو رخصة المخبر الخاص بتاعتى مجانص : يا نهار اسود ........ وانت عملت ايه ؟؟؟؟ برومبو : ولا حاجة مانا متلقح معاكو اهه هاكون عملت ايه يعنى........ شوية مشاكل فى المباحث وقالو لازم المكتب يتقفل ........ تقوم تيجى على راس الغلابة اللى زاينا زومة : طب والحل ياكبير هانعمل ايه دلوقتى ........ دا كده بقينا لا شغلة ولا مشغلة سوكة : والبيوت المفتوحة دى ....... هانلاحق على مصاريفها ازاى ........ وهاكمل بقية العفش بتاع البت شلبية خطيبتى منين ........ ياعالم بقالى ست سنين مش عارف ادخل عليها مجانص : اتنيل على عينك واسكت ..... ده وقت شلبية والا ملوخية حتى ....... احنا فى المصيبة اللى حلت علينا ده زومة : وفلوس العملية اللى عايز اعملها لخالى حسنين ..... هاجيبها منين دلوقتى برومبو : هو كل واحد باصص لمشكلته وبس ........ دبرونى هانعمل ايه دلوقتى ........ لازم نشوف حل يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب 
|
|
#2138
17-09-2009, 06:25 PM
|
|||
|
|||
|
رد: مغامرات المفتش برومبو
7
مكتب د / بولبولان رئيس المباحث ورايح جاى فى المكتب عمال يحرق فى سجاير لما الاوضه عبقت دخان الباب خبط وبصوت عصبى عالى قال " ادخل يا ابو نورا " ابو نورا : تحت امرك يافندم د / بولبولان : من غير ماتقعد ....الموضوع خطير ياسيادة الرائد ........ الملحق العسكرى الاسرائيلى اتخطف ابو نورا : ومين اللى خطفه يافندم ........ وايه مصلحته فى كده د / بولبولان : ده اللى عايزينك تعرفه وبسرعة ابو نورا : حاضر يافندم هابدأ اعمل تحرياتى ....... بس كنت محتاج شوية معلومات عن الموضوع د / بولبولان : الملف ده فيه كل المعلومات اللى نعرفها ........ المشكلة ان مافيش قدامك غير 48 ساعة بس والراجل لازم يرجع ابو نورا : كام ؟؟؟؟ 48 ايه ؟؟؟؟ مستحيل طبعا موضوع زاى ده ماينفعش فيه الكلام ده خالص د / بولبولان : للاسف هو ده كل الوقت اللى قدامنا ....... لان السفير الاسرائيلى بيهددنا بعد المهلة دى انه هايرفع الموضوع لمجلس الامن ........ يعنى ممكن تبقى حرب بجد ابو نورا : بس المهلة دى صغيرة جدا ....... ومالحقش اعمل فيها اى حاجة د / بولبولان : اتصرف كل اللى هاتطلبه هايكون بين ايديك ........ المهم قبل المهلة ماتخلص الراجل يكون ظهر هرش ابو نورا فى راسه وبص بخبث لـ د / بولبولان وقاله بصوت حاول يخبى رنة اللهفة فيه " مافيش غير شخص واحد هو اللى يقدر يحل المشكلة دى " د/ بولبولان : لايمنى عليه بسرعة مافيش وقت ابو نورا : برومبو.......... د / بولبولان : مين ياخويا ؟؟؟؟؟!!!!!!!....... انت هاتصطاد فى المية العكرة والا ايه!!! ابو نورا : ابدا يافندم والله ........ بس هو الوحيد اللى يقدر يحل اللغز ده وفى وقت اسرع من كده وسعادتك مجرب وعارف د / بولبولان : ماشى ياسيدى موافق ....... بس اعمل حسابك المهلة خلص منها ساعتين يعنى مش فاضل غير 46 ساعة ابو نورا : بس ليا طلب صغير عشان اقدر اقنعه يقوم بالعملية دى د / بولبولان وهو بيبص فى الساعة : اطلب بسرعة مافيش وقت ابو نورا : سعادتك تكلم معالى وزير الداخلية يلغى القرار بتاع قفل مكتب برومبو وسحب الرخصة بتاعته د / بولبولان : ولو انها صعبة اوى بس المشكلة اللى اتحطينا فيها تخلى مافيش حاجة مستحيلة ابونورا : وحاجة كمان د / بولبولان : ايه تانى ........ خلص طلباتك مرة واحدة ..... ايه الخنقة دى!!!! ابو نورا : يتعمل تعيين لبرومبو فى المباحث فى وظيفة مفتش غير متفرغ عشان نضمن انه بعد كده ماحدش يقدر يرجع فى كلامه بالنسبة ليه وهو كمان يشتغل وهو مطمن على الاخر وكمان ماحدش يلسن علينا بكلمة ويقول كانى ومانى د / بولبولان : انت كده بتضغط على اعصابى .......بس كلامك منطقى .... خللينى اكلم الوزير الاول " الو ....... مساء الخير معالي الوزير ........ فى اقتراح بخصوص قضية الملحق العسكرى ......... لا لسه ........ برومبو هايتولى العملية .........ايوة يافندم برومبو............ ايوة نلغى القرار ونعينه فى المباحث مفتش غير متفرغ ......................... ......................... ......... حاضر يافندم قرار التعيين هايكون جاهز حالا.... الف شكر لمعاليك ........ ان شاء الله هاتابع معاليك بكل جديد لحظة بلحظة .......... مع السلامة سعادتك " خلاص يا ابو نورا اى طلبات تانية ........اوضة العمليات جاهزة ليك ولبرومبو وفرقته من اللحظة دى ........ وكل امكانيات الادارة تحت تصرفكم خلال الساعات اللى جاية .......... اتوكل على الله ابو نورا وابتسامة النصر على وشه : تمام يافندم يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#2139
17-09-2009, 06:30 PM
|
||||
|
||||
|
رد: مغامرات المفتش برومبو
ايه الحلاوه دى يا مبدع
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#2140
17-09-2009, 06:52 PM
|
|||
|
|||
|
رد: مغامرات المفتش برومبو
8
اوضة العمليات فى ادارة المباحث ودخان السجاير معبق الاوضة وابو نورا وعبقرينو قاعدين ومعاهم برومبو وسوكة ومجانص والكل هاتك يا حرق سجاير والوحيد زومة عينيه مدمعة وعمال يكح من الدخان لانه مالوش فيها زومة : ياخونا ارحمونى بقى .......صدرى ولع نار ...... كح كح كح ......... هاموت افتحو شباك والا شغلو مراوح بلاش التكييف ده برومبو : وبعدين يازومة كان زمانك شربتها كان ارحم ليك ولينا ......... ها ... قولت ايه ياعبقرينو عبقرينو : فكرتك مجنونة زاى عوايدك ........ انا لسه مخترع جهاز اصغر من راس الدبوس بس ايه............. جبار ابو نورا : وعايز تدخل السفارة الاسرايلية اصلا ليه ....... وكمان لو اتمسكت بالجهاز ده هاتروح فى داهية سوكة : ياريس انت كده بتلعب بالنار ........ انت عارف ان السفارة الاسرائيلية تعتبر ارض اسرائيلية مالناش سلطة عليها مجانص : يعنى لو اتمسكت بالجهاز ده ..... هايعتبروك بتتجسس عليهم وانت عارف ياخويا العقوبة ايه ...... كششش ... اعدام ........ وهاتعقد الدنيا اكتر ما هى متعقدة ....... خطف وتجسس برومبو : شوفو احنا الوقت هايسرقنا كده وصدقونى دى الخطة الوحيدة اللى تنفع للموضوع بس كل واحد ينفذ اللى اتفقنا عليه......... نراجع مع بعض سوكة : انا هاجهز الفيرنا زاى ماطلبت ........ وهاغير اللوح بتاعتها ........ وهاركب التربو والسوبر تشارجر والشكمان الديفل ....... وافيم الازاز ........ واجهز شوال وحبل كبار فى شنطة العربية زومة : وانا هاروح الهرم واصور كل المنطقة اللى حواليه ومدخله كمان ومن جوة ولو لاقيت حاجة غريبة ا كلمك على طول ابونورا : وانا معاك فى السفارة عشان ماحدش يرخم عليك ويعطلك مهمتك عبقرينو : وانا جاهز بجهاز الاستقبال وابدأ اسجل اول لما تيجى الاشارة واجهز بقية العدة مجانص والنار طالعة من عينيه وودانه من الغيظ : وانا بقى هاقعد زاى خيبتها اقمع بامية واجهز الغدا لحد لما تيجو بالسلامة برومبو : ياباشا انت عليك الدور الاكبر بس مش هاتبقى لوحدك ....... بعد اذنك يابو نورا الموضوع ده محتاج سيادة الرائد ايمن بوند معانا وهايكون هو اللى مع مجانص فى اخطر مرحلة من العملية بس فى مكالمة ضرورى لازم اعملها هاتأكد بيها من الل فى دماغى يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب التعديل الأخير تم بواسطة salahabdelnabi ; 17-09-2009 الساعة 06:54 PM
|
|
| الكلمات الدليلية |
| مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
|
|
