حكايتى مع السيارات فى العراق !

[sam ram]

طبعا يا دكتور حضرتك اهل الخبره والعلم ..
لكن انا كانت تجربتي مع القهوه كالتالي :-
اول مره فكرت اشربها في ثانويه عامه ... كنت احس اني بنام اقوم عامل فنجان قهوه .. ابقى عايز انام برضو ... وافضل كده شويه لاكتر من ساعه و بعدين ابتدي افوق ..
وساعات كنت انام و بعدين اصحى بعد شويه وافضل صاحي للصبح ...
سألت دكتور قريبي .. قالي ان وصول الكافيين للمخ في القهوه بطيء ... بياخد ساعتين ..بعكس البيبسي و الكوكا .. بيتم امتصاصهم بسرعه في الدم ...

فيا ريت حضرتك توضح مدى صحه او خطاء الكلام ده ... و مشكور مقدما

[Dr. Bolbolan]

و الله يا أستاذ سامح ممكن كلام قريبك يكون صح و أنا ما أعرفوش ! و ممكن انت تكون زيى !

لآنى بصراحه لقيت كام واحد زيى بس موش كل الناس ! عمومآ أنا عارف سبب نومى من القهوه !

لكن لا يصلح للنشر ( موش قلة أدب ) بس موش مكانه! و لما نتقابل ان شاء الله ابقى فكرنى و أنا

أقول لك !

Dr. Bolbolan ptmnlo123per1127

[sam ram]

في انتظار المقابله يا دكتور ... على احر من الجمر .. علشان انا كمان عايز اعرف السبب !!
واتعرف على شخصك الكريم ...
واسف على المداخله و اخراج الموضوع عن السياق ...
في انتظار بقيه الموضوع .. ptmnlo123per12

[Dr. Bolbolan]

و فى يوم من الآيام وقت العصريه دخل العياده شخصان عراقيان لابسين بذلات أنيقه و شكلهم حلو يعنى

موش قاسى على العاده ! و لم يعرفوا عن أنفسهم ! لذلك توجست منهم خيفه و انتصبت لدى كل قرون

الاستشعار ( دا تشبيه بس ) و بعد السلامات و التحيه لقيتهم سألونى سؤال مباشر ! ماهو رأيك فى

الحرب الدائره الآن بين العراق و ايران و تحب مين اللى ينتصر ! على طول فهمت انهم رجال مخابرات !

و طبعآ كان ممكن أقول لهم الايرانيين دول ولاد جزم و نفسى العراق تغلب ! لكن ماعرفش ليه مسكنى

عرق الفلسفه ! و قلت لهم والله حاجه مؤسفه و حرام المسلمين يقتلوا فى بعض ! و أتمنى يتصالحوا

و عفى الله عما سلف ! ( و صدقونى أيامها لم أكن أعرف الفرق بين السنى و الشيعى ) يعنى كنت عارف

ان فيه اختلافات فى كيفية أداء الصلاه و الآذان و بس ! المفروض الكلام ده كان يزعلهم ! و لكن يبدوا انهم

كانوا جايين فى مهمه محدده ! و هى استقطابى للدخول فى النظام ! و بدل ما يبقى اسمى د/ بولبولان

كنت ح أبقى الرفيق بولبولان أو الشهيد بولبولان ! المهم سألونى ما هو رأيك فى حزب البعث ! طبعآ قلت

لهم ان البلد أكيد محتاجه الى حزب يجمع الكوادر المهمه فى البلد للنهضه بشأن العراق ! فقالوا لى و علشان

كده احنا اخترناك ! ptmnlo123per1106 يالهوى ! اخترتونى ايه ؟ قالوا لكى تصبح عضوا فى حزب البعث بصفتك طبيب و مثقف و متعلم ! قلت لهم بس أنا مصرى موش عراقى ! قالوا ما يخالف ! انت عربى وحدوى تقدمى !

قلت لهم ماعرفش حاجه فى السياسه دانا حتى ح..... ( شتمت نفسى كده و كده يعنى ) ! قالوا طب فيه

عرض تانى أفضل ! قلت ماشى أى حاجه ولا حزب البعث ده ( لآنى كنت أسمع ان اللى فى الحزب بيبقى )

( كلمته مسموعه قوى فى البلد و كلامه يمشى على التخين ! بس لو غضبوا عليه ! الموت أهون من اللى )

( ح يجرى له ) ! المهم العرض التانى كان انى أبقى ظابط طبيب فى الجيش العراقى ! و يجوزونى زوجة شهيد

عراقى و أبقى أبو أولاده ( شفتم الحلاوه ) و يعطونى راتب كبير + قطعة أرض للبناء مجانآ + قرض لبناء

منزل عليها يسدد بالتقسيط المريح جدآ ! طبعآ كانت بطنى بتمغص و أنا بأسمع الكلام ده ! ولما خلصوا قلت

ياواد ما بدهاش بقى ! و كنت قايم أرزعهم قلمين لولا انى شوفت الطبنجات فى أجنابهم ! قلت الطيب أحسن

بدل ما يموتوا فى ايدى ! ptmnlo123per195 المهم سألتهم سؤال واحد ! طبعآ ح تودونى الجبهه ؟ قالوا أكيد !

قلت لهم طب لو أنا مت ! ح أستفيد ايه ؟ قام واحد منهم محرك يده فى الهواء بحركه مسرحيه و قال لى

( ح تموت شهيد ) قمت أنا قاومت نفسى انى أطلع من مناخيرى صوت اسكندرانى شهير ! و قلت لهم !

فيه عندنا فى مصر مثل شهير بيقول ( كلب عايش و لا أسد ميت ) ! قالوا قصدك ايه ! قلت لهم شرفتم

يا بهوات ! أنا أبويا ميت و بأصرف على عيلتى و خاطب ( كذب ) و كمان مسافر مصر علشان أحضر الدكتوراه !

ما نجيلكوش فى حاجه وحشه ! و خرجوا قفاهم يقمر عيش ! و أنا جريت على الحمام !

Dr. Bolbolan ptmnlo123per1127

[horas3000]

وحشتنا يا دكتور و وحشتنا حكاياتك