|
#206
09-08-2010, 04:10 AM
|
||||
|
||||
رد: أدب الرحلات
نكمل رغم بداية صيام المشجعين من بدرى
كنت مسافر رحلة الصعيد ودايما كنت اركب القطار الى اسوان وارجع بعد كده مركز مركز لحد بنى سويف ودخلت فندق فى المنيا اسمه توت عنخ آمون والاسم ملفت وشكل الفندق اثرى خااالص المهم دخلت ولقيت الشكل من بره ميطمنش فجيت اخرج لقيت الراجل الفراش مسك فيا اتفضل يابيه حسيت انى مقبوض عليا سلمت امرى لله ودخلت تانى ولما دخلت الغرفة كانت كئيبة ومش نضيفة وشبابيكهامكسرة وحالتها بالبلا وجيت انام ولقيت فار طالع يجرى من تحت السرير طبعا قلقت نوم سيادته وركنت جسمى على السرير وحسيت بحاجة بتمشى جوه المرتبة روحت قايم تانى وبهدوء اخدت الشنطة ونازل العجيب بقى ان موظف الفندق لقيته بيقول لى كلمة عجيبة جدا بيقول بسلامته انه هو مش هيقدر يرجع الفلوس ليه ياعم فقال ان غرفة تنشيط السياحة ممكن تحاسبه لان الزبون دخل وخرج فى نفس الوقت وده يضر بالسياحة وطبعا ضحكت قلت له ده انا قابلت 2 سياح فوق فى الغرفة جريو منى اول م دخلت فقال انت بتتريق قلت له اه لانى انا ماشى لانى لقيت فارين كبار فى الاوضه فقال طيب ثوانى واحنا هنبعت واحد يرش ويموتهم فزعقت فيه واخدت الفلوس ومشيت لكن كل م افتكر حكاية غرفة تنشيط السياحة دى اموت على روحى من الضحك 
|
|
#207
09-08-2010, 04:41 AM
|
||||
|
||||
|
رد: أدب الرحلات
مستمرين رغم انف الصائمين
اذكر مرة دخلت فندق فى اسيوط اسمه فندق ريم وده فندق مصنف 4 نجوم وفندق فخم الحقيقة ويومها حجزت فى الفندق ده لان الرحلة اللى قبلها عديت على خالتى فى اسيوط وباقى العيلة سمعو انى فى البلد ومزرتش حد زعلو جدا واتصلو بالوالد واشتكو وكانت حكاية وهناك نزلت واخدت مفتاح الغرفة حاجة ابهة والله تليق باسيوط كعاصمة للصعيد (طبعا قبل م اقعد بعد كده فى فندق سميراميس بالقاهرة) وكان معايا مبلغ حوالى 13 الف جنيه وشوية فكة وكنت حاططهم فى شنطة بلاستيك سودا جوه شنطة هدومى المهم خرجت تانى يوم الصبح وكملت شغل عادى جدا ورجعت بالليل وببص على الفلوس ملقيتهاش ولاحظت ملحوظة ان فى عينة من عينات زجاجات العطور كانت مش موجودة وروحت بلغت ادارة الفندق وطبعا بلغو الشرطة وحصل تحقيق لكن لاجديد وقررت عدم النزول فى هذا الفندق مرة تانية لكن شىء الهى قال لى ياواد روح انزل فيه تانى ونزلت فعلا وانا طالع غرفتى شميت ريحة جميلة انا عارفها وفوجئت بواحد ماشى جنبى وسالته / جبت دى منين وممكن اشوف زجاجتها فقال / عينى انت تؤمر ياباشا وعلى فكرة انا بحب العطور جدا وانا فاكرك انت صاحب شركة العطور اللى اتسرق عندنا المرة اللى فاتت وانا مدير الفندق وبعتذر ليك وبشكرك على ثقتك فينا مرة تانية و........و..... و.......... لحد موصلنا مكتبه وفوجئت مفاجأة عظيمة دى العينة اللى غايبة مع الفلوس وتماسكت وسألته جبتها منين فقال دى اداها لى عامل من عمال الفندق انا ولكى اتأكد اكتر / طيب ممكن اشوف علبتها فقال / هو اداهالى من غير علبة وناقصة شوية ولما سالته ناقصة ليه فقال اصلى بصراحة جربتها ولقيتها حلوة فقلت دى هدية حضرتك سألته / وهو فين دلوقت فقال/ ليه فقلت هساله / جابها منين وقال/ وهيفيد بأيه فقلت/ لا يفيد طبعا لان دى من انتاج مصنعى وانا منزلتها شا اسيوط لسه وقعدت اكلمه عن الملكية الفكرية وكلمتين فنادى عليه وجه وهو شافنى وارتبك فقلت للمدير/ الراجل ده اللى سرقنى المرة اللى فاتت لان العينة دى اتسرقت من شنطتى مع الفلوس والمدير لقاه ارتبك اكتر فقال هتجيب الفلوس ونمشيها ودى والا نسلمك للشرطة وتمشى رسمى فقال /انا م اخدتش حاجة فقلت / اسمع يابنى /انا مش غريب ومن البلد دى ومن قرية اسمها البلايزة تبع ابو تيج تسمع عنهم والا نشرح فقال /اعوذ بالله (بصوت واطى) عارفهم (طبعا اللى من عين شمس او من مساكن عين شمس اكيد يسمع عن البلايزة وخصوصا عزبة الصعايدة هناك )واخد بالك ياعم كروزير قلت/ حلو يبقى تجيبها بالذوق والا قسما بالله هتبقى هنا معركة بالسلاح بعد اقل من ساعة(طبعا دى اونطة لان عيلتنا اصلا بيعايرونى ان معنديش سلاح ومش بشاركهم بلاويهم السودة) فقال هجيبها هستأذنك اروح اجيب الفلوس قلت/ لا هنروح معاك وانا والبيه (المدير) نجيبهم وطبعا وافق الغريبة روحنا البيت عنده وجبنا الفلوس لقيتهم ناقصين 500 جنيه فقط ومديره قال هدفعهم انا واخصمهم منه والحقيقة المدير ده ذكى جدا لانه بيحافظ على سمعة الفندق ب500 جنيه ومشيت لكن ضحكت لما افتكرت حكاية انى هعمل معركة بالسلاح وهيا مش هتحصل وافتكرت نكتة بتقول واحد دخل يصلى فى الجامع واتسرقت جزمته فوقف وهلل وزعق وقال والله لو مر جعت لاعمل زى م عمل ابويا ورددها كذا مرة فواحد جه وجاب معاه جوز الجزمة وساله وابوك عمل ايه لما الجزمة بتاعته اتسرقت سكت شوية وقال روح حافى ههههههههههه
|
|
#208
09-08-2010, 05:13 AM
|
||||
|
||||
|
رد: أدب الرحلات
نكمل وامرنا لله
كان عندى معاد مهم مع جماعة اجانب فى فندق سميراميس ودخلت الفندق استقبال عظيم وحاجة عظيمة اوى وبنات واضح انه متـنقـيين على الفرازة لانهم تقريبا نفس الجسم ولابسين يونيفورم برتقالى وفوجئت بيهم لابسين جيبات (جمع جيبة) فوق الركبة بمترين وانا المناظر غاظتنى فقلت بضيق ايه المكان ده وسالت مدير البيع بتاعى وقلت له ياعم نقعد فى اى حتة تانية اى المكان اللى كله سيئات ده فقال وهو بيمسكنى من ايدى اعمل معروف مهو مينفعش نقعد بيهم على قهوة النيل اللى فى ميدان التحرير بره وانا مسكت اعصابى بالعافية وشوية وجات واحدة منهم وسابتهم كلهم وجات لى انا مساء الخير يافندم وانا وبكل ضيق / مساء النور تؤمر بأيه حضرتك ولاحاجة شكرا انت مخاصمنى والا ايه ياحاجة هو انا اعرفك علشان اخاصمك ووشها جاب الوا ن من كلمة ياحاجة ومدير البيع انقذ الموقف وقال قهوة زيادة والبهوات يشربو ايه غير الخمور لان خالد مش هيدفع تمنها فقالو بيبسى وطبعا قال لازم تشرب حاجة علشان شكلنا وحش فطلبت شاى وفوجئت واحنا ماشيين بالفاتورة (سنة2003) اعتقد 135 جنيه ايه ياجماعة واحد قهوة وواحد شاى و2 بيبسى (مكانش الصاروخ ده طلع) ب135 جنيه وفوجئت طبعا الاسعار دى من الذاكرة الشاى ب18 جنيه القهوة ب31 جنيه (حقانيين اوى مش ب30 يعنى ) البيبسى الواحد ب25 تقريبا و10% خدمة و10% ضريبة واهلا بيك يافندم وبطلع ادفع قيمة الفاتورة وفوقها 5 جنيه للهانم فلقيت مدير البيع بتاعى قال لا خليهم 20 ليه ياعم فقال النظام كده حسبى الله ونعم الوكيل فى النظام (اقصد نظام الفندق مش نظام الحكم ) ههههههههههههه
|
|
#209
09-08-2010, 07:10 AM
|
||||||
|
||||||
تعيش وتاكل غيرها
اول مرة اشوف صعيدى بيخاف من فار
متابع معاك ياباشا مقلتليش الا بتوع البليزة دول بيعملوا اية لانى من اسكندرية ومعرفش عنهم حاجة
مالها القهوة اللى فى التحرير منظر مدير البيع بتاعك دة كان عاجبة الجيبة
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 04:53 PM
|
|
#210
09-08-2010, 08:04 AM
|
||||
|
||||
|
رد: أدب الرحلات
ع فكرة حرام اوى كدة بقالى ساعتين فى 27 صفحه ومش قادرة اقفل ونفسى انام بس موش قادرة وعماله اضحك بيجد
وربنا يرحم اصحابك اللى توفو وفعلا مفيش احسن من الذكرى الحلوة الطيبه والسيرة الحسنه
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
 |
|
|
