مشاكل اﻹسبيرانزا من وجهة نظرى

[jonior 607]

المشاركة الأصلية كتبت بواسطة mahmooud135 هقول لحضرتك لية انا كاره العربية حضرتك جايب عربية جديدة لية ؟؟؟ علشان تروح بيها كل شوية التوكيل حتى لو حصل على حساب الضمان ولة التوكيل يجبرنى على صيانة كل ثلاث شهور وله اسبنى من التوكيل واروح لميكانيكى بره يلعب فى العربية وله اما اغير عمود دريكسيون مرتين وطرمبة باور والعربية لسة زيرو عاملة 2300 كيلو امال اما العربية تعمل 50 الف هغير اية تانى وله اما اطلع بره الضمان هعمل اية هفضل اصرف على العربية المفروض انها زيرو انا من ضمن الناس اللى اتخدعت بالشكل الخارجى ومل عينى المضروب اه صاج متين اه ثابتة على الطريق اة مفهاش فرامل فيها تخبيط وبيقولك اه بى اس فى مشكلة فى سحب الماتور وتوكيل مش فاهم فى العربية وله صنيعية بره عرفت حضرتك انا لية كاره العربية علشان كده انا بنصح الناس اللى داخلة المنتدى تجمع اراء انها تبعد عن العربية المشكلة فى حاجة اننا بنحب نقلد وبنحب مطلعش نفسنا غلطينن الغلط اللى انا وقعت فية لازم ناس تانية تقع فية ممكن كلامى يكون فى غلط وممكن يكون فية صح عرفت حضرتك انا لية كاره العربية

و ما سألتش نفسك اشمعنى انت الوحيد اللى غيرت كل ده فى فترة بسيطة جدا
أعتقد ان ده سوء استخدام منك منا ما اطلعش عين العربيه و ابهدلها و افتكر نفسى راكب جيب و العربيه اساسا اول عن اخر تمنها 64 الف
لازم تحط ده فى دماغك والا بقى حضرتك تروح تجيب جيب تمنها 275 الف و تعمل فيها اللى على مزاجك
احتمال و الله اعلم انها تستمل جنابك
شــــــــــــــــــــــــ ـــــــــــــــــــــــــ ـــــــــــــــــــــــــ ـكرا ,

[mahmooud135]

المشاركة الأصلية كتبت بواسطة jonior 607 و ما سألتش نفسك اشمعنى انت الوحيد اللى غيرت كل ده فى فترة بسيطة جدا أعتقد ان ده سوء استخدام منك منا ما اطلعش عين العربيه و ابهدلها و افتكر نفسى راكب جيب و العربيه اساسا اول عن اخر تمنها 64 الف لازم تحط ده فى دماغك والا بقى حضرتك تروح تجيب جيب تمنها 275 الف و تعمل فيها اللى على مزاجك احتمال و الله اعلم انها تستمل جنابك شــــــــــــــــــــــــ ـــــــــــــــــــــــــ ـــــــــــــــــــــــــ ـكرا ,

كلها عيوب صناعة وده كلام التوكيل وانا معايا عربية تانية ولو انا تعملى غلط مع العربية اشمعنى العربية التانية مشتكتش

[jonior 607]

علشان انت بتقارن بين عربيه ب 64 الف و عربيه تاتنيه تزيد عنها بحوالى 12 الف
المقارنه اكيد حتبقى فى صالح الاغلى قارن بينها و بين لانوس او فيرنا او فى فئتها السعريه وبعدين انت كرهت العربيه خلاص فلازم حتى لو هى كويسه انت نفسك بقيت قافل منها بلاش تعمم فكرة انها وحشه قوى كدا لمجرد ان عربيتك مش بسطاك
تعرف انك انت الوحيد اللى كان رايك ان العربيه وحشه جدا و ندمان انك اشترتها
اكيد مش كل الناس غلط و جنابك الوحيد اللى صح ولا ايه يا جميل

ردا علي استاذ محمود
اعتقد ده لنك الرد الصحيح

http://www.masrmotors.com/vb/showthread.php?t=46552

تقبلو خالص تحياتي

[أحمد فاروق سيد]

المشاركة الأصلية كتبت بواسطة mahmooud135 كلها عيوب صناعة وده كلام التوكيل

أذكر دليلك أن التوكيل أعترف أن بها عيوب صناعة
أذكر تحديداً في آى مركز ؟
ومَن قال لك ذلك " أسمه " ؟
ووظيفته بالمركز ؟
لأنى سوف أُصَعِد الموضوع
صدقاً سوف أصعد الموضوع قضائياً وإعلامياً
لأن لو التوكيل أعترف بهذا
إذاً هناك شبه تدليس وخداع وغرر من شركة أبو الفتوح
وسوف أقاضيه أنا وجمع غفير من ملاك الأسبرانزا

برجاء مساعدتنا يا أستاذ محمود
إذا كان هذا الكلام حق

على لسان مَن هذا الكلام ؟
وفي أى مركز تم ؟