سافرت السعودية ودايخ علي عربية

[TELEBK]

المشاركة الأصلية كتبت بواسطة نبيل عبدالرحمن قلبى معاك يا دكتور خالد أنا حاسس بيك والله وبإحتياجك للعربية ومش هاينفع معاك غير إنك تكون فى أجازة 3 أيام على الأقل وتنزل جده وهناك تدور وهاتلاقى إن شاء الله اللى بتدور عليه لإن جده مدينه كبيرة وفيها مئات الآلاف من السيارات وموديلات حديثة كمان ، ولما تلاقيها دور على شركة شحن تنقل لك العربية من جده الى جيزان أيضاً يمكنك الذهاب الى مدينة أبها أو خميس مشيط وهما مدينتان كبيرتان وقريبتان من جيزان وإن شاء الله ربنا هايوفقك ، ونرجو أن تطمنا عليك وبالغ شكرى وإمتنانى لحضرتك على مكالمتك الهاتفية لتعزيتى فى وفاة والدى جزاك الله خيراً

الأخ الفاضل المهندس نبيل ، شكرا لردك الكريم ، وأنا مع حضرتك في حكاية سفري لجدة وإن شاء الله ححاول أشوف فرصة كويسة وأعمل كدة ، لكن دلوقتي أنا نزلت إعلان طلب شراء سيارة علي موقع حراج السيارات في السعودية ، وفيه واحد كلمني علي عربية تويوتا يارس موديل 2010 علشان أشوفها ، عموما التيوتات هنا ماشية أوي والكل بيعشقها ، لكن مش عارف اليارس كويسة ولا لأ ، فيه ناس بتشكر فيها ، وفيه ناس مش عاجباها وبتقول تكييفها بيبوظ بسرعة .
وفيه واحد كان عارض عربية هيونداي أكسنت 2010 برضة بس مكنش حاطط سعر ليها سايبها للسوم أو لأعلي سعر ، وبرضة الناس هنا بدأت تحب الهونداي ، لدرجة إني كنت راكب مع سواق ملاكي في توصيلة وكانت عربيته يارس والكلام جاب بعضة فقالي إنه ممكن يغير ويجيب هونداي أكسنت ، فوالله أنا لسة بأدور وربنا يسهل ودعوات حضرتك .
وبعدين حضرتك أخ عزيز وفاضل وإنسان محترم وخلوق ، وأدعوا الله أن يتغمد الوالد في فسيح جناته وان يحشرة مع البرره والصالحين ، وأن يجعلة مع الحبيب محمد صلي الله عليه وسلم ، وأن ينير قبرة بالقرآن والصلاة ، آمين .

[نبيل عبدالرحمن]

آمين ....آمين يارب العالمين
شكراً لك يا دكتور