محدش يركن تحت بيتى

[fighter2020]

لية المشاهدات كتير والمشاركات قليلة

[وائل احمد السيد]

المشاركة الأصلية كتبت بواسطة M.TONSY وائل احمد السيد يا اخى اتقى الله بتنصحه بأذية الناس واذية نفسه يعنى هو لما يعمل كدة اصحاب العربيات هيسبوه وخاصة انه جديد فى المنطقة اما بالنسبة لصاحب الموضوع حضرتك فعلا ما تقدرش تتحكم فى الشارع لانه منفعة عامة للجميع انت لا تملك سوى ارض منزلك فقط هو ده الحق والقانون ولكن اذا كان لك عربية وحابب تركنها امام بيتك او عايز تفتح الدكان فالاولوية طبعا لك للاستفادة من الشارع امام منزلك وكله يبقى بالذوق والتراضى خاصة وانكم جداد بالمنطقة

الاخ تونسى السلام عليكم . واللة انا مش بنصحة بأذية حد ولكن انا قولتلة موقف حصل معايا وعلى فكرة انا كنت طول مشكلتى لوحدى ولكن لقيت طريقة مناسبة للموقف اللى كنت انا فية والحمد للة حلتها والرجل بقى شخص تانى لانة عرف حجمة وعلى فكرة كل اللى قلتة دة انا عملتة معاة والعمارة كلها بتوع جيش بس على مين احنا الادب والاخلاق والرجولة مع الكويس اما غير فأعوذ باللة ما اقولكش وما تشوفش. الموضوع دة بقالو فترة الان انا ربنا هدانى شوية الحمد للة . الشعب كدة لما تلاقى شخص ما بيردش وصوتة هادى يتاكل اما لما يزعق ويشتم ويعمل مجنون الكل يعمل لة حساب للاسف هى دى البلد وانا بجيب من الاخر من غير لف ولا دوران المحترم بيبان من الاول اما المهزء برضو بيبان واللة اصحاب العربيات لايقدرو يعمل لة اى حاجة عموما هو لة حق انة يتصرف حسب الموقف اللى هيكون فية وطبعا الذوق والتراضى فى الاول علشان يجرب وانت كلامك على راسى وانا بأيدك تحياتى

[fighter2020]

وائل احمد السيد
ممكن تعرفنى ايه اللى حصل بالظبط معاك وعملت محاضر ازاى وفين بالترتيب واسف لازعاجك

[وائل احمد السيد]

المشاركة الأصلية كتبت بواسطة fighter2020 اولا شكرا ليك استاذ وائل لردك وك فائق الاحترام ثانيا اناعايزاعرف اشتكيه بايه وعلى فكره مره كان راكن تحت بيت جار لينا ووقع من عندهم لوح زجاج من الشباك عليه وراح عمل محضر للسكان ومحدش عبره المشكله انى وحيد ومليش حد وعلى فكره هو بيشوف نفسه حبتين فى المنطقه بسبب الجهل اكيد فاهم .فعشان كدة مبيحبش حد يقل منه مرة بيكلمنى وعمال يبين الطبنجة فى الجراب قولتله انامش عسكرى عندك.وقولى تفاصيل محاضر الشرطة العسكريه مع العلم انة فى الجوية ؟بس المشكله فى اسمة؟وشكرا لردك ومتستنى تنورنى برد اخر اخ تونسى مختلفتش معاك ان الشارع ملكيه عامه وانا بحترم دة جدا بس للاسف المنطقة مبتحترمش حد يعنى هو صاحب شقه ايجار قديم واخد مكان قدام بيتى وبيتخانق لو حد ركن مكانه وبيلزمنى انادى لو هانزل حاجة علية وانا صاحب بيت كامل اخرى باب البيت بس والشارع منعه عامة ولامنفعة للى يحجز ويبلطج؟وعلى فكرة عاجبنى رايك وموافقك فية بس فى مناطق ومناطق الزوق بيبقى ضعف وشكرا لردك واتمنى متحرمنيش من مشاركاتك وارجو ميكونش ناقشى دايقك

اولا . لازم الاسم رباعى والرتبة / ثانيا تطول بالك علية وتحاول معاة مرة تانية وتالتة (وانا متأكد انة متكبر وهزءومن النوع اللة ما يجيش الا لما يأخد على دماغة )لحد ما يغلط فيك وانت يتقول كان بيكلمك وعمال يبين الطبنجة يعنى بيهددك بيها ودة سوء استغلال للسلطة و للسلاح وممكن تعملة محضر زى الزفت وتقول انة بيهددك (رمى بلاء ) /ثالثا الذهاب لوزارة الدفاع لعمل شكوى فية وزارة الدفاع اللى بجوار هيئة الارصاد الجوية اللى قبل جامعة عين شمس ولو همة غير معنيين بالشكوى اسألهم اروح فين وهما هيقولولك وانت متخرجش منها الا لما تعرف هتشتكية فين وازاى وممكن تقولهم انك هتبعت الشكوى للجرائد وهتبعتها لرئاسة الجمهورية . وعموما انا بنصحك انك تطول بالك شوية عليهم لعل الامور تتصلح ويا ابنى طالما انت لوحدك فطول بالك وما تجبش وجع الدماغ لك او لوالديك عمل المصائب سهل اوى ولكن لابد ان تكون طويل البال وصبورولك الاجر واللى انت بتدور علية هتلاقية جالك لوحدة وانا مؤيد لكلام استاذ تونسى

[وائل احمد السيد]

المشاركة الأصلية كتبت بواسطة fighter2020 وائل احمد السيد ممكن تعرفنى ايه اللى حصل بالظبط معاك وعملت محاضر ازاى وفين بالترتيب واسف لازعاجك

بص انا موضوعى غير موضوعك انا شقتى كانت متبهدلة من حمام شقتة فكنت بكلم 122 نجدة فيرسلو عربية وبخليهم يعملو معاينة للشقة عملت كدة 4 مرات ب4 محاضر وبعد كدة اخذت المحاضر ورحت لصندوق الاسكان للقوات المسلحة لان العمارة كلها تبع الجيش واشتكيتة وكانت شكوتى جامدة لان
يوجد نصين بالعقد اللى بينى وبين الصندوق معناهم ان شارى الشقة يتمتع بيها بما لا يخل بمقتضيات الامن والامان للمبنى وطبعا حمام شقتة مبهدل شقتى لدرجة ان المياة كانت بتنقط من كل حتة فى شقتى وصندوق الاسكان حول الشكوى للشئون القانونية الخاصة بالجيش ودى اشد من الشرطة بتاعتنا على بتوع الجيش ولما الشئون القانونية اتاكدت من صحة شكوايا ارسلت لة انذار بفسخ العقد وهو على طول راح مغير طريقتة معايا 180 درجة وعلى فكرة انا مش فى الجيش انا محاسب ببنك القاهرة بس اشتريت الشقة من رائد بالجيش واصبحت ملكى/كل دة مش مهم طبعا المهم انك تلاقى المكان الصحيح لشكواة /بص قريبا سأزو عمتى بالسيدة زينب وابن عمتى ظابط بالقوات الجوية هسألة ممكن تعمل اية اول ما اعرف هقولك / تحياتى