ارجو الافادة محتارة جدا

[YahiaAshraf]

المشاركة الأصلية كتبت بواسطة فلانة الفلانية سلام عليكم يا اعضاء المنتدى الكرام بصو بقى اللي يعرف اي جملة مفيدة ف القصة دي ميبخلش بيها اللي هي ايه القصة؟ باذن الله ناويين ف البيت نشتري عربية بعد نقاش سنين واقترحت عليهم انه 20 الف او ازيد ينفع يجيبو حاجة كويسة مستعمل لما وافقوني ابتديت ادور واقرا المهم توصلت لانسب حاجة يا ماروتي يا لادا يا اما اللي دخلت دماغي اكتر دايو ماتيز شكلها جديد ومريحة من جوة عن ال2 التانيين خصوصا انها نفس موتور الماروتي واللي عرفته من فرق وياريت تصححولي ان ماروتي سهلة ف التصليح وقطع غيارها كتيرة ورخيصة وموفرة في البنزين ولادا جامدة وتستحمل بدليل انها التاكسي هنا وموتورها محترم بس بيخليها تستهلك بنزين وقديمة ومش مريحة الاسئلة بقى ونشد خط من هنا عشان لو حد اتخنق م القصة (لو ممكن تاخدو مشاركتي اقتباس عشان هاسال على حاجات كتير) ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ م الاخر تفضل اي واحدة فيهم وليه؟ افضل الدايو ماتيز الدايو ماتيز ايه مميزاتها وايه عيوبها؟ قويه موفره قطع غيار متوفره واسعه اى واحد يعرف يشتغل فيها سعر اعادة البيع كويس ومطلوبه كمان يعنى ليها سوقها هل ليها مشاكل على المدى البعيد؟ عشان مش ناويين على تغيير خالص مشاكلها تعتبر لا تذكر الا لو فيه اهمال فى الصيانه وكده اخبار قطع غيارها توفرها واسعارها قطع غيار متوفره و اسعارها مناسبه وتصليحها فيه ناس بتفهم فيها عادي؟ للعلم انا من اسكندرية اى واحد يعرف يشتغل فيها الموتور الصغير عاجبني ف انه موفر ف البنزين بس اخبار اداؤه ايه؟ سمعت انه هيبقى رخم ف المطالع مثلا بس ماهياش كتير يعني بالمقارنة بالتوفير بس ايه كمان ممكن الموتور ميعملوش موتور كويس جدا و موفر جدا هو ممكن يزرجن شويه فى المطالع بس مع التعود هتبقى سهله هيبقى لازم اظبط رجلى على حاجه معينه و انا بطلع علشان اعود نفسى اعرف لها موديلين منتشرين 1999 و 2000 رينج اسعارهم يكون ايه؟ سعرها من 25 - 29 الف وعامة في سوق المستعمل فيه وقت معين ف السنة يعني موسم السعر بيقل فيه؟ سعر اعادة البيع كويس و هى مطلوبه و ليها سوقها سؤال مهم ادور فييييييين؟على ماتيز بالذات انا ماعرفش غير سايت كونتاكت كارز على كام سايت اعلانات بس فيه حتة او سوق ادور فيهم السوق انا عرفت انه بيضحكو ع الناس وفيه سواء ف السعر او الحالة لا انصح بالسوق النت الان افضل وسيله زى كونتاكت كارز - فبريقه - عربيتى - مصر كار - كار 100 100 الخ سؤال مهم بقى اوي اوقات لما بقرا عن اللي ينزل يلاقي عربيته اتكسرت ولا مش عارف ايه وقع ولازم يغيره ولا اما باشوف بعيني منظر الطريق ف مصرنا المحروسة وكل واحد واخد الطريق بلطجة باتعقد بصراحة وبافكر اخليهم يصرفو نظر بس ف نفس الوقت نفسي ارتاح من بهدلة المواصلات وكمان هش مش بتوصل لكل حتة اى حاجه فى الاول صعبه و مره مع مره اكيد هناخد على الامر الواقع اعتبروني اختكم ورسوني على الحوار دة عشان تعبت واحترت وتقريبا انا المسئولة عن القصة دي ف اي مشكلة هتحصل هتبقى ف وشي وانا زي ما قلتلكم لسة كنت ميح بيضا عن العربيات تحت امرك يا فندم كفاية كدة ابقى اعمل جزء تاني عن السواقة

الرد فى الاقتباس

[شريف حجازي]

هاتي الماتير احسن من الماروتي ولو عايزة حاجة تانية هاتي كيا برايد العصفورة احسن من الاتنين لانها كوري مش هندي ولو تقدري تزودي حبة كمان هاتي هيونداي اكسل في حدود 24000 بس هتبقا 1300 وكماليات متعديش بئا تكييف وسنتر وزجاج كهربائي الخ الخ الخ دا غير انها عملية جدا ومحبوبة وبتتباع زي الساروخ لو فكرتي تبيعيها ودي احسن واحدة في المجموعة الي قولتلك عليها عن تجربة وربنا يوفقك

[فلانة الفلانية]

المشاركة الأصلية كتبت بواسطة yahiaashraf الرد فى الاقتباس

شكرا كتير بجد فدتني جدا
بس بالنسبة ان الشغل فيها سهل كنت قريت ان حوض الماتيز الضيق بيضايق الصنايعية ومش بيحبوه؟

وكان عضو مشكورا ف رده عليا قال انه ممكن قطع غيارها تكون مش متوفرة عشان اتوقف انتاجها؟
كلام منطقي بس هل صحيح؟ او ان مثلا بتتقضى من قطع غيار عربية تانية مثلا ولا ايه

[YahiaAshraf]

المشاركة الأصلية كتبت بواسطة فلانة الفلانية شكرا كتير بجد فدتني جدا بس بالنسبة ان الشغل فيها سهل كنت قريت ان حوض الماتيز الضيق بيضايق الصنايعية ومش بيحبوه؟ وكان عضو مشكورا ف رده عليا قال انه ممكن قطع غيارها تكون مش متوفرة عشان اتوقف انتاجها؟ كلام منطقي بس هل صحيح؟ او ان مثلا بتتقضى من قطع غيار عربية تانية مثلا ولا ايه

رغم ان حوظ الماتيز ضيق
بس برده اى واحد يعرف يشتغل فيها


بالنسبه لقطع الغير فهى متوفره



مش معنى ان اتوقف انتاجها يبقى ملهاش قطع غيار

طب ماهى الهيونداى اكسل اتوقف انتاجها من زمان
و قطع غيارها متوفره عند اى واحد


تحياتى

[فلانة الفلانية]

المشاركة الأصلية كتبت بواسطة شريف حجازي هاتي الماتير احسن من الماروتي ولو عايزة حاجة تانية هاتي كيا برايد العصفورة احسن من الاتنين لانها كوري مش هندي ولو تقدري تزودي حبة كمان هاتي هيونداي اكسل في حدود 24000 بس هتبقا 1300 وكماليات متعديش بئا تكييف وسنتر وزجاج كهربائي الخ الخ الخ دا غير انها عملية جدا ومحبوبة وبتتباع زي الساروخ لو فكرتي تبيعيها ودي احسن واحدة في المجموعة الي قولتلك عليها عن تجربة وربنا يوفقك

شكرا كتير لردك بس الماتيز كمان طلعت هندي ولا ايه
انا بصيت ع ال2 اللي حضرتك ذكرتهم داخلين ف التلاتينات على كونتاكت ممكن يكونو هما معليين؟
هادور فيهم على باقي السايتات اللي اعرفها ومتشكرة مرة تانية