عزلت الفيرنا شنطة وكبوت وارضية

[sehsss]

موضوع رائع

[pashaa911]

المشاركة الأصلية كتبت بواسطة مشمش1 السلام عليكم تجربه عمليه مفيده جدا ومنتظرين صور العربيه الصني للأستفاده ياترى عزلت الصدر بتاع السياره بين المحرك والصالون ولا نسيته علشان مايجبش حراره ولا صوت للكابينه وتقبل مرورى والله المستعان

بالنسبة للصدر انا مفكتش التابلوه لكن لما كنت فاكك الارضية والكراسى قمت مدخل دماغى من تحت الدواسات كده وبصيت بالكشاف جوا لقيت فى طبقة كاوتشوك وطبقة لباد على الصدر فمعملتش فيه حاجة بس حشرت اللباد بتاعى تحت الطابلوه .

[pashaa911]

المشاركة الأصلية كتبت بواسطة michaelmic طيب هوه الفوم الحرارى و اللباد بتجابوا منين لو سمحت و لو ممكن شويه شويه للارضيه

بيتجابو ياباشا من عندالناس اللى بتبيع حاجات السروجى

[pashaa911]

المشاركة الأصلية كتبت بواسطة Hisham.Elgazzar انا اشتريت امبارح الفوم الأبيض الحرارى ده ب 25 المتر بالعافية معرفش شكل اللى اشتريت من عنده حرامى والا اه لأنك قولت المتر ب 15 الباد جبت 4 متر ب 70 جنيه الكوله ماجبتهاش ، تنفع الجمالكه ؟؟

ياباشا حضرتك جبت اللباد ارخص من اللى انا اشتريته وجبت الفوم اغلى يعنى هى هى الاتنين التجار حرامية ههههههههههههههه اللى باع ليك واللى باع ليا
وبالنسبة للزق انا معرفش بصراحة الجمالكة هتعمل لانى جربت بالكله وعلى فكرة النهارده فى عز الحر كنت فى الدقى ومشغل التكييف والكوله مفكتش اللى فى الكبوت فبصراحة مقدرش اقولك على حاجة مجربتهاش بالفعل.
وملاحظة صغيرة الكوله تدهنها على السطح المعدنى وتسيبها تنشف دفيفتين وبعدين تبدأ تحط العزل بتاعك.
وربنا يوفق

[ahmed_eng2001]

متابع و مقبل على موضوع العزل ده ان شاء الله
مجهود رائع