أين خرطوم الراجع فى هذه الصورة

[borio1704]

المشاركة الأصلية كتبت بواسطة tham1010 لا فضول ولا حاجة. العربية دى أول نسخة من الماتركس وهو ماتور 1494 سى سى حيث بدأ إنتاج الماتركس لاول مرة فى كوريا عام 2001. وبيطلق عليها لافيتا فى كوريا Lavita علشان كدة العربية مكتوب عليها لأفيتا CR وهى هى الماتركس المصر بالضبط. فى بعض البلاد زى أستراليا بيطلق على السيارة أسم هيونداى إلنترا لافيتا Hyundai Elantra Lavita العربية الكورى لافيتا مختلفة شوية عن الماتركس بتاع غبور فى إن فيها فرامل ABS ونظام TCS للمساعدة على ثبات العربية. كمان الكويتشات 15 وبجنوط أسبور ألمونيوم. وفيها مخارج 12 فولت فى كذا حته فى العربية وفوجات ولمبات قراءه فى الجزء الامامى وجراب للنظارة. و 2 وسائد هوائية. والأتوماتك منها بيكون فيها مخرج للتليفون. يعنى شوية كمليات زيادة عن بتاع غبور.. المهم بقه أنه ماتور العربية ده محيرنى بشكل وحش. المواقع بتقول أن الماتور دة 12 صباب وهذا بيجعلها مزودة بكامة واحدة. ولكن مواقع البيع فى كوريا بتقول إن الماتور مزود ب 2 كامة. ولكن المحرك 2 كاما بيكون 16 صباب وكذلك 1600 سى سى. فأنا معرفش غير ان المحرك 1494 سى سى. وغير متأكد من مواصفات المحرك ولفيت على النت ولم أجد أى إشارة. لهذا أعتقد أن هذا محرك ظهر مع النسخة الأولى من السيارة فى كوريا. العربية أكثر من ممتازة على الرغم من إنها مستعملة وبسبها بالأسبوعين من غير تدوير وأول ما بدور بدور من أول مرة. البطارية بتاع بلادها. فعلا أحنا فى مصر الناس المصنعين بيستهبلونا...

في كتالوج العربية حتلاقي صور لكبوت العربية مفتوح وباين فيها أنواع المواتير... شوف أنهي صورة تنطبق على موتور عربيتك

ولو الكتالوج مش متوفر... عادة المواتير الـ2 كامة بيبقى مكتوب عليها كلمة DOHC ، ودي اختصار لعبارة Double Over Head Cam.. يعني "كامة علوية مزدوجة"...

لو لقيتها على موتورك يبقى أكيد الموتور بتاعك 2 كامة



...

[tham1010]

المشاركة الأصلية كتبت بواسطة borio1704 في كتالوج العربية حتلاقي صور لكبوت العربية مفتوح وباين فيها أنواع المواتير... شوف أنهي صورة تنطبق على موتور عربيتك ولو الكتالوج مش متوفر... عادة المواتير الـ2 كامة بيبقى مكتوب عليها كلمة DOHC ، ودي اختصار لعبارة Double Over Head Cam.. يعني "كامة علوية مزدوجة"... لو لقيتها على موتورك يبقى أكيد الموتور بتاعك 2 كامة ...

الحقيقة أنا مش معايا الكتالوج. العربية دى كان الكتالوج مش موجود فيها. الظاهر الراجل الكورى اللى كانت العربية عنده كان مضيع الكتالوج. والكتالوج الوحيد اللى لقيته على النت هو بتاع عربية ماتركس 2002مستوردة مش مصرى ففيها كل مواصفات عربيتى ولكن الماتور 1600 سى سى مش 1495 سى سى زى بتاعى.

أنا هسأل سؤال تقنى شوية. هل الماتور الأثنين كامة بيكون فيه بكرتين ( الى بيلتف عليها سير الكاتينة) بحيث لكل كامة بكرة منفصلة، ام يمكن أن تستخدم بكرة واحدة تدور كامتين داخل المحرك. بمعنى أخر هل من الشكل الخارجى للمحرك ممكن أقول انه كامة واحدة أو أثنين. المحرك عندى متغطى بغطاء اسود كما هو اضح فى الصورة فعلشان أقدر أشوف مكتوب عليها أيه لازم أشيل الغطاء الأسود, يمكن اعمل الحكاية دى لو عندى وقت...

[احمد على 1999]

غالبا الماتور عليه فبرة يبقى كامتين
و اللى ياكد الكلام ده هل انت شايف البوجيهات ؟
لو مش شايفها يبقى كامتين
و لازم عشان توصل للبوجيهات تفك الفبرة

[tham1010]

المشاركة الأصلية كتبت بواسطة مشمش1 السلام عليكم تصميم الكامات الموجوده في المحركات اما بتكون كامه واحده تتحكم في صمامات الحر والعادم او كامتان كامه تتحكم في صمامات الحر وكامه تتحكم في صمامات العادم فالمحركات ال8 صمام تتحكم فيها كامه واحده بس اما المحرك 12 صمام اما يتحكم فيه كامه او كامتان و 16 صمام بتتحكم فيه كامتان ويوجد محركات تكون الكامات علويه ومحركات تكون الكامات سفليه اما بالنسبه للباور فبدل ما تغير الزيت تأكد الأول من وجود تسريب ولا لأ وصلحه اما تقل الدركسيون فأكشف علي الأسكاتر وبيض العفشه ولا يكون العيب في الزيت والله المستعان

الحقيقة كلام حضرتك هو صح جدا. لانى مثلا وجدت فى النت عربيات أكسنت موديل 2001 والماتور 1495 سى سى وفيها 16 صباب و 2 كامة، وفى مواقع كورية وجدت نفس العربية 1495 سى سى نفس الموديل ولكن 8 صباب وكامة واحدة. ونفس الحكاية فى ماتور الماتركس فى كل بلد يظهر ماتور مختلف لنفس العربية حسب إحتياجات البلد. ولكن اللى متأكد منه انه فى ماتور 1495 سى سى وثانى 1600 سى سى وثالث 1800 سى سى. واخر أثنين فى العربيات الهيونداى الماتركس، اما الماتور الأول فهو فى الهيونداى الأفيتا...

الحقيقة مفيش تسريب ولا حاجة وأنا متأكد من هذا. العربية أنا جبتها من عند التاجر ومش عملت فيها حاجة ومش عارف هو اللى كان حاطط الزيوت ولا جاية فيها. ويمكن المنسوب ناقص مش زمان ولكن مع الصيف ونظرتى لخزانه الزيت الباور هى اللى خلتنى أخد فى بالى ثقل الدريكسيون. واعتقد الحل هو فى زيادة الزيت حتى المنتصف بين العلامة العليا والعلامة السفلى.