ما هو السبب الحقيقى فى أزمه البنزين

[yasser.omar]

المشاركة الأصلية كتبت بواسطة tonsy1979 كان المفروض صاحبك خد رقم العربية واتصل بالنجدة وعملهم اثبات حالة

وحياتك عملتها قبل كده بس اللى ساعدنى ان البنزينة فى منطقتى فى اسوان والبلد كلها تبقى قرايبى وجنبها بالظبط موقف كبير وكل السواقيين كانت زى اللى بتلكك وده اللى خلى الجيش يجى ويتعمل محضر والبنزينة كانت هتتكسر وتتساوى بالارض ومن ساعتها البنزينة دى لابتعبى فى براميل ولا تقولك مفيش بنزين
تخيل كان التاجر بيشترى بنزين 80 بجنيه وربع وطبعا صاحب البنزينة ليه المكسب اولا بس خلاص راحت عليه يا يوفر البنزين ويرضه بمكسبه يا تتكسر له بنزينة بكام مليون

[M.TONSY]

::

المشاركة الأصلية كتبت بواسطة yasser.omar وحياتك عملتها قبل كده بس اللى ساعدنى ان البنزينة فى منطقتى فى اسوان والبلد كلها تبقى قرايبى وجنبها بالظبط موقف كبير وكل السواقيين كانت زى اللى بتلكك وده اللى خلى الجيش يجى ويتعمل محضر والبنزينة كانت هتتكسر وتتساوى بالارض ومن ساعتها البنزينة دى لابتعبى فى براميل ولا تقولك مفيش بنزين تخيل كان التاجر بيشترى بنزين 80 بجنيه وربع وطبعا صاحب البنزينة ليه المكسب اولا بس خلاص راحت عليه يا يوفر البنزين ويرضه بمكسبه يا تتكسر له بنزينة بكام مليون

[mody112]

من وجهة نظرى الشخصية المتواضعة :-
ازمة البمزين ازمة مفتعله يعنى البنزين موجود وكل حاجه موجوده بدليل ان مفيش حد ركن عربيته الملاكى وقال اخد مواصلات لانى مش لاقى بنزين وكمان مفيش سواق ميكروباص قال لما اركن الميكروباص لان مفيش جاز او بنزين ( بالنسبه للعربيات النفل مش عارف بصراحه) يعنى الملاكى والتاكسيات اللى لسه محولتش لغاز وكمان الميكروباص اللى بيشتغل بنزين وجاز طيب بالعقل كده لو مفيش بنزين او جاز كنا على الاقل حنلاقى البلد فاضيه خااااااااااااالص ولكن الشوارع زحمه زى ما هى والعربيات كلها فى الشوارع كل الحكايه انك بدل ماكنت بتمون فى 5 دقائق او اقل بقيت تمون فى 50 دقيقه او اكتر وكله بيمون فى الاخر يبقى بدل ما عربية البنزين تروح الصبح وباليل بقت تروح باليل بس ولكن حموله اكبر وهكذا لمعظم البنزينات وحسبى الله ونعم الوكيل والهدف هو قرف المواطن المصرى سواء ميسور الحال(الذى يمتلك عربيه ملاكى زى ما كتير من الناس بتبص ليه على انه ميسور الحال وعنده عربيه وميعرفوش انها بيت تانى ) او الراجل اللى بيجرى على عياله (صاحب التاكسى او الميكروباص ) المهم يبقى في عكننه وخلاص وعلى اى حد ومش مهم اى حد واهو كده وخلاص واللى يعرف يعمل حاجه يعملها واعلى ما فى خيلك اركبه و...................ويعنى هى جت على البنزين او حتى الانابيب او الحمى القلاعيه او مذبحة بورسعيد او حرق المجمع العلمى او مجلس الوزراء او ماسبيرو او مليارات التامينات اللى بقت فى خبر كان او شقق الشباب اللى مش للشباب او بطاقات التموين اللى بقالها كام سنة مقفوله او اضراب الاوتوبيسات ويسيبو الناس فريسة للتاكسيات والميكروباصات او البلطجة عينى عينك فى الشوارع او المستشفيات الحكوميه اللى الداخل فيها مفقود والخارج منها مولود وربنا يعافينا ويعافى الحميع ولا المستشفيات الخاصة وفواتيرها ولا العيش ابوشلن ده لو كان لسه بشلن ولا منجم السكرى وحصة مصر منه ولا ارض توشكى وتسهيلاتها ولا بيع الغاز برخص التراب لاعدى اعدائنا ولا نجيب قطارت جديدة من امريكا متركبش اصلا على القبضان بتاعتنا ونسيب الالمان اللى عمرهم مازعلونا ولا التفاوت الرهيب فى الدخول بين الافراد ولا ولا ولا وفى الاخر يعنى هى جت على البنزين ماهو بجملة انعدام الضمير.